تعبت من البسبوسة

بنات سؤال عن البسبوسة،،،،

يوم ادخلها الفرن على أي درجة حطها كل ما اسويها تطلع طابوقة خخخ شو هالوصف…
بس صج تعبت وانا اسوي البسبوسة وما تضبط وياي،، ياليت اتفيدوني بالنسبة لدرجة حرارة الفرن

اول شيء بخبرج طريقتي
2 كوب سميد
جوز الهند
ملعقة بيكنج بودر
ملعقة صغيرة كربونات الصوديوم
روب
نص كوب زيت
ثلثين الكوب ماي
كوب سكر
الطريقه
خلطي المواد الجافه بروحها وخلطي السائلة بروحها
عقب دمجيهم مع بعض وحطيهم بالفرن
احسن شي تحطينها في صينية زجاج
اول شي شغلي الفرن اللي تحت وقصري عليه
وتمي راقبيها ويوم تحمر من تحت وعلى الاطراف بنديه وشغلي الفرن فوق وقصري عليه لين ماتستوي
وعقب طلعيها وهيه حارة حطيه الشيرة عليهاا
وبالعافيهه

مشكورة اختي ريميية العين عالوصفة بس الفرن على أي درجة حرارة تحطينه؟؟ يعني اقصر عليه ولا اطول عالفرن؟؟؟

حرارة الفرن فديتج افضل شي 180 او 200 عشان تطلع لج اوكييه

صح بتاخذ وقت لين ما تضبط بس خليها براحتها

تقريبا يبالها من تحت تخليها نص ساعه او اكثر على حسب مزاج البسبوووسه

وبالعافيه ع قلبج

هلا اختي

البسبوسه تنطبخ في القالب الالمينيوم احسن عن الزجاجي عن تجربة وانا احطه 30 دقيقة على 150

هذي مقادير بسبوستي

المقادير :

1 قشطة
بيضتان
نص كوب سكر ( اذا ما تحبين تستخدمين الشيرة حطي كوب واحد )
نص كوب زيت
كوب جوز الهند
كل هذا حطيه في خلاط العصير واخلطيهم عدل

عقب جهزي
كوب سميد
1 ملعقة كبيرة كسترد
وملعقة صغيرة فانيليا
ا ملعقة كبيرة BP

اخلطيهم وعقب ضيفي عليهم الخلطة الاولى وبس حطيه في القالب وزينيه بالمكسرات ودخليه الفرن 30 د من تحت عقب من فوق لين ما يحمر وبس
طلعيه وصبي عليه الشيره