عيالي جابوه من المدرسه و اعتقد انه شائع في المنطقه حاليا. ابني عمره 5 سنوات وعانيت وياه لين خلص، بس ولدي الصغير عمره 8 اشهر و مش عارفه كيف اتصرف معاه. الطبيب قال لي ما اسبحه لكني اسبحه بماي فيه شريش(اوراق شجر النيم مغلي بالماء حتى يفتر). حد عرف اذا هذا الشي مفيد او انا قاعده اتفلسف. وفيه ناس يحطون الدواء الازرق وحتا فيه ناس يدخنون عيالهم باليعده( عشبه للتداوي). و العطر والدخون ممنوع عالأكيد…
حد ممكن ينصحني او اكتفي بالمضاد كالامين(المرهم الزهري) و مضاد الحساسيه نقط الفنيستيل وخافض الحراره عند اللزوم!!!!!!!!!!!!
افيدوني افادكم الله.
ابتدا بالكبيره و عقبها الهنتين الصغار
اكثر وحده خبلتبي هي الصغيره.. كانت 9 شهور
بس اهم شي تسوينه هو انج تسبحينهم كل يوم مره او مرتين و تحطين الكريم عقب السبوح
الدكتور قالي هالكلام و انا حسيته وايد يريحهم و يهدي الحكه
والحمد لله كم يوم و افتكينا..
انا الحين عندي او 9 شهور تعبان و متضايق و اليوم اكتشفنا ام 4 سنين بادي فيها و باقي ام 1و9 شهور الله يقويني واتحملها.
اختي همسة الحب. بالنسبه لولدي خافض الحراره ودوا الحساسيه ضروري مع الكريم مانع الحكه.. بس نصيحتي عطيع اكبر اهتمام في هذا الوقت لين ما تخف حدة المرض و حاولي تحملينه قدر المستطاع.. وبالرغم من ان راحة المريض ضروريه بس عن تجربه،، مشوار بسيط في السياره ممكن يطوف الوقت وينسيه.. وخليه اشوي يتعرض للشمس الخفيفه حتى تنشف الحبوب.. هذا والله اعلم..