شحالكن خواتي
فديتكم بغيت طريقة اللحم المقلاي الي نسويه فالعيد ويا خبز الرقاق
خاطريه فيه خخخ
اممممم دورت فالنت بس حلاته يوم تكون الطريقة مجربه
فـ بليز الي تعرف كيف الطريقه لاتبخل عليه
ويزاكم الله خير
اقطع اللحم بالعظم واذا شي شحم لا تخوزينه
واغسله زين
واخليه في الجدر واشغل عليه النار بدون ما اخلي فيه اي شي ولا حتى ماي واسكر عليه الغطاء وكل شوي اجلبه
بتشوفينه بروحه يطلع ماي
بس مع النضج بيجف فإذا جف صبي عليه شويه ماي يعني نصف كوب وهكذا لين قرب ما ينضج
حطي عليه ملح وفلفل اسود وهيل محون وجرفة بس
لا تكثرين من الملح شوية ملح وتطعمي اذا يريد زيادة
اما الهيل تقريبا خاشوقة وبعد الجرفة خاشوقة ونص والفلفل على حسب تبونه حار او وسط
وجلبيه مع الللحم وبالعافية عليكم
وخبريني شو النتيجة اذا جربتي طريقتي
وانا الصراحة يوم اسويها تعجبهم
طريقتي هيه
عادي اول شي ثوري اللحم
وبعدين في جدر ثااني حمسي بصل مع ثوم وقرن فلفل وعقب زيدي نص طماطه
يعني تكون كمية الطماط جداا قليلة وعادي لو استغنيتي عنهاا
وعقب زيدي اللحم مع البهاارات ملح فلفل اسود شوي بزار وكثري من الجرفة والهال
واللومي الياابس بس بدون القشرة حاولي اطلعين اللب بس
وتمي حمسي
كل ما زيدتي الهال والقرفة واللومي الياابس كل ما كان ألذ.. يمي يمي
وخليه يتحمس فترة وعقب حلاته مع خبز الرقاااق او عيش ابيض ودهن