من كمن يوم سويت فريكه حق بو العيال .. الصراحه انا ما احبها
بس اتعلمتها عسب خاطر ريلي وولدي الله يحفظهم هم يحبونها
يالله بسم الله نبدا …
المقادير ..
كوب فريكه
نص دجاجه
بصلتين شرايح
حبتين فلفل حار
اشوية ثوم
بهار صحيح(قرفه – فلفل اسود – هيل )
بهار(بزار-فلفل اسود-ملح) لا تكثرون
الطريقه
انفور الدياي ونحط البهار الصحيحه والبهار العادي ونخليه لحد ما يستوي
نشل الدياي ونحمره خفيف .. ونخليه جنب ..نحمس الفريكه بالزيت اشويه بعد مانغسله زين
نصب ماي الدياي عليه ونخليه شرات ما نسوي المجبوس يعني الماي مرتفع اشوي عن الفريك
عقب ما ينشف نحط عليه الدياي ونسكر عليه ونخليه بالفرن لحين التقديم
نحمس بعض المكسرات للي يحب ..
ان شاء الله ينال على اعجابكن ..
الوصفة رائعة بس عندي ملاحطة وأتمنى أنها تفيد الجميع، يوم أسوي الفريكة تطلع كأن الماي واااااايد مهما أحاول أضبط قياس الماي، بس في وحده جزاها الله ألف خير قالتلي لازم أضيف الماي بالتدريج وكل ماينشف الماي أزيد الكمية لين تستوي وتكون ناضجة.
سلامي للأخوات الغاليات