اليوم يالغاليات سويت صالونة لحم بصلصه الخضراء الغليظه وصدقوني طعمها
رهيببببه خصوصا مع الخبز الايراني او اللبناني .. عاد انتو بكيفكم
حلو الوحده منا تجرب تعدد الاكلات وتجرب شي جديد
بس الي عندناا يحبون ياكلونها مع عيش ابيض ..
نبتدي باسم الله
نقطع عدد 5 حبات بصل الي مربعات ونبشر الثوم والزنجبيل الطازج
مع علبة مكعبات لحم ماجي
نغسل اللحم جيدا ونخليه في مصفااه
نفرم عدد نص شدة بقدونس مع كزبره فرم ناعم
طبعا بهارات .. كركم عدد ملعقة اكل مع نص ملعقه من كمون وكزبره ولمون عماني بودر
نسكب علي البصل تقريباً نص كلاس زيت ونخليه لحد مايشقر
نضيف اللحم عليه ونخلطه جيدا حتى يصير نحس ان بدا ينشف سائل اللحم
نحط عليه الثوم والزنجبيل المبشور ونحركه لمدة دقيقتين فقط
يتبع
عقب 10 دقايق نشل الغطاء ونخلطه مرة ثانيه ونحط عليه الثوم والزنجبيل المبشور
عقب 10 دقائق نضيف البهارات وعلبة مكعبات لحم الماجي
ونخلطهم جيدا .. ملاحظه النار لازم يكون واطي جدا ونخليهم تقريبا 10 دقايق
مع خلطه كل دقيقتين
عقب 10 دقايق نضيف عليه ماء مغلي
تقريباً ليترين ماء مغلي
يتبع
نعلي ع النار ونغطي الجدر ونخليه لمدة 20 دقيقه ع نار عالي
عقب 20دقيقه نشل الغطاء ونخلطه مره ثانيه ونضيف البقدونس والكزبره المفرومه
ناعمه ونخليه ع نار متوسطه تقريبا نص ساعه او لحد مانشوف ان بدا يغلظ قوامه
الشكل النهائي
