طريقتي في عمل الفول حياكم الله فولي غير خخخخخخ

مرحبا خواتي اليوم يبتلكم طريقة عمل الفول بطريقتي انا كل احد بطريقه يسويها وطريقتي سهلة واااايد وما تاخذ وقت

وااااايد طعمه حلو

المقادير :-

قوطي فول "مغسول ومقشر"

طماطم كبيرة مقطعة مربعات صغار

بصل مفروم ناعم

شويت بقدونس

ونسيت الثوم "زوجي ما يحب الثوم فماسويته"

طبعا الثوم يكون مهروس وتحطيه قبل ما تحطين الطماط

الطريقة :-

اول نيب الفول ونهرسه عدل لين ما يصير ناعم نحط شوية فيه ماي ونحركه بخاشوقة نحطه على جنب "او قبل ما تهرسيه تحطي شوية ماي"

وبعدها نيب بصل ونحطله شوية ماي في القلاية

مثل اللي بالصورة لين ما يذبل البصل ويتبخر الماي

وبعدها ما يذبل البصل وينشف الماي نضع الطماطم المقطع فوق البصل حركه شوي لين ما يذبل الطماط

انا ما صورت هذه الخطوة وبعدها حطي الفول وحركيه خليه يفور شوي

وبعدها حطي البقدونس الناعم وحركيه شوي مثل اللي بالصورة وعلى حسب انتي ما تحبينه اذا تحبيه يكون وايد فيه ماي ولا ناشف على حسبج انتي واحسن ناشف يكون احلى خاصه باليمون ووووووواي حلو