مجبوس أم الذيب حياكن

عاد انا اليوم هب لاقيه حد يرمسني وكله ضاربه فكر على قولت العيايز خخخخخخخخخخخ

واحسب كم باقلي عن الرده البلاد بالساعه والدقيقه هب الا بالايام

وعندي وحده كل يوم هااااااااااااااااا بعد اليوم سلط

ردي المعتاد يس خخخخخخخخخخخخخخخخخخخخ

عاد قلت يا بنت يام الذيب نشي وطبخيلج ذاك العشاء السنع

بس ماشي خبز

وماشي ايدام

وبعد تفكير وتمحيص

قلت ماشي غير

نصير الشباب

تونه

وخطرتلي فكره اسوي

مجبوس تونه

وانا احضر الاغراض قلت اصور والا ما اصور اصور والا ما اصور

قلت كلهن يحطن عيشه خلني وياهن خخخخخخخخخخخخخخ

ويريت الكيمرا

والحين اخليكن مع الطبخه

المكونات:

بصله متوسطه

حبتين طماطم

كركم

بزار عربي

ملح

فلفل اسود

بهارات مشكله

كاري مدراسي وسط

زيت قلي (شي جديد خخخخخخخخخخخخخخ)

علبه تونه بس اللحم فيها متماسك وقطع كبيره

حمص حب

عيش كوب ونصف مغسول ومنقوع في الماي

اول شي وعشان تحافظين على البيت من ريحه التونه او الاسماك بشكل عام

اقلي شويه بهارات مشكله (ينسون ، فلفل حب، ورق غار، هيل، مسمار) في شويه زيت لحد ما يبدا يطلع صوت طرقعه والهيل يفقع

عقب ضيفي البصل المقطع وفص الى فصين ثوم وحمريهم

عقبها ضيفي الطماطم وحطي عليه شويه ماي وملح شي بسيط وغطي القدر عشان الطماطم يذوب

بس يذوب الطماطم ابدئي باضافه البهارات مثل الكركم والبزار العربي والمدراسي والفلف الاسود وطبعا الملح

بعدها ضيفي التونه ولا تحاولي انج تضغطين عليها عشان يظل اللحم متماسك يعني تظل التونه قطع كبيره

قلبيها شويه وعقب اضيفي العيش المنقوع

وخلي النار عاليه شوي لحد ما يبدا المرق يثور عقبها قصري على النار وغطي القدر

وبس تحسي ان الماي تبخر وبدا العيش ينضج لكنه ما زال ابيض وقاسي (ياويلي على القاسي انا خخخخخخخخخخخ)

احم احم نرجع مرجوعنا لا ننضرب خخخخخخخخخخخخخخ

غطي القدر بورق المنيوم لانه يحفظ البخار (لا ابدعتي يا ام العريف خخخخخخخخ)

واتركيه على اخف شعله ونار خفيييييييييييييييييييييييييييييييفه وروحي نامي خخخخخخخخخخخخخ

هن عشر دقايق ويكون استوى

وطبعا اختكم ما تقر في مكانها خخخخخخخخخخخخ

غسلت المواعين وطلعت كيس اعاده التدوير وربطته وحطت فيه العلب القابله لاعاده التصنيع (والا بيصفعني راعي الخمام ما بيشل الزباله وانتوا بكرامه خخخخخخخخخخخخخخخخخخخخخخخ)

وكملت سماع انشوده العفاسي

من الصبح اصلا مسلطنه عليها شو ورانا محد غيري في البيت خلني اناعر بروحي خخخخخخخخخخخخخخخخخخخ

وعقب العشر دقايق فتحت ورق الالمنيوم عن القدر وقلبت العيش على خفيف

وضفت حب الحمص على الوجه بس ياخذ من طعم البهارات اللي انخلطت في الطبخه من قبل

وعقب دقيقتين غرفت لي العشاء والحمص تقلب مع العيش وقت الغراف

وهاي الصورة النهائيه

اتمنى ان طبختي عيبتكن

دمتن في حفظ الله ورعايته

تسلم اديج ..
بسم الله ماشاء الله عليييييييييييييييييييج
شهيتي ياام ذيب ..

الجدر بعده فيه تعالي بريقج خخخخخخخخخخخخخخخخخخخخخ

والا اسويلج اياه بارسل حق الغداء

ولو عندج ليمون وتعصرينه والا اجار امممممممممممممممممممم

بيكون شي شي

فديتج يا الغاليه يسلمج لي يا رب

شو موعنج انتي لين الحين سيري نامي خخخخخخخخخخخخخ

فديتج رفعتي معنوياتي

ماشاء الله عليج ام الذيب

فنااانه

اقولج شي؟؟؟

التونه موب مبينه في صحن العيش الاخير
هههههه

خطيــــــــرة ام الذيب مافيج حيل الصراحة

ياويلي ع الطباخ وانتي ف الغربه وف بلاد برع صدق شــــــــــي >___*

يوعتيني بالمجبووس مالج مابطرشين صوبنا شويه لووول

تسلم ايدج يالشيف ام الذيب ع ها الطبخه الغااويه

والله يردج البلاد سالمه وترتاحين من هم الغربة

قولي يا حلوة خخخخخخخخخخخخخخخخخخخ

تراها تونه اشقايل بتبين مصفره ويا العيش

خلي عنج امبينه والا لا تعالي انتي كلي وبس خخخخخخخخخخخخخخخ

تعالي امي بسويلج احلى مجبوس وجان تبين سمج والا لحم والا دياي فالج طيب بس انتي قصي تذكره وتعالي خخخخخخخخخخخخخخخخخخخخ

خسى اليوع فديتج

زين نشي اطبخي اروحج يوم انج يوعانه والا طبخ اليران احلى خخخخخخخخخخ

آمين يا رب العالمين والله يفرج كربه كل مغترب ويرده بالسلامه