السلام عليكم اخواتي العضوات
للاسف الشديد صار الطب في دولتنا مجرد تجارة
وهالاطباء الوافدين يلعبون فينا ويستغلون جهلنا وبيزاتنا لمصالحهم الخاصة
وبالاخص عيادات الاسنان …والمعروف عنها انها غالية جدا …والواحد فينا يدفع دم قلبة عشان يعالج اسنانة ….
وبخبركم شو صار وياي البارحة في عيادة الاسنان:
قبل فترة قررت اني اعالج اسناني كاملة … طبعا في البداية بطاقة ثقة كانت تغطي كل شي.. بس عقب هالقرار انلغى… وقمنا ندفع النص … ومع هذا كانت اسعار العيادةغالية … بس ريلي قالي مو مشكلة …المهم نعالج اسنانج ونفتك …لاني كل كم يوم اعاني من اسناني … فقررت اني تخلص من المشكلة باني اتعالج علاج كامل…يعني سواء اللي يعورني واللي ما يعورني
وتميت ادور عن عيادة اسنان زينة …. لان مثل ما نعرف …نادرا يوم تلاقين عيادة اسنان زينة وطبيب اسنان شاطر… وفي وحده خبرتني عن هاي العيادة…وتميت اتعالج عنده العيادة ..وللعلم هي عيادة معروفة في بوظبي … وكانوا يسولي اغلاط …بس كانت اغلاط بسيطة …وكنت اغظ البصر عن هالاغلاط … لاني اقول لنفسي وين بلاقي عيادة ثانية …لان كلهم استغلاليين وما يبون غير ياكلون فلوسنا …
والبارحة يا بنات كان اخر يوم في علاج اسناني من عصب وهالسوالف… ويبدا بعدها العلاجات التجميلية من تلبيس وبرد … وهني كانت بتكون الهبشة العودة … بس الحمد لله اللي ما نولهم هالشي
وحولني الدكتور عند طبيبة المفروض تكون مختصة في علاج العصب … وطول ما هي تعالجني تقولي قنوات ضرسج ضيقة …قنوات ضرسج ضيقة …قنوات ضرسج ضيقة …صدعت راسي بهالجملة … الين اخر شي وهي خلاص مخلصة … قالتلي ترى قنواتج وايد ضيقة وانا شليت العصب والاداة اللي نستخدمها بشل العصب انكسرت داخل لثتج … ويا بنات انا هني شهقت شهقة …. وحتى هي زاغت وتمت تقولي هذا الشي عادي وما ادري شو… بس كانت تكلمني من غير ما تصد صوبي … وكان مبين عليها الارتباك …وريلي كان خارج الغرفة …ويوم الدكتورة طلعت من الغرفة ريلي دش …و خبرته باللي صار …وريلي انصدم … وعقب دشت الدكتورة وبكل برود تقولي انا ما اقدر اطلع هالاداة سيري المستشفى الفلاني وهم بشلونة منج ..قلتلها زين دكتورة ممكن انتي تاخذين الموعد لي ويا هالمستشفى عشان ناخذ موعد بسرعة عشان نحل هالمشكلة… قالتلي لا انتي دقي وبتحصلين موعد …وطلبت منها هالشي للمرة الثانية … ونفس الشي قالتلي لا …
هني ريلي فوووووووووول … وطلب يشوف مدير العيادة … وقاله الحين غلطة انتوا غلطوها بدفعونا ثمنها … يعني هي الدكتورة كسرت الاداة في لثة الحرمة واحنا اللي انسير وندفع ونتعالج… وقاله ابسط قواعد الاحترام ان هي تحجزلنا للمستشفى الثاني … وطبعا المدير تم يدافع عن دكتورته ويبرر اللي سوته .. وتم يدهن سير ريلي.. وقال لريلي خلاص احنا ما بندفعكم حق شغل اليوم … نخيلوا يعني على شينه بعد قواة عينه … ريلي قاله ومنو قاللكم اننا بندفعلكم …خخخخخخخ ..عجبني ريلي
