معكرونة التونه بالكريمه سهله ولذيذه

الصراحه انا كلت هاي المعكرونه من المطعم وعيبتني فقلت خلني اخمن مقاديرها واسويها والحمدلله طلعت يمي يمي
بسم الله
يالله نبدابالمقادير
كيس معكرونه
علبة تونه
بصله مفرومه
البهارات(ملح +فلفل اسود+ كزبره ناعمه+ اوريغانو)
2 ملعقه معجون طماط
علبة كريمه الخاصه للطبخ
شوية شبث مفروم

الطريقه
نسلق المعكرونه مثل ما تعرفون
نقلي البصل مع شوية زيت زيتون لين يذبل وبعدين نحط عليه التونه
نحط البهارات وعقب نحط معجون الطماط
اخر شئ نحط الشبث ونصب عليه الكريمه ونخليه 5 دقائق وعلى طول نحط المعكرونه ونخلط..
وبالعافيه عليكم

ملاحظه:
انا اللي كلتها من المطعم كانت تونه مع ربيان بس انا اللي سويتها بس تونه يعني ممكن اتجربونهم ويا بعض

يمي يمي

اي مطعم هاا انا ابى اسير ؟؟

خخخخخ

من الهيازه ماروم اسوي في البيت خخخخ

شكله لذيذ تسلم الايادي

هلا خواتي ومشكورات على المرور
ها المطعم ايطالي في بريطانيا (انا متغربه عن بلادي)
ولا تتهايزون سووها تراها صدق سهله وماتاخذ وقت (تعرفون الوحده في الغربه تبى الاشياء السهله)

هاي لكم مني على مروركم

مشكوووره الغاليه نفس طريقتنا فالبيت بالضبط ..لذيييييييييييذه

شكرا على المرور

يعطيج الف عافيه الغاليه