اخترعت لكم اكله غريبه مكس من كل شي
وانا داشه المطبخ جان تيني الفكره
المقادير :
1- حفنه – من الخضار المشكله المثلجه
2- وشوية لحم مفروم اشوي مب وااااايد شوي قيسي الكمية على طول اصبعش
وقصي الكمية من الكيس خليه يذوب
3- وشوية عدس ملعقتين طعام او 2 ونص
4- كاتشب مقدار 2 ملعقة طعام + شطة حسب الرغبه تقريبا 4او 5 قطرات حلو بنفس الوقت يعطي نكهه وطهم وريحه يمي شو لذيذ
5- موزاريلا شوية مقدار ملعقه صغيره شوي عسب لا تثقل الصلصه
6- جبنة بوك السائله مقدار ملعقة طعام هم لا تكثرون
7- نص بصله مقطعه مربعات صغار + وطماطه واحده مقطعه مكعبات صغار
8- الزيت – والبهارات المشكله والملح والفلفل الاسود والصلصه الطماط و الماجي نص مكعب وقليل من الماء صح لا تنسون تحطون صلصة الكاري الحاره شو لذيذ
الطريقه :
نحمر اللحم المفروم الين ما يستوي نضيف الزيت ونقلي البصل الين ما يحمر نضيف الطماط
ونضيف البهارات وعقب انضيف العدس والخضار المشكله نكب ماي الين ما ينضج الخضار و
يستوي العدس نكب اشوية كاتشب وشوية شطه الملح ما نكثر منه لانه بنحطي الموزاريلا والجبن هم روحهم مالحين اذا حسينا انه يبا ملح نحط اشوي
وبالعافيه ( تقدرين تاكليه بالخبز ) وتقطعين ليمونه وتعصرينها فوق الاكله شو فنانه
واذا تبينها تكون صلصه حمرا وحاره لا تحطين الجبن والموزاريلا بس زيدي من كمية الشطه
وايد فنانه بتطلع
ها ان شالله يعيبكم ترا تعبت عليه الموضوع والوصفه مثل ما قلت لكم من اختراعي
والصوره الاكله ما طاعت تتحمل لانها كبيره صغرتها بس ما طاعت سوري
مشكورين على المرور الطيب