في موضوع وايد متعبني الصراحه اللي هو ان امي رافضه اني اتزوج الا بعد الدراسه .. انا ادرس فالجامعه وتوني ثاني سنه
تقدمولي ناس ماشاءالله وايد والنعم فيهم والله بس هي موقفه نصيبي الا بعد الدراسه
تباني اخلص وبعدين اتزوج وانا مابي هالشي
انا ابي ازوج وقد المسؤوليه الحمدلله واللي يوني كلهم مستعدين يخلوني اكمل دراستي وانا مزوجه
بس امي مب راضيه
هذا نصيب وانا خايفه ان عقب مايكون لي نصيب ازوج واتم فالبيت بعد 5 ولا 6 سنوات من الدراسه
وايد متلعووزه من هالشي والله .. انا اصلي استخاره وكل شي وارتاح بس هي ماتباني ازوج الا بعد الدراسه
كـأنه الدراسه كل شي فهالدنيا ماتدري ان الستر زين والله
مب عارفه شو الحل وللعلم انا مب وايد ويا امي
شو رايكم فالموضوع ؟
وهيه ادرى بمصلحتج
خلي ايمانج برب العالمين قوي اذا لج نصيب بتاخذينه بتاخذينه حتى لو امج مب موافقه
بس رب العالمين يبيلج الخير
موفقه الغلا
هي ماتبا تجي و مصرة
سوي اضراب ههههههههههههه قولي لها بهد الدراسة خلاص
مابا ادررررس خلااااااااااااص
زوجيني الحين هههههههههههه
و حاولي انج تبيين لها انج بتهدين الدراسة فراح تزوجك
بس ع اخر كورس قالت عادي اذا بي حد بيخطبج و صدق ياني واحد اخو ريل ربيعتي بس انا رفضته من غير ما اخبر ماما ههههه
المهم عقب ما تخرجت عرفت ان كلام ماما صح ..
لا تخافين بيلج ريل .. ان شالله
الدراسه اهم من الزواج والله .. بتجربتي انا ..
ماما كانت تخش علينا ان في خطاطيب عشان ما نفكر لو لحظه بهالموضوع تصدقين وكنا مثلج نضايق ونحش فالموضوع ههههههه
بس الحمدالله ما عرست وانا فالجامعه .. جان لين الحينا احبي في سنوات الدراسه ..
الي اجوفهم معانا متلعوزات خاصه فالحمل ..
ياربي ما اتخيل والله ..
وبحلالـــــك عـــــن حرامـــــك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .
حتى دراستي مب فالحه فيها بسبب ظروفنا فالبيت ما اركز فيها
وعادي اقدر اشرط ع الريال ان ما انيب عيال هالفتره نخليها حق اخر سنه والريال وافق مسكين بس امي الله يهديها
وامي ماتبي مصلحتي
لان محد فالعايله متزوج قبل لا خلص دراسته فهي قايله انا بعد بنتي ما بزوجها قبل ما تتخرج من الجامعه
وانا مافيني حييل والله
وعن الاضراب .. اختي مااقدر بتذبححني وهي بتعاندني ما بتسوي اللي اباه اعرفها والله الله يهديها بس
وانا لو بتلعوز جان ما صليت استخاره وارتحت
المشاركة الأصلية كتبت بواسطة بنت عقيد 
هي ماتبا تجي و مصرة
سوي اضراب ههههههههههههه قولي لها بهد الدراسة خلاص
مابا ادررررس خلااااااااااااص
زوجيني الحين هههههههههههه
و حاولي انج تبيين لها انج بتهدين الدراسة فراح تزوجك
عفوا اختي
انتي جيه تشجعينها انها تترك دراستها
سمحيلي انتي غلطانه فهالنصيحه
البنت سلاحها شهادتها
لو لا سمح الله ريلها طلع مب اوك وطلقها كيف بتصرف على عمرها؟ ما فكرتي فهالشي؟
والبنت تبي تعرس عسب تبتعد عن الجو البيت لانها مب مرتاحه ولو تطلقت واهلها ما رضوا يستقبلونها
وين تقعد فالشارع ؟!
خلج واقعيه
وسمحيلي اختلاف الراي لا يفسد للود قضيه 