هلا خواتي
ياانا ياهل الاسفنجه!
عندي مشكله في بياض البيض
الحين خذيت بياض البيض لست بيضات حسب وصفه لقيتها للكيكه الاسفنجيه
والنتيجه لازم البياض يطلع كريمي
بس طلع معاي عادي مائي مع ف قاعات
ضربته يمكن نص ساعه تقريبا!
بس مافي مجال يصير كريمي
حطيت له ربع ملعقة خل
وثلث كوب سكر يعني تقريبا فنجان القوه الكبير شوي
وبس
بس ماصار كريمي
اعرف في العنوان كاتبه بياض الثلج
قاعده امزح من كثر مامليت
اخفقيه مع اشوي ملح وبيستوي كريمي
حطي رشه ملح بسرعه بسير كريمي لاتحطي خل ولت سكر
ما شفت هالموضوع قبل .. لكن يباله ضرب أكثر أكثر أكثر … وأول الشي بدون أي إضافات ! بعدين حطي شوي شوي السكر.
حتى لو حسيتي انك تضربينه نص ساعة، اضربيه لحتى يقول التوبة هههههه .. بالاخير بيصير، والاهم ان المضرب يصل لتحت مكان السائل ! .. لأن أحيانا بتضربي بس فوق السطح وبتتركين السفل فبيظل سائل، وهالشي غلط.
لكن انتبهي توقفي في اللحظة المناسبة …… لو ضربتيها فوق المطلوب بيتفتت ! بيتحول لمثل رغوة صابون وخلاص ما بتستفيدي منه.
حتى لو حسيتي انك تضربينه نص ساعة، اضربيه لحتى يقول التوبة هههههه .. بالاخير بيصير، والاهم ان المضرب يصل لتحت مكان السائل ! .. لأن أحيانا بتضربي بس فوق السطح وبتتركين السفل فبيظل سائل، وهالشي غلط.
لكن انتبهي توقفي في اللحظة المناسبة …… لو ضربتيها فوق المطلوب بيتفتت ! بيتحول لمثل رغوة صابون وخلاص ما بتستفيدي منه.
بالتوفيق
مشكورات خواتي
انا ضربته يمكن نص ساعه مع شوية خل! وبعدين ضفت سكر كان بس ثلث كوب
بس مانفع كان شوي بس شوي كريمي شوي
ولكن بحاول اكثر واكثر
يمكن يحتاج تكسير راس مثل ماقالت الاخت jasssy