عساكن بخير وسهاله
الله يسلمكن نزلت موضوع قبل كمن يوم وهذا هو
https://forum.uaewomen.net/showthread.php?t=1148009
وااايد عيبتني ردودكن وحسيت اني كل ما اقراهن ارتاح ههههه 
فديتكن واللله موول ماتقصرن
وكل وحده ردت علي اشكرها من كل قلبي
بقولكن شو سوويت
اتفاهمت وياه ع اسلووبه وقال انا ماكنت اقصد شي وانتي فهمتيني غلط
المهم انه تفاهمنا
عقب قلتله ابا اشترك بنادي وها النادي من قبل لا اعرس كنت مشتركه فيه
وهو شوي مبالغين ف الاسعار الصراحه بس وايد استفيد منه وعايبني
ف وقت ماكنت حامل كنت اقوله ابا اسير هالنادي ويقول لا شي وايد نوادي غيره وارخص
(بما انه شوي ميود يده ومايحب الصرف ) 
بس اقنعته بما انه كله ولا جسمي عنده هههههههههه [ لان جد احس وايد يركز ف جسمي ،، من قبل الملجه حتى ] يتم يقول لا انتي ف هالمنطقه لازم تضعفين ويتفلسسف واايد علي 
المهم والاهم اني اشتركت ف هالنادي ،، [ متابعه مع دكتود + اجهزه عاديه ومطوره + حصص ايروبكس ]
بس بما اني توني مربيه ف بس ببدئ ويا الدكتور حميه غذايئه + اشتغل ع الاجهزه العاديه وتمارين للبطن خفيفه
واحينه نزلت هالموضوع ع اساس لو لقيت تفاعل منكن بنزل موضوع في قسم علاج السمنه والنحافه
اكتب فيه كككككل شي اسويه واكله
لان ابغي افيدكككن مثل ما استفيد منكن ومن خبرتكن 
وادعولي اوصل الوزن اللي ابغيه ههههههه
وربي يوفقج وتحصلين النتيجه اللي ترضيج
واهم شي انج تعرفين الطريقه الي تخلين فيها ريلج ينفذ رغباتج
عاد انا بكون من متابعينج
لاني ع ويه ولاده
وريلي من الحين مطفربي
بس اهم شي اني حطيت فباله جسم كل يوم يتغير ل ٩ شهور
مابيتعدل بشهر
ف احاول ابين له ان الزياده كلها بالكرش وان جسمي مجرد نفخه بالشهور الاخيره
انا وايد احييج ع اصرارج بصراحه
بالنسبة لوزنج اذا استمريتي على الرضاعة الطبيعية جسمج بيشد وبيرد احسن عن قبل زاد وزني لقريب 20 كيلو ونزلت وايد
التغذية لها دور لا تسوين حمية انتي جسمج محتاج يعوض النقص بس اهم شي التركيز على النوعية مب الكمية
الرياضة مهمة بس ابتعدي عن التمارين القوية لانها تأثر على الرحم وعادي يصير هبوط وخاصة توج مربية
بالتوفيق ان شاء الله
تابعت موضوعج الأول والحمدلله دامج تفاهمتي ويا ريلج ,
اهتمي بعمرج و بمظهرج وبعلاقتج الزوجيه ومول لاتستحين من ريلج . .
خلاص عندج بيبي الحين ههههه ~
عسى ربي يوفقج ومتابعينج ان شاء الله