صراحه ماعرف كيف ابدا بالموضوع امس الجمعه صار موقف جدامي بيت اهلي انا تضايقت منه بس للحين ما كلمت حد غير اختي واختي قالت لي كلمي اخوي انا ابا اكلم اخوي بس ما عرف كيف افتح له الموضوع
الموضوع كالاتي:
اخوي معرس ماخذ بنت عمتي الحين صار لهم 3شهور معرسين الزبده انا عندي اخو واحد باقي للحين مب معرس هو مراهق عمره 16 سنه وحجرته حذال حجره اخوي اللي معرس كان اخوي ها دوم يطلع من غرفته بشورت او مرات بشورت بدون فانيله كنت انازعه اقوله عيب انت كبير ومرت اخوك موجوده مايصير تشوفك جي ماتطلع من غرفتك الا وانت لابس كامل ولبس شرات الخلق وجدام غرفهم غرف خواتي البنات يعني الطابق اللي فوق كله اخواني المهم مرت اخوي الله يهديها كانت طالعه من غرفتها لابسه روب فوق الركبه لونه ابيض قطن وفيه ورود جي وتحت ملابس داخليه بس يعني فاهمين واكيد المتزوجات عارفين اللبس كيف المهم تخيلو طالعه بهاللبس وقاعده بالصاله برع واوي ها الصغير انا كنت طالعه من غرفتي رايحه غرفه اختي وشفتها انا انحرجت واخوي اللي هو ريلها هي تعرف يوم يدخل يدخل مره وحده يعني ما تحمحم ولاشي واحس مب حلوه هو يشوفها جي كان محد يعني احس ابد ماله داعي تطلع جي من غرفتها انا عصبت بس ما كلمتها لانه خفت اقول لها شي وعقب تزعل وعقب تروح تقول لاخوي هو يدخلون بلبسي وانا مرتاحه وبطلع في بيت روحي وتسوي مشكله من ولاشي وللعلم هاي مب اول مره اشوفها جي ومره طالعه لابسه قميص نوم قصير اونه رايحه تبا شي من الثلاجه مرات اقول هي تتعمد تسوي جي تبا حد يعلق او يقول لها شي عشان ادور لها حجه وسبب ومرات يكون على رقبتها علامات حمرات طبعا انتو عارفين وانا خواتي هب معرسات وعندي اختي اخر العنقود عمرها 12 سنه فضوليه لما تشوف رقبتها تقعد تسال ها شو شو فيج ليش جي رقبتج مره قهرتني وايد خلت دمي يفور تخيلي شو ردت على اختي الصغير قالت لها شسوي اخوج مب راحمني طول الليل شغال علي واتوقع لو ما كنت موجوده كانت عطت اختي موجز كامل بذمتكم هاي رمسه تنقال لبنت عمرها 12 سنه استغفر الله العظيم وبعد للمره الثانيه مسكت نفسي وسكت عنها مب علشانها عشان اخوي لانه انا اعرف نفسي انا اذا رديت عليها مابسكت عنها وهي من النوع اللي لسانها طويل ومنها كلمه ومني كلمه وعقب بيكون ماشي فايده والله ابا ارمس اخوي ومستحيه منه كيف افاتحه بطريقه ما خليه يزعل مني ولا ابا اعصب عليه وها اخوي اقرب وحده له انا بس مب عارفه كيف اكلمه واخافه ينحرج مني
كلمي اخوج بينج و بينه و لازم يوجهها للاحتشام و يمنعها من نشر خصوصيات الزوجين
الله يهديها
حرام احسها مقيده وماشاءالله بالبيت عيال والله صعبه
حطي نفسك مكانها التزبط بس بغرفه النوم يعني ماتتزبط وتستقبل زوجها ولا تعيش حياه اي وحده متزوجه كانه فرد بالعائله زاد
اذا اخوك يقدر خلوه يطلعها بيت او شقه ايجار
وانتو بترتاحون وهي بعد
ولامشاكل ولاشئ
وطولي بالك لاتزعلين حطي نفسك مكانها
اختى اشغلي نفسج باي شي من راقب الناس مات هماً ,,, اذا هيه تظهر بملابس قصيرة معقولة محد يشوفها ويحاسبها
المفروض اذا السكن فيه شباب الغلط من اخوج يسكنها بيت بروحها ,,, الله يعينج اختى اذا تبين تصلحين الكل بتتعبين
رمسي اخوج بطريقه حلوه قوليله انا ما اريد تخبر حرمتك بس ابيك تقول اذا رمستي فيها غلط وفاتحيه بالموضوع ,,, اذا الاخو حرام يشوف محارمه بلبس مب ساتر فكيف حرمة اخوج اتظهر محاسنه بلا حشيمه ولا حياء جدام اخوانج وخواتج وترد على اختج برد ماصخ وعيب ينقال
معقولة أمك ساكتة عنها وما شافت ملابسها وكلامها !!!!!!!!!!!!!!!!!!!!!!!!
ولا موضيعك للتسلية بوقت الدوام ؟؟؟؟؟
من أيام حش بزميلتك بالعمل نصيحة أنشغل بعيوبك عن عيوب الآخرين والآنسان العاقل والفاهم ينشغل للآستغفار حتي يغفر ذنوبة ولا يزيدها —-