مرحبا بنات
من تفيدني بطريقة عمل النساكفيه اللي يتكون من نسكافيه وماي وسكر وينخلط وينحط بالفريزر؟
لاني جربته بس ماضبط ولا سوا رغوه مادري ليش
يالليت اللي تعرف تخبرني الطريقه بالضبط بليييييييييييييييييييييييز
سوتها اختي بس ما عيبتنا…. يمكن بس تعيبج اول مره… ومن تنحط في الثلاجه لثاني وثالث يوم خلاص تخترب… السائل ينزل تحت والرغوة اتم فوق… مب كله مجانس… واخرتها انجب في الزباله … يعني خسرتي مقادير ع الفاضي
الافضل انج اسوينه في ساعتها وتشربينه
وعندي طريقه سهله ويمكن تعرفينها
اسخني الحليب وحطيه في الخلاط… وحطي وياه شكر كد ما تحبين.. خاشوتين انا احط… وخاشوقة نيسكافيه وخاشوقتين قشطه
واخلطيهم بالخلاط دقيقتين
وهني وعافيه
زين إستفاديت من طريقة الأخت إللي قبلي أشكرج