–{ ورق عـــنب من ايــد القمــزية . . .

هلا وغلا خواتي الحلوات .. ادري ادري ولهتن عمواضيعي المطبخية << ياحلوج يوم تصدقين ويهج !!

المهم .. اليوم سويتللكم ورق عنب بطريقتي + طريقة حبيبتنا ظبيانية ..

ماستغنى عن تأليفاتي فالطبخ عسب جي مارمت التزم بطريقة ظبوي ..

يلا يالصور وينج ..

اول بادي .. سويت حشوة ظبيانية بس ناقصنها ثوم وشبت وكزبرة << مخلص

ورق عنب كاليفرونيا .. مودنات فالماي ..

صفيت البطاط والطماط فالجدر .. طماطتين شرايح وبطاطة كبيرة دواير

طريقة اللف بشكل سريع . وموضح

عقب ماخلصت اللف سويت هرم ^_^

بديت اصفه فالجدر ..

اكتمل الصف ..

صبيت قوطي زيت زيتون من الصغار .. الحجم الصغنن

حطيت صلصة الطماط ويا ملح وشوية كمون وكزبرة ناعمة .. و ذريت شوية ملح الليمون وعصرت 5 لوميات صغار .. وحطيت عليه الضاغط عسب لايتفججن .. وخليته يطخ عراحته يمكن ساعة ونص ..

اهنه عقب مازهب وجلبته فصحن << ادري مختبص ومعفوس هههههه شسوي حار

واهنه اخر شي ^^ .. حااامض طلع طعمه ولزيز يا رايق …

انتظروني في طبخات يديدة ——> الله يستر متى !

والسموحة والعذر منكن يالحلوات ^^

ايش الحلوه هذي شكله طعم ماشاء الله

ام التاليف فينا فينا لو على قهوه وياكلها ابوالشباب
الله يستر
تسلمين……………

تسلم يمناج على الصور

هلا عزيزتي مها شرفتيني بطلتج

وصدقج التأليف شي لابد منه فأي طبخة << وحدة ماتعرف الإلتزام ^^

يسلملي حظورج ^_^

روووووووووووووووووعة خاطري فيه

افا ماقلتي البارحة … جان طرشنالج طشة ^_^ مشكورة عمرورج سحورتنا