اليوم أخوي عازم ربعه وسويت كذا سويت أتمنى يعجبكم…
السويت الأول:
ما أعرف شو اسمه لكن طعمه حلو[/SIZE][IMG]
..[/IMG]الطريقة :
أول طبقة تخلطي كأس بسكويت ناعم مع نص زبدة متوسطه وتحطيها بصينية بايركس بالملعقة تساويها
ثاني طبقة: في الخلاط
5جبن كيري_ 1قشطة_ فنجانين حليب مركز) وتحطيها وبعدين إدخليها الفرن من فوق شوي علشان تتماسكالطبقة الثالثة: في قدر على النار (ظرف كريم كراميل – وعلبة حليب سائل وشويه نسكافيه وعاد أنا أضفت من عندي شويه نشا علشان يغلظ بسرعه لأني كنت مستعيله )وتخليه يغلي ويبرد وبعدها حطيه في الصينيه ودخليه الثلاجه وقطعيه وزينيه بكيف كيفج..(أنا زينته بجالكسي )
السويت الثاني:
[IMG]
..[/IMG]الطريقة
يطحن البسكويت بطاحونة القهوة كل نوع لوحده .(بسكويت أوريو والبسكويت العادي)
ـ تضاف ملعقتين من القشطة إلى بسكويت الأوريو ويعجن جيداً ، وتضاف ملعقتين من القشطة إلى البسكويت العادي
وبعدين اتحطي طبقة الأوريو تحت وطبقة البسكويت فوق على قطعو من الألمنيوم تكون مدهونه بالزبدة شوي علشان ما تلصق(أنا ما بقول ليكم طريقتي لأني تلعوزت وايد إذا حصلت طريقة حلوه للف بخبركم ..بعد ما حطيت العجينتين فوق بعض لفيتهم وسكرت إلي سويته بالألمنيوم وحطيته بالفريزر علشان يجمد..بس في الأخير كان شكله حلو وطعمه حلو
السويت الثالث:
السنافر العديه ..بس التزيين يلعب دور
[IMG]
..[/IMG]إختي سوت السنافر وخلت التزيين علي عاد أنا إذكرت (حلا السجاد ) فسويت تقريبا شراته
السويت الرابع:
حلا الماركه …على كلاهم أحلى شيء عيبهم هذا السويت
[/url]الطريقة :
اتييبي أكواب بلاستيك العاديه
اذوبي ككاو جلكسي في الميكروويف (طبعا حطيه بصحن) والعدد يختلف بأعداد الأكواب
وتحطي بكل كوب تقريبا ملعقة من الكاكاو المذاب وإدخليه بالفريزر علشان يجمد
وإطلعيه وتحطي طبقة ثانيه من (الشعيريه منعمتنها ومحمرتنها بزبدة وبعدين محطيه حليب مكثف)
على رايحتج يا إما تكوريهن وتحطيهن أو عادي بالملعقة
وبعدها تحطي طبقة ثالثة من (بسكويت أوريو مع شويه حليب على النار لين تتكون عندج عجينه )
وتحطيها بالملعقه كطبقه ثالثه وبعدها ادخليه على الفريزر لحد ما يجمد وإطلعيه وتكسري الأكواب وتحطي الحلا بشكل مقلوب وممكن إنج إزينه حتى ماله داعي التزيين.. وبالعافية…
السويت الخامس:
للحين ما عرفت شو اسمه
[IMG]
..[/IMG]
عباره عن عجينه السمبوسه تقطعيها مربعات وتقليها وبعدها تحطي حليب مكثف ..وايد حلوه لكنها دسمه ما يغركم الشكل ..أخواني كلهم يحبوها لأنها مقرمشه وحلوه
نسيت أقول ليكم إن هالسويتات خذن من وقتي ثلاث ساعات طبعا الصالونه الهنديه هيه إلي أخرتني ولا أنا بخلص من وقت
أتمنى عجبتكم حلوياتي ………………..
وهني وعافيه
مآ شآء الله رووعه ..
تسلم الأيادي ,,
مرتب ومزقرت هوووب هوووب من قدج يا بنت ^^
تسلم ايدج ^_^
رووووووووعة