لو كنتي زوجة ثانية شو تتوقعين من الزوجة الاولى شاركوني

السلام عليكم ورحمة الله وبركاته

لو كنت أنا الزوجة الأولى

وربي رزق زوجي زوجة ثانية

ماهي توقعات الزوجة الثانية اتجاهي

وماذا افعل وماذا لا افعل اتجاهها

وهل يحق لي التواصل معها

لو رايت تقصير واضع في اهتمامها بزوجي وحبيب قلبي

هل يحق لي توجيهها

هل افيدها بما يحب زوجي وماذا يكره

هل ستحبني؟

تساؤلات ليس لدي لها اجابات لعدم وجود تجارب في محيطي

احتاج اجوبتكم احبتي

عليكم السلام ورحمه ,,

لو كنت انا الزوجه الاولى وتزوج عليه (إن شاء الله لا ^^ ) الله يخلينا لبعض ونبقا لبعض مانبغي زيادات عدد هههه

النوعيه الاولى من زوجات:
زوجه ثانيه بالبدايه يكون اهم شي عندها تتقرب من زوجه الاولى هذيلا الزوجات العدائيات لأن تقرب يكون عن طريق بالبدايه ودي وأسأله كثيره وبعد فتره يصير تاج على راسهاا وتتغير (شفت من هالنوعيه سمحولي ع تشبيه )،

والنوع ثاني ألي أهوه مسالمه تقول له أريد بيت بروحي لا تحطني مع زوجتك أولى هذي زوجه حساسه وماتحب مشاكل ومخالطات او انها تخرب بيوت ..

فأنا من وجهت نظري نوعيه الاولى ما احبها إذا كانت بهذي مواصفات واهيه بالنوع الاول بتقدر تعرف عني وعن زوجي كل شي تقريبا ورح تاخذ توقعات كثيره لاكن معظم زوجه ثانيه توفعاتها تكون سلبيه ضد زوجه الاولى ، وألي تحب الابتعاد بتكون مسالمه وغير مباليه بما يحدث للزوجه الاولى وهذي نوعيه احمد الله انها لازالت موجوده إلى الآن ولاكن نادر نسمع عنها ^^

تخيلت الموضوع رغم أني ما أحب الشراكة
بس يمكن أكون زوجة ثانية اذا الله كتب لي هالشي
عموما انا ببتعد عن الزوجة الاولى، اللهم سلام بيني
وبينها يعني أبعد عن المشاكل ولو هي بتكون مسالمة
يكون احسن بس أرفض تعلمني شي عن ريلي أحب اكتشف
بروحي كل شي لأنه كل وحدة وطريقتها، انا اسمع النصيحة من
الغير حتى لو من الزوجة الأولى بس مب شرط انفذها
تسلمين

وعليكم السلام ورحمة الله وبركاته

لو صار هالشي ما اظن اني بتقبل الزوجه الثانيه ولا افكر اتعرف عليها
خلها بحالها وانا بحالي
واصلا بشترط عليه انه مانتشاوف احسن لي عن المشاكل والغيره والمقارنه
يعني مايقولي بنسكن نفس البيت او نطلع نتمشى مع بعض او غيره مستحيل

وبالمستقبل اكيد ما بمنع عيالي يشوفون اخوانهم من الابو لانه هالموضوع مرتبط بصلة الرحم
اما اني اتعرف على الثانيه مب ملزومه

يمكن علاقة رسميه وسطحيه وبينا السلام بس

وعسى الله ما اييب هذا اليوم ابد

بشكل عام

الزوجة الاولى او الثانية المفروض ما يتواصلون نهائيا لان الحريم مشاكلهم ما تنتهي وكل وحدة تغار
و يكون في جدول من قبل الزوج للمبيت و مصرف البيت
انا جفت زوجات من اهلي ما شاء الله كانهم صديقات يطلعون و يدخلون مع بعض بس هذا نادراًًًًًًً

أمولة حبيبتي .. الله يصبرج ويربط على قلبج

شوفي غناتي .. أنا أعرف وحدة مرت بنفس ظروفج بالضبط بالضبط .. ومر على زواجها الحين قريب 35 سنة .. وزوجها تزوج بعد ما كملت معاه 17 سنة .. ولنفس السبب اللي عندج

اسمعيني لأني وايد استفدت من تجربة هالانسانة الغالية جدا على قلبي وهي بمثابة الاخت الكبيرة لي ..

الافضل عدم التواصل مع الثانية .. وعدم التلاقي معاها في أول السنوات ..

عليج بالصبر والاحسان .. يمكن توصل لج اساءات الافضل التغاضي عنها ..

انتي موب مطلوب منج أي تواصل معاها.. لكن مطلوب منج القيام بواجباتج تجاه زوجج .. وهو بالمثل ..

إذا قصرت أو ما قصرت انتي الاهم ما تقصرين .. وتوفرين راحة البال له ..

يقول المثل : سير بعيد وتعال سالم ..

والافضل الابتعاد عنها .. لمجرد تجنب اي حماقات بتبدر من أي طرف ..

ربي يصبرج ويربط على قلبج ويرزقج الذرية الصالحة ويفرح روحج بعيالج يااااارب

بما اني وايد غياره لدرجة الجنون اعرف عمري ما بتحمل زوجة ثانية في حياة ريلي

أتوقع ان ريلي بس لو فاتحني بموضوع الزواج الثاني … بنهي كل شيء بيني وبينه … لان وجود زوجه ثانية في حياته معناته ان ما صار يحبني مثل قبل…

مافي انسان يحب حرمته اييب على راسها شريكة بدون سبب واضح ومنطقي اسمحولي هاي وجهة نظري

والحرمة اللي وقفت مع ريلها بالحلوة والمرة ويابتله العيال وشاركته بفلوسها وتعبها في بناء بيت العمر وشجعته على الدراسة وساهمت معاه في المصاريف وكانت عون وسند له وتحملته وتحملت عياله ما اضن بترضى ريلها عقب تالي العمر يجازيها بحرمة على راسها

وما ابا حد يعلق على كلامي لان هاي قناعتي بالحياة …