قولي خير أو أكرميها بالسكوت

حبيباتي النصوحات طبعا البعض منكن وخاصة في قسم العلاقات الزوجية
عينن من الله خير لما الوحده تكتب مشكلتها لا تستلمونها بشراع وميداف وتوزنها
ماعندج معرفه بالموضوع دخيلج لاتشاركين أدعي دعوة حلوه وسكري موضوعها
مفهوم العلاقة الزوجية أكبر من الكلام ألي تكتبينه للبنت ….
ترى كل كلمة تكتبينها لبنت منهاره محسوبه عليج عند رب العالمين تعرفون أن البنت ألي عندها مشكله تتأثر ببعض الأراء القوية ألي فيها نوع من القوة (سوي جذيه –لاتسكتين-ردي عليه-روحي بيت أهلج-حطي شروط –قوليله مثل مايقولج )تحس أن هالافعال ترد أعتبارها هنيه أبليس يطالعكم من بعيد ويقول أنا مالي خص ههههههه
حتى لو تعاطفتي مع البنت والبنت مظلومة والريال شيطان الرجيم مايجوز أنج توزينها في خراب بيتها قولن خير أو أدعن باالهدايه وطلعن

وأرد أذكر ثاني مره هالكلام للفئة ألي تكتب وتوز البنت على خراب بيتها من غير قصد

الله يستر علينا وعليهم

مالوم بعض الخوات فالردود لانهم يبون هالحرمه تشل الغشاوه الي على عينها وتجوف الواقع

الله ييسر ويشرح صدورهم يارب

لأنه مرات ماشي فايده من ريلها
و ينعرف هالشي من الكلام اللي تكتبه
يعني الحرمه لين متى لازم تصبر ع ريلها و تدفن عمرها فالحياه
ليش لازم نجامل و أنقول أصبري زين تصبر لين متى
مرات الحرمه تكون مالجه و يقولون أصبري و أصبري و عقب ما أتعرس بفتره تطلق
مادري أنا هذا رايي في الموضوع خيتو

اختي هالمشكله اهون بوايد عن بعض الخوات اللي نسن طاعه الزوج ! تييج وحده كاتبه ريلي قالي جي اسوي بس ماعرف هل اسويه ولا عاد سمعي الآراء اللي تقولها ريلج ما بينفعج واللي تقول لا تسمعين شوره وخلي عندج راي واللي تقولها كله ولا كرامتج ولا جنه كرامتها من كرامة ريلها .. الله المستعان

وترا الحرمه العاقله واللي ما تبا بيتها ينهدم بتحاول تفكر ف حل لمشاكلها وخاصه اللي تتعلق بطبع ريلها وشخصيته لانه محد يعرف شخصيه الريال غير حرمته ف على اي اساس الوحده بتي وبتقول سويله جي ولا تسويله هالشي وهي بتاخذ بكلامها؟ .. اي عضوه هني بتشوف الموضوع بتقول رايها وهي اصلا ما مرت بـ هالتجربه وان صار ف يختلف هالشي من بيت لبيت ومن شخصيه لشخصيه وهني المفروض مب اي مشكله نطرحها وناخذ راي البنات وانطّبق الشي، العقل مطلوب ف الحياه الزوجيه

كل وحدة ترد من منظورها و فهمها للمشكلة ، وين الغلط ؟؟

اذا وحدة كاتبة ريلي يمد ايده علي ويسب اهلي وبخيل و يرمس بنات .. شو بتقوليلها ؟
انا عن نفسي بقولها خبري اهلج خل يأدبونه لو هو مب محصل حد يأدبه

انتو الي بسكم من ردود : ادعي .. صلي .. اقري البقرة ..
وحدة ريلها يصبحها بطراق ويمسيها بطراق وتقولولها سيري صلي وادعي ؟؟

ولا وحدة ثانية تقول جكيت ريلي للمرة المليون يرمس بنات ،
تقولولها اتعدلي واصبغي شعرج و البسي .. بالذمة ها كلام ؟؟؟

الصلاة والدعاء كلنا نؤمن بتأثيرهم لكن الواحد يتحرك يسوي شي ..
لو الدنيا واقفة عالصلاة والدعاء جان ما شفتي الناس تشتغل وتسعى لرزقها ..

وبس

والله ياحياتي محد يعرف الريال كثر حرمته وهي يوم انها بتكتب مشكلتها اكيد ماراح تذكر ايجابيات ريلها وحتى لو على قولتج يصبحها بكف ويمسيها بكفين نحن منو عشان نقولها أطلقي وأدبي وسوي أنا أشوف إذا كانت المشكله أكبر من روحي صلي وأدعي ربج أهنيه أدعي لريلها بالهدايه وهي تقرر شحقه أصير أنا أبو العريف وأرسملها خطط وقرارت

الله يعين بس للاسف مايعرفن أن هذا كله محسوب عليها عند ر ب العالمين