ليش بعض الريايل مب الكلللل
يوم ترمسينهم بالزين والتفاهم والاخذ والعطا والتنااازل
يستحقرون الحرمه وما يعطونها حقوقها
هاللي لاحظته على مجتمعاتنا العربيه
ما ادري هل الريال يشوف عمره ضعيف اذا سمع كللام الحرمه
واغلبب الحريم يقولون لو سمع الجلمه مني ما بيطبقها بس لو من ربيعه علطووووول سمعا وطاعه بدون ما يشاور
كل وحده تفيدنا شو احسن طريقه للتفاهم مع الزوج الخليجي
الله يحفظهم لنا يارب
ريال عن ريال يفرق وتعامل ربيعتج ويا ريلها غير عنج وعن ريلج لاختلاف الشخصيات والوحده اذا مشت ويا ريلها حبه حبه وعودته ع الاشيا اللي تباها شوي شوي هني بتجني الثمار وهي مرتاحه اما انها تعوده ع اول حياتهم تطنيش وسو اللي تباه وكل واحد ف صوب هني ما بتقدر تغير طبعه لو عقب ١٠ سنوات ..
الله يوفق اليميع
اغلبهم صاروا متعلمين و مثقفين بس الصنف الي انتي ذكرتيه متواجد فعلا و انا اسميه ( رجل عصر الجاهليه)
و نفس ما قلتي انه الريال نفس النوع الي رمستي عنه يعتبر سماعه لكلمه الزوجه نوع من الضعف و عدم الرجوله …
و لانه هو مو واثق من نفسه فيطلع قووته على زوجته و البيت بشكل عام و يزداد الامر سوء اذا كانت زوجته اعلى منه في الشهاده او الوظيفه …
و كذلك اذا كان قد تعرض في صغره هو و اخوته و والدته لبطش والده فالآن بدأ هو في تطبيق ما تعلمه من والده من بطش ظانا بانها رجوله …
يسمع كلام ربيعه لانه ريال نفسه و يقول له لبيه …
افضل طريقه للتعامل مع هالرجل اولا بطريقة ذكيه تفتحين عقله نحو تعامل الرسول و الصحابه مع زوجاتهم …
و ان تسايريه و لا تقاطعيه و تحسسيه بان الكلمه الاولى و الاخيره له … و بصراحه الله يعين من تزوجت بنوعيه هذا الرجل بصراحه
لان فعلا التعامل معهم صعب جدا و الله يهدي شبابنا و رجالنا و ازواجنا
واعتقد انه هذا راجع للنشأة والتربية
في عوائل تربي اولادها الذكور على انه لازم ماتسمع كلام الحريم
وهذي مشكلة كبيرة لانه الحياة الزوجية مشاركة مو انت فصّل وانا البس
الله يعطينا رجال متفهمين..
صحيح كلامكم الحمدلله ريايل هالزمن غير عن قبل العلم والمعرفه والثقافه اللي اكتسبناها مع مر السنين غيرتنا للافضل قاكت الحرمه تطالب بحقوقها والريال يحترمها ويحترم عقلها وشخصيتها ووطموحاتها فالحياه
الله يهدي شبابنا ياارب