لاي درجة الزوج له حق يتدخل بخصوصيات الزوجة؟؟؟

هلا حبيبتي
المثل يقول: الشي الي يزيد عن حده ينقلب ضده

حلو انه الواحد يسأل .. بس مب بطريقة مستمرة ومنفرة وعلى كل شي

حلو انه الزوج يحسس زوجته باهتمامه .. بس بطريقة معقوله وما ترفع الضغط

وعن نفسي بحاول أبتعد عن الامرو اللي ممكن ينتقدني فيها وما بسويها جدامه

يعنى ما يحبني ايلس عالنت .. بتفادى هالشي جدامه
ما يحبني أقرأ .. ما بسويه جدامه

يعنى الحياة يبيلها ميزان عسب توزنين الامور صح وبروية

لانه الحياة جيه ما بتستمر إذا كل شوي ليش ^_^

وطرشيلي حبة بندول .. لأني صدعت ^_*

اوه قريتي افكاري كان بخاطري هالموضوع بس بطريقة اخرى ..

انا واعوذ بالله من كلمة انا .. اعاني من هالشي ..

ابو عيالي يكره اني اسوي اتفه الاشياء من غير تصرف ورجوع له .. طبعا كل زوج على ما يعود زوجته

وزوجي نوعاً ما عودني بس يتني فترة خلاص .. حسيت انه يتدخل حتى باهلي وصديقاتي ومشاوييري .. وحتى الفون يغار منه والكمبيوتر !

صرت اخفف لان طاعة الزوج مفروضة لكن بغير اكراه .. يعني انا اسوي هالشي لاجل تكون انت راضي عني لكن مب اني انجبر اطيعه طاعة عمياء !! خربت الدنيا

في زوجات ينشغلن بحجة انها حرية شخصية وخصوصيات .. وهالشي بنظري خطا … لازم الزوجة تعطي الحق لزوحها بعدين لنفسها .. بنظري

يعني ما يكون له اي عذر لما يشوفني مشغولة عنه باي شي .. بهواياتي بالتلفزيون بالفون بالاهل بالصديقات . مافي اي شي

ولكن الطبع احياناً غلاّب .. لو تلاحظون ان معظم الرجال يعيشون الخصوصيةاي بعيدا ً عن المرأة بشتى انواعها يعني طلعات اصحابه سفراته مشاويره عمله .. فلوسه .. الخ اي امور تخص اهله او اصحابه

انا من خلال تجربتي عودته على المصداقيه .. طبعا مب بيوم وليلة لا .. اخذ مني الموضوع شهووور طوال

وصرنا نتصارح فيما يخص الخصوصية الي تنقال والي ما ينقال يتم بالصدر ابرك له

بسم الله عليج هههههههه
ام خالد الحلووووووووو هل برايج ان الزوجة تركت القراءة جدام زوجها لرضاه

او تركت صديقاتها و كل شئ لاجله

هالشئ بيي في عينه او بيخليه يتمادى؟؟؟ اكثر و اكثر ؟؟؟

الجين بضيف هالنقطة للموضوع هههه

الله يوفقكم حبوبتي

و فعلا الرجال لاعبين دور بحرياتهم الشخصية …

هلا فديتج
اول شي قلتلج مصدعه .. وين البندول

الشي الثاني
أكييييييييد تركت هالشي لرضاه . .ليش تعصب فيه من الاساس
بالنسبة للصديقات . ما راح تتركهم .. بتتواصل معاهم بالمسجات والاتصالات

وبسياسة الحرمة مع ريلها تقدر تزورهم . .بس عاد ما تمصخها كل يوم عند وحده
جيه بيطفر.. الزيارات ممكن تكون بس بطريقة متباعده

بالعكس ما راح يتمادى ..
لانه قلبه بيحن عليها .. خصوصاً اذا ما عصبت او عاندت فيه ..
بتشوفيه من نفسه يقول لها بوديج .. أو توكلي ^_^

تعالي ترى الرياييل مب جيه .. بس تعرفين اونه يبون يحسون انهم المسيطرين .. والعصمة في ايدهم ^_^
بس باسلوب الحرمة وذكاءه .. تنشال الفكرة عن الريال ..

الريااال بطبعه يحب يتسلط او يتحكم ف حرمته خاااصة اول الاياام لا تسيرين لا تسوين ليش جيه سويتي هذا مب

حلووو هذا مب لايق ما ابااج تظهرين من غير شوري احس انه يباا يظهر كل شي عليج لانه تووه يديد ويبا يحس

صاار معاااي جيه بس يودت عمري واتحكمت ف اعصاابي صح الواحد مرااات ينقهر باخر هذا زوجي

انا لين الحين ابا اقص شعري اتحايل عليه مب رايمه طبعن رضاااه اهم شي عاادي احس ف يوم وبي يقولي هاا ما

بتقصين شعرج احس جيه هههههههههههه اتخبلت انا هو بالاساااس يحب الشعر الطويل … يلا نستحمل شوه وراانا …

بس الحمدلله ريلي مب من النوع اللي يعلق ع كل شي الحمدلله الله لا يغيره علياااا آاااااااااااااااااااااااامين يا رب واذا

طبخت او غسلت بلعكس يقول شغل حريم انا ما لي دخل وحتى مراات اكشخ بس اذكر مره وكان اول اسبووع حق

عرسي وكنا معزمين بيت خالته وانا كنت لابسه احمر ف احمر شي اكيد اني بحط رووج احمر هو ما شاافني قبل حاطه

هاا الروج استغرب يس ما قاالي نفس الوقت واحنا ف الدرب جاان يقووول مب جنه وااايد حااطه والله ويهي احترق

بس لان اللون الاحمر يكون غامج وانا فاتحه وفتحني زيااده فاستغرب قلت له لا هذا الروج اصلن لونه غامج وانا

لابسه احمر ومكياجي خفيف بس الروج غامج عاادي ما قااال شي بس انا طول الوقت كنت شااله ع خااطري وهو

حس ولما رجعت البيت وسبحت قلت خل احط رووج هاادي بشوف كيف جاان اكشخ واتمكيج وشااافني قاال هيه هذاا

الروج ولا بلاااش اباااج جيه داايمن عرفت انه ما يحب اللون الغامج خاااصه الروج

اب اب اب اب اب

كملوا