(*·.¸(`·.¸بليييييييييز ممكن طريقة الفالودة الإيرانية ؟ ¸.·´)¸.·*)

مرحبا اختي……. أنا عضوه يديده
و أول ما شفت موضوعج بسرعه دشيت
لأني قبل شوي كنت متصله للوالده أبغي طريقة الفالوده
بسويها حق ريلي عشان ربعه بييون عنده
.
.
.
.
المقادير:
كيس بلاليط
كيسين دريم ويب
حليب مركز(ملعقتين)
علبة حليب المراعي طازج
كيس جلي(إذا تبغين يكون لونها وردي)
فراوله
أناناس
كاجو
الطريقه:
نغلي البلاليط (بس مب وايد عشان ما يستوي على شكل كتل) ونحطه في الطبق
نقطع الفراولة والأناناس قطع صغيره ونحطهم فوق البلاليط
ونخلط باقي المقادير في الخلاط ونصبها فوقهم
ونحرك بالملعقه عشان تختلط المقادير
وإذا تبين تحطين قطع جلي (الجامد) على الوجه للزينه
انشالله تكون الطريقه سهله
جربيها وردي علي (تراني أترياج:22 (29): )
و بالهنا والعافيه

مشكورة حبيبتي و فيج الخير تحلين مشكلتي
بس الطريقة اللي طلبتها مثل طريقة المطاعم
يعني مادري بالضبط شو يسوون فيها:
و لا تنسين إنها إرانية أكيد يدخلها ماي الورد و الزعفران
يعني :
ماء ورد
زعفران
يثلجونها بالفريزر و إلا بالبراد عادي
لأن لما آكلها طعمها مثلج..يجنن..
و مافيها فواكه مشكلة
طريقتج أختي تشبه طريقة الكافتيريات..أنا مجربة هالفالودة ماكلتها..
بس بطبق طريقتج و أكيد بتطلع حلوة سويتي كفاية الحليب المركز و الدريم ويب
.. و برد عليج و ألف شكر حياتي لأنج تعنيتي وكتبتي لي طريقة الوالدة ربي يخليها لج..
—
أما الأخوات ارجو اللي عندها طريقة الفالودة الإيرانية ..تخبرني عنها.. و تسلمون جميعا

للحين محد يعرف طريقة الفالودة

المقادير : نشا ( نشا الذرة)
ماء ورد – عصير ليمون –
سكر –
بلاليط
قبل ماتحطينه على النار
تاخذين جدر فيه ماي (سيستخدم لغلي البلاليط ) وتضيفين للماي نشا بمقدار ربع او نصف ملعقة طعام وسكر الكمية حسب المذاق وتخلطينهم واذا حبيتي ممكن تضيفين ملعقة حليب مع النشا وممكن تستغنين عنه
وبعد ما تخلطين المقادير كلها تحطين الجد على النار وعادي تفورين البلاليط فيه وعادي تشخلينه وممكن تحتفظين بشوية من ماي الخلطة
وبعدين تبردينها في الفريزر ويا شوية ماي مال الشخال
وقبل التقديم تنزيلنه من الفريزر وتحطينه في الثلاجة العادية ( مبرد ) وبعد مايذوب الثلج منه تصبينه في اكواب التقديم وتصبين عليه شوية ماورد وعصير ليمون وبالهناء والعافية

براااااااااااجيل
أختي مشكورة
و خيرا أحد عبرني
الظاهر محد يعرف الطريقة إلا إنتي

مشكورة الغالية أنقذتيني