خواتي الغاليات ..
صبروني وصبروا قلبي
بيني وبين زوجي مشاكل…
انا ساكنة ويا اهل ريلي …واهل ريلي ناس ما يخافون الله
اقدر اقولكم زوجي شخصيته مب لذاك الزوود …يسمع لاهله
وانا يتيمة ابوي متوفي …واخوي مسوول عني طبعا اخوي يضربني ودومه يقولي بنفشج من دوامج طبعا اخوي اصغر مني عمره 20 سنة واختي الكبيره ضدي وترمس من وراي
طبعا ريلي قال لاهلي اني جذابة ولوتيه …
واهل ريلي مطلعين علي رمسة وتكلموا في شرفي …ان عندي اربيع في دوامي
ام زوجي متسلطة …وبنتها تغار مني
وايد كلام قالوه عني وانا من الصدمة ما اعرف شو اقول ولا كيف اتصرف
بتقولون وين امج امي طيييييييبة طيب الدنيا فيها …مالها الا دموعها
احس اهلي اهم شي عندهك ما اتطلق رغم اني مظلومة وربي يشهد
طلبت من زوجي نستقل في بيت بروحنا .. خلي الايجار على دوامج
ويوم قلت لاهلي هالرمسة وقفوا ويايا..وقال اصلا هاي جذاب ما قلت لها خلي الايجار عليج
وربي يا بنات اني مب جذوب ولا لوتيه …بس ما ادري
ماادري مالي الا دموعي ….
ادعوووووووووووولي في هاليالي المباركة
الله يصبرج حبيبتي ويكوون بعوونج
شو هالناس اللي ماتخااف الله
و تذكري حديث رسول الله صلى الله عليه و سلم
|
عن أبي يحيي صهيب بن سنان رضي الله عنه قال: قال رسول الله صلي الله عليه وسلم : (( عجبا لأمر المؤمن إن أمره كله له خير، وليس ذلك لأحد إلا للمؤمن : إن أصابته سراء شكر فكان خيرا له، وإن أصابته ضراء صبر فكان خيرا له))(109)( رواه مسلم).
|
والشكوى لغير الله مذله
وقوولي مالي غير ربي مش دموعي
والله يجيب دعوة المظلوم مالج غيرة
ادعولي بالخيره احس طاب خاطري
ابغي ارتاح والله اني تعبانة