المهم طلعنا من العيادة .. ويوم احنا بالسارة بدا مفعول البنج يروح وبدت الالام … الله لا يراويكم يا بنات الالاااااااااااااااام فظييييييييييييييييعة…. وتمينا ندور على عيادة ثانية عشان يهدا الالم اللي صار فيني… واخترنا مستشفى عشوائيا … وطلبت منه انه يخدرني على طول لاني مو قادرة اتحمل الالم … وضربني ابرة بس للاسف المكان ما طاع يتخدر من كثر الالتهاب… ودقني مرة ثاني وثالثة ورابعة … اخر شي اضطرينا نشتغل بدون بنج …وتخيلوا الالم والمعناناة … اااااااااااااه بس …حسبي الله ونعم الوكيل …بس الحمد لله رب العالمين الدكتور كان شاطر..وشل العصب اللي الدكتورة قالت انها شلتة ونظف الضرس وعطاني ادوية تهدا الالم اللي فيني
بس للاسف قال هاي الابرة ما تطلع وبتم طول عمرها جي…
للاسف الشديد صار الطب في دولتنا مجرد تجارة
وهالاطباء الوافدين يلعبون فينا ويستغلون جهلنا وبيزاتنا لمصالحهم الخاصة
وبالاخص عيادات الاسنان …والمعروف عنها انها غالية جدا …والواحد فينا يدفع دم قلبة عشان يعالج اسنانة ….
وبخبركم شو صار وياي البارحة في عيادة الاسنان:
قبل فترة قررت اني اعالج اسناني كاملة … طبعا في البداية بطاقة ثقة كانت تغطي كل شي.. بس عقب هالقرار انلغى… وقمنا ندفع النص … ومع هذا كانت اسعار العيادةغالية … بس ريلي قالي مو مشكلة …المهم نعالج اسنانج ونفتك …لاني كل كم يوم اعاني من اسناني … فقررت اني تخلص من المشكلة باني اتعالج علاج كامل…يعني سواء اللي يعورني واللي ما يعورني
وتميت ادور عن عيادة اسنان زينة …. لان مثل ما نعرف …نادرا يوم تلاقين عيادة اسنان زينة وطبيب اسنان شاطر… وفي وحده خبرتني عن هاي العيادة…وتميت اتعالج عنده العيادة ..وللعلم هي عيادة معروفة في بوظبي … وكانوا يسولي اغلاط …بس كانت اغلاط بسيطة …وكنت اغظ البصر عن هالاغلاط … لاني اقول لنفسي وين بلاقي عيادة ثانية …لان كلهم استغلاليين وما يبون غير ياكلون فلوسنا …
والبارحة يا بنات كان اخر يوم في علاج اسناني من عصب وهالسوالف… ويبدا بعدها العلاجات التجميلية من تلبيس وبرد … وهني كانت بتكون الهبشة العودة … بس الحمد لله اللي ما نولهم هالشي
وحولني الدكتور عند طبيبة المفروض تكون مختصة في علاج العصب … وطول ما هي تعالجني تقولي قنوات ضرسج ضيقة …قنوات ضرسج ضيقة …قنوات ضرسج ضيقة …صدعت راسي بهالجملة … الين اخر شي وهي خلاص مخلصة … قالتلي ترى قنواتج وايد ضيقة وانا شليت العصب والاداة اللي نستخدمها بشل العصب انكسرت داخل لثتج … ويا بنات انا هني شهقت شهقة …. وحتى هي زاغت وتمت تقولي هذا الشي عادي وما ادري شو… بس كانت تكلمني من غير ما تصد صوبي … وكان مبين عليها الارتباك …وريلي كان خارج الغرفة …ويوم الدكتورة طلعت من الغرفة ريلي دش …و خبرته باللي صار …وريلي انصدم … وعقب دشت الدكتورة وبكل برود تقولي انا ما اقدر اطلع هالاداة سيري المستشفى الفلاني وهم بشلونة منج ..قلتلها زين دكتورة ممكن انتي تاخذين الموعد لي ويا هالمستشفى عشان ناخذ موعد بسرعة عشان نحل هالمشكلة… قالتلي لا انتي دقي وبتحصلين موعد …وطلبت منها هالشي للمرة الثانية … ونفس الشي قالتلي لا …
