بغيت اسالكم سؤال وهوه عن الصدقه الجاريه ؟
ابغي اتصدق كل يوم بس ماعرف كيف انا ماشتغل بس خاطري دووم اتصدق ماعرف كيف وبشوو اتصدق عشان تكون لوجه الله . قريت انه اذا تبين تصدقين احين مسوين برسايل النصيه تخصصين مبلغ وعن طريقها يسحبوون من رصيدج بس المشكله انه رصيدي مب بالبطاقه المدفوعه وانا ابغي اتبع هالوسايل لصدقه بتقولون شي وسايل ثانيه بس انا ابغي كل يوم اتصدق ومايفوتني يوم الا وانا متصدقه … شوه اسوي عطووني افكاركم وشكرا
ممكن تسوين اكله و توزعينها على الجيران
عندج طيور او حيوانات في البيت تطعمينهم اكل حطي في السطح عيش و شوفي كيف الطيور بتيج سبحان الله بتقولين كيف بتعرف المكان ربج يرزقها سبحان الله
ممكن تتعاملين مع محل الخضروات و تقوليله الخضروات الي منتهية و بيعقونها في الزباله في بعض العمال يبعولج كمية كبيرة يعني يتزقون منه بملغ بسيط تاخذينها و تعطين حد عنده للحيونات مثل خس و غيره
مممم
البتسامة ابتسمي في ويه خدامتج – ريلج – اي حد و احتسبيها في قلبج بنية الصدقة
مممم تساعدين حد
وايدد اشياء من سوالف الصدقة
صدقيني اذا سوينا جرد بس جرد حق البيت و نشيل الاشياء اللي مانحتاجها بنحصل كمية كبيرة من الاشياء للصدقة
اي لقمة تاكلينها تقاسميها مع حد حتى لو برجر معه شبس لو حبة بطاطا تعطين حد ياكله صدقة
وايدد وايدد اشياء
ومثل ماقالت مب شرط الفلوس هي الصدقة ،،
او انه مثلا سوي لج حصالة ،،
وكل يوم اتبرعي بمبلغ معين وعقب وديها للهلال الأحمر ،،
اهم اصلا يعطون حصالات حق هالشي ,,