عندي مداخلة بالنسبة لمحاكم دبي قضية الاحوال الشخصية وايد تطول تخيلو اني من سنة وانا داخلة المحكمة ولين يومكم هذا ماخذت ورقة طلاقي لان طليقي يالس يماطل ومايبا يعطيني حقوقي ويبا يخفف المبلغ على نفسه وواقف لي شرات العظم في البلعوم .
انزين انا ابا اعرف ليش مايعطون الوحدة ورقة طلاقها من تاريخ وقوع الطلاق ليش ياخرون الوحدة هالكثر والله حرام يمكن الحرمة تبا تعرس مرة ثانية او تبا تقدم على بيت او امور ثانية اتم متعلقة ليش ابا اقدم اقتراح او شكوى للمحكمة اني انا عن نفسي وايد امور متعطلة عندي حتى جوازي ماقدر اغيره ولا اقدر اغير الجنسية ولااقدر اعرس لاني ماستلمت ورقة طلاقي ويوم سرت المحكمة يوم حكم لي القاضي اخر حكم قالو مايستوي لازم تتريين اقل شي شهرين وايد تضايقت وطليقي بعد يالس ياخرني ويطعن ويسوي استشكال ويوقف كل شي حسبي الله ونعم الوكيل .
وين اقدر اقدم هالاقتراح او الشكوى
وبعد ماا يصدر الحكم عليج بالصبر حتى ينفذ الحكم وتااخذين كل حقوقج
الله المستعاان والله ايسر امورج حبوبة
الله المستعاان والله ايسر امورج حبوبة
الله يصبرج و يعوضج خير يا رب …
في ناس ما تخاف ربها و هالمحاكم عافانا الله من بوظبي للفجيره كلهم يعلون القلب ☻
أذكر ربيعتي تطلقت و تمت سايره وراده على المحكمه يمكن سنتين أو ثلاث بس في النهايه خذت حقوقها بأثر رجعي في محكمه الفجيره .. بس عاد كل واحد و ضميره …
تبين نصيحتي >>> عليييييييييييج بالبث المباشر من ينفضحون يتحركون تراهم ☻
و الله يكتب لج اللي فيه الخير …
۩ ۩۩ ۩۩ ۩۩
*•.¸.•* بِسْمِ اللهِ الْرَّحْمَنِ الْرَّحِيمِ •¸ .*•
قُلْ هُوَ اللَّهُ أَحَدٌ ۞ اللَّهُ الصَّمَدُ ۞ لَمْ *•
يَلِدْ وَلَمْ يُولَدْ ۞ وَلَمْ يَكُن لَّهُ كُفُوًا أَحَدٌ *•
*•.¸.•**• صدق الله العظيم *•.¸.•* *•
۩ ۩۩ ۩۩ ۩۩ ۩۩ ۩۩ ۩۩ ۩۩