اخواتي ساعدني اليوم بغين اسوي اي كريم
بس ماعرف ليش اختربت الطريقه
المقادير
4 اكواب حليب فرش + كوبين كريمه + كوب سكر ويخلط مع بعض على نار هاديه
بعدين صفار 4 بيضات مع كوب سكر ويخفق عدل لمدة 5 دقايق ويضاف على مزيج الحليب والكريما اللي ع النار ويضاف اليه الفانيلا
ويخلط على النار لمدة 2 دقيقه وبعدين اخفقه بروحه بدون نار لمدة ربع ساعه
واحطه في الثلاجه لمدة 6 او 8 ساعات
هاي الطريقه اللي عرفتها بس ما صار ايس كريم صار عصير مثلج
شو العمل باجر ربيعتي بتي اتزورني وانا قلت لها اني سويت ايس كريم
يالفشله الحين شو اسوي
الله يخليكن اخواتي لا اتبخلن علي بالطريقه الصحيحه
واي سويت بعد الله يخليكن تنزلن طريقته
وشكرا لكم
اختيا بحط لج طريقتي بعمل الايس كريم ،، بس ترى تختلف كليا عن طريقتج
المكونات:-
4 دريم ويب
4 استكانت جاي سكر
2 قشطه بادره جدا ً(اي نوع بس لازم تكون بيضه)
اخلطيهم عدل و خليهم بالفريزر لمده ربع ساعه او عشرين دقيقه
عقب ضفيني عليهم
3 ملاعق كبيره حليب مركز محلى
1 قشطه بارده جدا ً
4 حبات جبنه كيري
3 ملاعق كبيره حليب بودره
و عقب دخليه بالفريزر لاكثر من 8 ساعات و خليه بصحن عميق ( مثلاث الصحن الي نخفق فيه الكيك)
لو تبينه بالشوكولاه ضيفي
3 ملاعق كبار شوكولاه نوتيلا
3 ملاعق كبار شوكولا بودره
اتمنى يضبط وياج لان هالايس كريم رووعه
لانه 4 اكوااب وايد *_*
جربي حطي 3 بيظهرلج كريمي الايسكريم =)
واذا ما نفع اسمحيلي خخخخ
والحين بسير اسوي الايس كريم وان شاء الله خير
1) الحليب المفروض ايكون نفس كمية الكريمه
2) الشكر واااااااااااااااايد المفروض نص كاس اكثر من كافي
3) ماله داعي اتحطين الشكر مع الحليب والكريمه اكتفي بس مع الصفار
4) اتحركينه على النار الين اتشوفين بدء الغليان اي ظهور الفقاعات الصغيره على الاطراف اهني ترفعينه
وتتركينه يبرد
5)نسيتي اتحطين الفانيليا مع الحليب والكريمه او النكهة اللي تبينها
الحين المفروض عقب ما يبرد استوى عندج ايس كريم الفانيليا تقدرين في هاي المرحله اتضيفين اللي تبينه من فواكه مثلا فراوله طبعا اتكونين خالطتنها في محضرة الطعام وليس الخلاط الكاس لان محضرة الطعام بتعطيج مثل العصير بس محضرة الطعام بتشوفين قطع الفراوله عقب وانتي تاكلين الايس كريم
المهم بعد ما يبرد اذا تبينه ايس كريم فانيليا فالدخلينه لفريز
أهم ملاااااااحظة
المفروض العلبة اللي اتحطين فيها الايس كريم اتكون مسكره وما يدخلها الهوا ابدااااااااا بمجرد دخول الهواء في علبة الايس كريم بيطلع لج sorbet او مثل slash وليس آيس كريم يعني بيثلج
المهم وكل ساعة الى 4 ساعات تخلطينه بالمضرب الكهربائي او محضرة الطعام الغرض من هاي العمليه ادخال اكبر قدر من الهواء في الايس كريم وبالتالي حجمه ينفش اشوي
هاللي ايحظرني الحينه
وموفقه ان شاءالله
طالبتج يا الغالية سوي لنا موضوع عن الايسكريم بالصور
شكلج خبيرة