كان خاطري اني اسوي توست بالتونه لانه مره كنت في بيت ناس
وكانو مسوين وطعمه جنان .. انا لما عرفت انه بالتونه قلت اكيد مش حلو
بس طلع بيرفكت .. المهم انا مااعرف الطريقه فدرت في كل المنتديات اشوف الطرق
ماعجبتني وايد فقررت اتفلسف واخترع وبالفعل اخترعت وطلعت لذيذه
اول شي اخليكم مع المكونات ..
– كيس توست
– علبتين تونه
– بطاط مقطع
– بصل مقطع
– جزر مفروم
– 2 فص ثوم مفروم
– كزبره على كيفج
– كاتشب
– معجون طماط
– فلفل اسود
– كمون
– ملح
– نص حبة ماجي
مكونات الصلصه
– جبن سائل
– مايونيز
الطريقه
– اول شي نحط زيت عشان نقلي بس افضل انكم تبدون اتقلون البطاط لانه ياخذ وقت والبصل بيحترق لو حطيتيه من البدايه
– تقلين البطاط لين ماشبه استوى وتضيفين الجزر والثوم والبصل وتستمرين في التقليب لحد مايستوي
– اتضيفين نض حبة الماجي والملح ولاحظي ان الماجي فيه ملح فلاتكثرين من الملح
– اتضيفين بقية البهارات
– بعدين اتضيفين التونه بعد ما طلعتي الماي اللي فيها طبعا .. اتحطينها وتستمرين في التقليب
– بعدين تحطين الكاتشب لاتحطين وايد يعني كميه مناسبه
– اتحطين معجون طمام لين ماتحسين انه لون التونه تصير حمره ..
– الحين يه وقت التوست اتحطين في بايركس او قالب عادي اللي تحبين اتصفين التوست لكن انتبهي لازم تغمسين التوست في حليب اي نوع حليب بس انا غمست بحليب كامل الدسم واذا ماعندج حليب متوفر في البيت تقدرين اتحطين حليب بودره وماي ..
– قبل ماتغمسين التوست بالحليب لازم اتقطعين الاطرراف وبعدين تغمسينه بالحليب ..
– اتصففينهم وبعدين تحطين فوقهم الصلصله اللي هي عباره عن ( مايونيز تخلطينه مع اي نوع جبنه سائله ) وتحطينه فوق التوست كامل
– اتحطين بعدين التونه توزعينه على كامل التوست
– بعدين ترجعين تقطعين توست من الاطراف وتغمسينه بحليب وتحطين عليه خلطة المايونيز مع الجبن .
– ادخلينه في الفرن بتلاحظين انه صار لما تتكون طبقه فوقه بحط لكم الصوره النهائيه عشان تعرفون كيف شكله لما يصير ..
وبالعافيه
انا بعد احب التونا
تسلم ايدج ^^