هني ريلي فوووووووووول … وطلب يشوف مدير العيادة … وقاله الحين غلطة انتوا غلطوها بدفعونا ثمنها … يعني هي الدكتورة كسرت الاداة في لثة الحرمة واحنا اللي انسير وندفع ونتعالج… وقاله ابسط قواعد الاحترام ان هي تحجزلنا للمستشفى الثاني … وطبعا المدير تم يدافع عن دكتورته ويبرر اللي سوته .. وتم يدهن سير ريلي.. وقال لريلي خلاص احنا ما بندفعكم حق شغل اليوم … نخيلوا يعني على شينه بعد قواة عينه … ريلي قاله ومنو قاللكم اننا بندفعلكم …خخخخخخخ ..عجبني ريلي
المهم طلعنا من العيادة .. ويوم احنا بالسارة بدا مفعول البنج يروح وبدت الالام … الله لا يراويكم يا بنات الالاااااااااااااااام فظييييييييييييييييعة…. وتمينا ندور على عيادة ثانية عشان يهدا الالم اللي صار فيني… واخترنا مستشفى عشوائيا … وطلبت منه انه يخدرني على طول لاني مو قادرة اتحمل الالم … وضربني ابرة بس للاسف المكان ما طاع يتخدر من كثر الالتهاب… ودقني مرة ثاني وثالثة ورابعة … اخر شي اضطرينا نشتغل بدون بنج …وتخيلوا الالم والمعناناة … اااااااااااااه بس …حسبي الله ونعم الوكيل …بس الحمد لله رب العالمين الدكتور كان شاطر..وشل العصب اللي الدكتورة قالت انها شلتة ونظف الضرس وعطاني ادوية تهدا الالم اللي فيني
بس للاسف قال هاي الابرة ما تطلع وبتم طول عمرها جي…
والله يا بنات صار فيني غصة وقهرررررر على عمري… يعني معقولة هالوافدين يلعبون فينا جي… معقولة احنا المواطنين صرنا عبارة عن بوك مليان بيزات بالنسبة لهم … والاهل اللي فيهم يقولي اشتكي بالشرطة واللي فيهم يقول ليش ما دفعتوهم البيزات مال علاج المستشفى الثاني واللي واللي …
بس انا ما اقول غير حسبي الله ونعم الوكيل .. والفلوس اللي ياخذونا بالضحك على الناس حرام في حرام… ورب العالمين هو المنتقم
دعواتكم لي خواتي … واللي صارلها نفسي ياليت تخبرني شو صار فيها وشو سوت
دعواتكم لي
الله يعينج ان شاء الله
حسبي الله عليهم يشتغلون من دون ضمير
والله لو تشتكين احسن
الله يعينج اختى هالدكاتره ماتحسين معاهم بامان الله ياخذهم …
الله يقومج بالسلامه .. وماتشوفين شر
حسبي الله ونعم الوكيل
الله يحفظج اختي
الله المستهان
لا حول ولا قوة الا بالله
الله يعافيج ..والله الم الاسنان محد يتحمله
حسبي الله عليهم صدق هم حصاله ونحن انحط فيها
الله المستعاااااااااااان اختي شوبنسوي معاناة وي هالاسنان اتشوفيني العياده من برع تقوولين اهنه الدنيا بس والله ماالت عالدكتوور المحطاااي شنسوي على آخر عمرنا صرنا فيران تجاارب للدكاتره وآخر شي يقوولك (غلط طبي ) جم وجم بنتحمل هالاغلاط الطبيه ترووح ارواح ناس والسبه الاغلاط الطبيه ..
عالعموم سلامتج حبيبتي وماتشوفين شر..