عسااكن بالف خير
عاد اسمحوليه سويت اليوم ريوق بسيط حقي
وانا طبعي التوست ما احب اكله جيه غير يكون ضايفه فيه اشياء ويكون بالفرن
المهم غيروا روتين التوست وجربوها ريايلكم وعيالكم بحبونه وسريع ما ياخذ وقت وصحي وايد
اول شي اخليكم ويا الصوره عقب المقادير والطريقه
المقادير
# توست
# طمام ( انا احط الطمام الصغير احب )
# مشروم فرش
# جبنه مبشوره اي نوع تحبون
# نعناع ( احلى شي النعناع ويا الجبن والبيض دوم حطونه )
# بقدونس
# بيضه لكل سندويشه
# زيت زيتون
# ملح وفلفل اسود
الطريقه
1- انيب حبه توست ونخرمها من نص شكل دايره
2- ندهن التوست الغير مخرومه بالزيت زيتون
3- نحط على التوست الغير مخرومه اللي بالزيت زيتون ( النعناع ، المشروم ، الطماط ) ونرش شوي ملح
4- نصكر عليه بالتوست اللي خرمنها ونضغط عليها
5- عقب نكسر بيضه ونرش ملح وفلفل اسود ونحطها في النص
6- نحط فوقه البقدونس
7- ندخلها الفرن ونشغل الفرن فوق وتحت لين يستوي البيض
8- بعد ما ستوى البيض نحط الجبنه المبشوره ونرجعها الفرن لين يذوب الجبن
9- واخيرا في صحن التقديم
على فكره الطريقه الثانيه ادخلهم المايكرويف يوم يستوي البيض احط الجبنه المبشوره وادخله الفرن لين يذوب ويحمر التوست
وايد سهل وهني وعافيه مقدما
تسلم الايادي
المشاركة الأصلية كتبت بواسطة فيرتو 
تسلم الايادي
مرورررج الاروع حبووبه لاهنتي ولا هان مقدورج على الطله الذووووووق
المشاركة الأصلية كتبت بواسطة Ya9oute الله يسلمج حبوووبه ومروررج الروعه
لا من عدم
المشاركة الأصلية كتبت بواسطة يا معرفني الله يسلمج ويعافيج فديتج
لاهنتي على المرور الذوووق