المقاير :
دجاجة صغيرة أو قطعتين من صدر الدجاج مفور ومتفتف.
جيله كويكر اي نوع حسب الرغبة , جيلتين ماي او جيلتين ونص لو تبينها اليين .
ملح , 4 قطع زبدة القطع الصغيرة 10 غرام .
الطريقة :
حطي في الجدر ماي بارد والكويكر والدجاج والملح والزبدة وحركيه شويه
وبعدين حطيه على النار .
كل شويه حركي وأنتي تحركين أضربيها مع التحريك المستمر .
من ينشف الماي عنها وتنضى دخليها الفرن حوالي ربع ساعة .
طريقة التقديم أوالتزيين معروفة بالدهن العربي أو الدهن بالبصل .
وهذا الكويكر ..
طبعاً الكل ايعرف الجيله ما في بيت يخلى منها المستخدمه في القياس ..
وبالهنا والعافية ..
امممممم شكلها لذيذ بس سوال الجيلة كم ملل !!
تسلم ايدج
تسلم ايدج
يزاج الله كل خير
ممممـ يميـ .. حسبيـ اللهـ على إبليسجـ جااانجـ أميوعتنيهـ ..(^_~"..
كلـ شيـ منـ أيييد أمـ سعيد لذيذ وغاويـ ..
لا عدمناجـ الغاليهـ ..^^"
الغالية بغيت أسألج عن الطعم شرات الهريس والا شي فرق كبير ^^
هاي الطريقه السهله بس انا ابغي طريقه الهريس التقليديه اللي باللحم