الربيان مع الكازو والفطر بالطريقه الاسيويه مع الارز او الخبز

مع الخبز البريوش

هني مع العيش

++++++++++++++++++++++++++++++++++
++++++++++++++++++++++++++++++++

المقادير

مقادير الصلصه

ملعقه كبيره نشا

ملعقه كبيره صويا معتدله+ 2 ملعقه صويا الخفيفه

3 ملاعق كبار معجون طماط

ملعقه متوسطه عسل القصب الاسود
2 ملاعق كبار صلصه التايلنديه الحامضه والحلوه

بصله مفرومه+ حبتين ثوم+ قطعه صغيره من الزنجبيل نهرسهم مع بعض

2 ملعقه كبيره كزبره خظره+ ملعقه بصل اخظر مفروم+ فلفل احمر بورده حسب الرغبه

الخضار المستخدمه

حبه فلفل احمر+ حبه فلفل برتقالي+كوب ملفوف( الكل نقطعه شرايح طوليه)

فطر طازج عدل+ جزره مبشوره

ربيان منظف ولاتنسون تشيلون القشره والخيط الي بالظهر وتبيله بخل وصويا نص ساعه ويصفى من التتبيله ويسلق بكوب ماء خمس دقائق

كازو+ عصير نص ليمونه

الطريقه

اولا ناخذ البصل ونحمسه بالزيت مع اضافه الثوم والزنجبيل

نحط عليهم الربيان ونقلبه مع البصل

يضاف الكزبره والفلفل الاحمر والبصل الاخظر ونقلبهم مع اظافه الصلصات( الصويا والصلصه التايلنديه)

ثم نضع الطماط المعجون+ الصلصه التايلنديه+ كوبين ماء مغلي+ ملح+ فلفل اسود وكزبره بودره+ النشا بعد ماتذوبينه بشويه ماي بارد

خليهم يطبخون 10 دقايق وسكري عالنار

اللحين بمقله حطي زيت واقلي الكازو وشيليه اذا احمر مع الاحتفاظ بالزيت

بنفس المقله اقلي الفطر وقلبيه حتى يتغير لونه وحطي شويه ملح وعصير الليمون

يتبع……………………….

وحطي على الفطر باجي الخضار وقلبيهم

حطي قفشه بودره الخضار بدال الماجي( من ارض الطبيعه)

والكازو المقلي

اللحين نسوي العيش

اولا نفوح العيش بالطريقه العاديه

بعدين ناخذ بصله صغيره مفرومه ونحمرها بالزيت

ونحط عليها قفشه كبيره من الصويا الخفيفه

ونحط العيش على هالحمسه ونقلبها

وناخذ ثلاث ارباع خلطه الربيان ونحطها على العيش

ونقلبهم

ونخليها على نار هاديه تتسكر

اما بقيه الربيان نحطه على خبز البريوش

ونرشه بالجبنه الي تحبينها

وانا حطيت شويه من الصلصه الحاره عليهم ودخلتها فرن بس تسيح الجبنه اقدمها

وهني فيه الفلفل الحار

والعيش قدمته بعد مارشيته كزبره خظره

ومايحلى الربيان الا مع عصير الليمون بالنعناع

منقووووووووووووووووووول …. بليز محد يسألني على الخاص لاني ناقله الموضوع فقط وماجربته

ما شاء الله غاوي أحب الأكل التايلندي

يسلمووو يالغلااا

روووووووووعه تسلمين عالنقل ^^

اشكركم على المرور

نورتوا

تسلم ايدج…………………….