انا متزوجه من 4 سنين وعندي ولد ربي يحفظه بس مشكلتي اني متزوجه واحد من دول الخليج مب اماراتي وبعيده عن هلي ماسير لهم الا كل 3 او 4 شهور مره وماعندي ربع وماعرف حد وكله يالسه ف البيت وريلي 24 ساعه برع عند ربعه او مسافر معاهم وطبعا ربعه كلهم عزوبيين وانا حابسني بين 4 طوف والله مليت ولاعت جبدي ماعرف شو اسوي وكل ما اقول له طلعني حتى لو ف السياره يرد علي انتي حنانه وماعندج شي غير الحنه
انصحوني خواتي شو اسوي
للعلم انا ساكنه ويه هله لكن ف ملحق منفصل عن بيتهم والعصر ايلس ويه عمتي ومن عقب المغرب هي تطلع تزور ربعها يعني ماتيلس ف البيت وماعنده خوات
بالنسبه لطلعه اتفقي وياه ان يوم بالاسبوع يكون لج ، تطلعون سوا
او حتى تسويين مود حلو بالبيت بروحكم
تفاهمي وياه بهدوء وباسلوب حلو عسب يتقبل كلامج
نفس كلام الأخت , وإضافة حاولي تطلعي ويا عمتج يوم تروح تزوز صديقاتها وأهلها ولو مرة كل أسبوعين , أكيد بتحصلي في الزيارات بنات من عمرج وممكن تصيري تتزاوري أنت وياهن . ربي يوفقج .
الحمدلله مسوية برنامج بين واجبات البيت و الجيم والمطالعة والعبادة والتسوق
حاولي تشغلي عمرك وتستفيدي من وقتك
ع الاقل اتغيرين جو وتتعرفين ع الناس بدل هالحكره في البيت
المطلوب منك الرضا وتكوين حياه أجتماعية والآنشغال بمسؤلياتك والتعايش مع محيط حياتك وممارسة هوايتك وخلق أجواء خاصة فيك
وأكيد أنت علي تواصل مع الآهل والصديقات يبقي الدنيا بخير حبوبة —–
وأحساس الملل يمر فيه كل أنسان حتي لو كنت ببلدك فلا تجعليه يتملكك ويفسد عليك حياتك