عساكم بخير وصحه وعافيه ….
عاد أنا اشتريت بهارات من عند ( بنت الطموح ) قلت لازم أسويلها دعايه زياده في المنتدى ..
المهم حبيباتي ما بطول عليكم … أنا خذت الطريقه من المنتدى طريقة عيش البدو …
من وحده الله يذكرها بالخير وبعد شاريه بهارات من عند بنت الطموح ..
عالعموم نبدا في الموضوع ..
أول شي المقادير …
مثل ما انتوا شايفين … بالصوره …
5 بصلات مقطعين مكعبات بس مب وايد كبار ..
ملعقة طعام بهارات عيش البدو طبعاً من عند الأخت ( بنت الطموح )
2 حبه ليمون يابس – مكعبين ماجي – كسبره مفرومه شوي
زيت نور أنا أستخدم لأنه أحسن أنواع الزيت ..
وشوي ملح وشوي فلفل أسود ونسيت أصور لكم الفلفل الأخضر بعد حبتين …
وطبعاً هالعيش مع الدياي …. الدياي شرات ما تشوفون بالصوره انبهره ببهارات أنا اشتريتها بعد من عند
الأخت ( بنت الطموح ) وهي بهارات لقلي الدجاج … وبعد ما انبهره نخليه بالثلاجه ساعه أو ساعتين
ومن بعدها نطلعه ونقليه بالزيت بس …
أول شي نقلي البصل بالزيت على نار هاديه …
وبعد ما يحمر شوي البصل نضيف عليه ملعقة طعام بهارات عيش البدو ونقلب البصل ..
هالطريقة أحسن طريقة عشان تبين ريحة البهارات بالأكل إنج تقلينها مع البصل .. أنا دايماً أسوي
جي بأكلي ..
وبعدين نضيف باقي المكونات ( الماجي واللومي اليابس والفلفل والملح والكسبرة ) ونقلب
بعد شوي من التقليب نضيف العيش عليه أنا أستخدم عيش ( إنديا جيت ) بوابة الهند ما أستغنى عنه
طبعاً بعد ما أضفنا العيش نقلب كل الخلطه مع بعض مثل ما انتوا شايفين بالصورة ..
طبعاً بعد ما قلبنا أنا الصراحه أضفت ماي بس كنت مفورة فيه ديايه عسب كنت بسوي فطاير
فقلت بدل ما أصب ماي عادي بصب ماي مال الديايه ألذ وأطعم …
وأكيد نقلب الخلطه .. الماي لين يغمر العيش ما نترسه ماي عشان لا يخترب العيش ..
وبعدين إذا حسيتي انه محتاج ماي زيديه مب مشكله …
وطبعاً كل مره نرفع الغطا عنه ونشوف عشان إذا محتاج ماي أو لا … وهذا شكله النهائي ..
وهذي بعد صورة مع الدياي بس مب واضحه لأنها من موبايل …
وعليكم بالعافيه … وجربوها صدقوني رووووووعه … وادعولي .. وأشكر ( بنت الطموح ) عالبهارات
اول شي لانج طبقتي العيش الرائع
وثاني شي لانج دعيتني اكون من اول الردود ^_^
فدييتج والله
سامحيني على كل شي وعلى التأخير بس الشركة الله يهديها شوي بطيئة
وعلى فكرة انا جريب ان شاء الله بنزل موضوع في المول البرونزي فيه كل وصفاتي ^_^
وان شاء الله ما بقصر معاكم
وشكرا حبوبه مرة ثانية
بارك الله فيج
وان شاء الله هنا وعافية يا ام عذوبه ^_*
مشكوووووووووورة
تخلي الأكل قمممممممممة من دون مجاملة
بس حبيت اقول كلمة حق
لازم اسوي هالطريقه واذوووق هل البيت .. ^_*