حبيباتي انا بدش فالموضوع بدون مقدمات ولف ودوران
انا زوجي طيب وقلبه نظيف وايد وعلى نياته
وانا واثقه منه و متاكده من اخﻻقه ويصلي ومو راعي خرابيط خايف ربه
بس عيبه عصبي بشكل غير مألوف
عصبيته ذابحتني ، صبرت بس اخاف مره اطلع عن طوري
انا من النوع اللي يمتص الغضب بس مرات يمصخها
مشكلته اذا تنرفز مايشوف حد جدامه
يعني انا بالسوق وتاخرت شوي يقوم يصارخ فالسوق
انا ما اتهنى طلعه وﻻ شي من اشوفه بادي يتنرفز خﻻص اشيل قشي واطلع
خو مافيني على الفشيله
واللي يقهرني ، انه يصارخ وجذيه عقب يجيني وكأنه مو مسوي شي يكلمني عادي و يعتذر
بس انا كل مره اطوف وارجع عادي بس عاد زودها
بالاضافه انه متسلط بشكل مش فالخيال ﻻ تطلعين بهالعبايه ﻻتلبسين جذيه
والله عباياتي متستره وﻻفيها اي شي يلفت بس هو جذيه
ماكو ليسن وايد يغار
ووايد لما اطلع اتمشى ما اتهنى الطلعه صرت والله حتى ما اخذ راحتي معه
وصرت لاروح السوق وﻻ شي منه
حتى مرات معي مناسبة استثقل اروح السوق من مغثة كﻻمه
خواتي شلون اتصرف مع هالريال
والله مرات احسه قاعد يقتلني بالبطيئ
مابي احد يقول كلميه وهو رايق
او عامليه حلو
كم مره صارحته واقوله هلهله فيني طلع خياسك بالبيت مو قدام العالم
وكم مره اكلمه بطيب وكم مره بعصبيه
وطبعا انا كلامي كله حلو معه وﻷاكدر له خاطره
ويوعدني وكله خررريط ومرات يقول اتحمليني <<< شنو اتحمل ياولد الحلال انا لو عندي من الصبر جبل بيخلص
امبييييييه شسوي فيه
على الزين اللي فيه لكني مرات ما اطيق اسلوبه
ما يعجبهم اللبس و لو لبستي الف عباه
و يتتحكمون في طلعتنج و توقيت و كل شي
و لدلك فتعودي طلعين بروحج مع خواته او اخوانج
او معاه بس خله يجلس في مكان او يروح يقضي اغراضه بروحه وانتي بروحد
قوليه إن شاء الله وحاضر وسويه طاف..بوطبيع مايوز عن طبعه..
مالج غير ربج تدعين له إن الله يهديه..
لأن كل اللي قلتيه هاي حلول نقدر انقولج اياها بس شكله ماشي فايده..
ربي يسعدج ويسر أمورج …
الله يسخره لج الغلا
ادعي واستغفري وان شاء الله بيتغير