فرمضا
ن سويت كفتة بطاطا ما اتفيجت احط الموضوع وظاعت عن الصور نسيت وين لاني صورت بالكام والفون وحصلت بعضها بس السموحه بحط شوي صور
المقادير :
بطاط حبتين وسط مسلوق
2حبة جزر مبشور
علبة فاصوليا يمكن اسمها بازلاء اعتقد لونها اخضر مهروس
بصله صغيره
بهارات هنديه + شوي خردل حب
ملح +رشة سكر
الطريقه :
_تسلق البطاطا مع شوية كركم عسب اللون ثم تهرس جيدا
_يحمر البصل المقطع صغيرمع القليل من الزيت في مقلاه وحطي حبوب الخردل عليه مع رشة سكر واتركيه يتحمر او يتكرمل يصير ذهبي
_ظيفي البهارات مقدار ملعقة صغيره او حسب الرغبة ولا تنسين الملح قلبي جيدا
_ ثم ضيفي الجزر المبشور وقلبي
_ثم ضيفي الفاصوليا المهروس وقلبي
_ اخيرا اضيفي البطاطا المهروسه وقلبي
كوني كرات من البطاطا والحجم حسب الرغبة وغليفها بالبيض ثم بالبقسماط
خليها فالثلاجه عسب تتماسك عقب اقليها في زيت غزير
هنيه نقلي كفتة البطاطا فالزيت
وهذي النتيجة النهائية
ان شاء الله يعجبكم
يعطيج العافيه
خفيفه وسهلة تنفع حق العشا
مشكورة حبيبتي ^_^
الظاااهر انهااا لذيذه تسلم ايدج الحلوه
شهيتيني بجربها إن شاء الله .. مشكورة ^^
يعطيج العافيه شكلها فعلا لذييذ