أنا متزوجه من أسبوعين
ومشكلتي مع زوجي إنه يسهر وما يلحق يقوم الصبح ويروح الدوام وغير هذا نومه ثقيل
أنا أداوم وهو يداوم في أمارة ثانية ومحتاج ساعة ونص لين يوصل دوامه
وأنا بصراحة ما أقدر أسهر ولما أرقد من وقت يحتشر علي ويقول لي إنتي مسوية قيمة لدوامج أكثر من علاقتنا
حاولت معاه إننا ننظم الوقت ونستمتع في فترة بعد الفطور لكنه دايما" يحشرني ليش إنتي عملية وتبين كل شي في وقته
أرجع البيت من دوامي وأنام ساعة وعقب الفطور أضطر أواصل وأسهر معاه لين الفجر وأنام ساعة وأنش من وقت ومع هذا أروح الدوام متأخره لأني أتحايل عليه عشان أوعيه لدوامه
وقت دوامي قبل دوامه عسب جذا أظهر من البيت قبله
ولما أرجع البيت ألقاه راقد وما راح الدوام
يا خواتي مب عارفه أتصرف معاه
ما أباه يسهر مدام هو مب قد السهر ونومه ثقيل
وأنا خايفه عليه لو يسوق هالدرب وهو مب نايم غير ساعه ولا ساعتين
وغير هذا ما أرضى حد يتكلم عنه في الدوام ويسوون له مشكله بسبب غيابه المتكرر
عطوني حلول دبلوماسيه معاه
كيف أقدر استخدم إنوثتي ومكر الحريم عشان أقنعه إننا لازم ننظم وقتنا وننام من وقت ونقوم من وقت ونحن مرتاحين
جزاكم الله ألف خير
وتسهرين معاه هو مايسهر على شي منكر الحمدلله هو يبغي يسهر معاج مافيها شي اسهري معاه كل يوم عن يوم بيخف السهر يمكن يبغي يسولف معاج او انه مستانس بالزواج يبغي يغير شوي والسهر يخليه لج احمدي ربج اختي ان طالب يسهر معاج لاتكونين عملية زيادة عن اللزوم باجر يوم بييونله عيال بينسى شي اسمه سهر وبيتغير طبعه كل الرياييل باول زواجهم يسهرون وبعدين مع تقدم الزواج كل شي يتغيير المفروض الوحده في بداية ايام زواجها ماتطرح اي مشكله هيه تفكر صح كيف تحلها بطريقتها انتي توج معرسة فعيب تكونين من اول يوم تطرحين مشكلة بالاساس هيه مب مشكله نحن عرسنا وسهرنا شهور هذه هيه متعة شهر العسل المفروض تستغلين هالوقت وتسويلج من هالحركات العرايس كل يوم تلبسين وتكشخين بشي يديد واستايل يديد الزواج مب كله رقاااد باجر بتحملين وبتييبين عيال حتى النوم مابتعرفينه فاستغلي الوقت واسعدي ريلج بهالايام الحياه مب كلها نوم .. بداية زواجج بداية خاملة وانتي السبب شكلج كسلانة وتعشقين النوم وتفكرين براحة نفسج وااايد حرام اختى انتي محاسبة لازم تفكرين بريلج وتتعوذين من الشيطان ومن الكسل …
يا أختي نحن زواجنا صار بسرعه وخذينا أسبوع اجازة اضطراريه وسافرنا فيه وسهرنا واستمتعنا
وبعدين رجعنا دواماتنا
وليش إنتي متضايقة إذا أنا حريصة على شغل زوجي؟
ترى انا اسهر معاه واسوي له جوي
وأصلي الفجر وأنام ساعه وأقوم وأنا مكابره لأني مب راقده غير ساعتين
مب هذي المشكلة
المشكلة إن زوجي صار له 3 أيام مب مدوام وغايب بدون عذر صحي
على فكرة إنتي شكلج ما قريتي موضوعي عدل
أنا أتكلم في وادي وإنتي في وادي ثاني
وأنا أرد من دوامي أنام ساعة بالكثير وعقب أسوي شغل البيت ساعة واتم يالسه بروحي لين المغرب
وهو ينش عقبها ويبدأ يومه لين الفجر
وانا أجامله واسهر معاه عسب ما يزعل مني
يعني في 24 ساعه بس نايمة ساعتين حتى إني كنت على وشك أسوي حادث الصبح لأني غفيت
وبعدين أنا ما اشتكيت من زوجي وقلت ما أباه
أنا طلبت من المتزوجات الشاطرات يعلموني كيف أستانس مع زوجي وأنظم وقته عسب يصلي ويفطر ويتسحر ويدوام من وقت
ما بتريا لين يفصلونه من دوامه؟
فديتج هذا حرص مني واهتمام مب رقاد وكسل
ردج ما كان فيه ذوق أبدا"
هو مابيغير هالروتين روحه لازم تساعدينه وعشان تساعدينه سوي لكم برنامج ممتع مثلا اليوم الطبخ عليه هو لازم ينش يساعدج في الطبخ
حاولي انج تاخذين اجازه من الدوام يومين مثلا وترتبين يومج وياه مثلا تشغلينه طول الوقت لين الفطور عقب مايفطر يلسي وياه حلو شوي وعقب هو بيتعب بيسير يرقد
يلسي وياه مثلا اساليه شو اطبخ لك اليوم او دوري وياه في النت علي اكلات خفيفه خليه يدخل عالمج وينشغل وياج حمسيه انه يتم وياج ومايرقد
شوفي الشي اللي يحبه وحاولي تسوينه له وقت الظهر عشان مايرقد يترياج
المشاركة الأصلية كتبت بواسطة دموع حائره 
وأنا أرد من دوامي أنام ساعة بالكثير وعقب أسوي شغل البيت ساعة واتم يالسه بروحي لين المغرب
وهو ينش عقبها ويبدأ يومه لين الفجر
وانا أجامله واسهر معاه عسب ما يزعل مني
يعني في 24 ساعه بس نايمة ساعتين حتى إني كنت على وشك أسوي حادث الصبح لأني غفيت
وبعدين أنا ما اشتكيت من زوجي وقلت ما أباه
أنا طلبت من المتزوجات الشاطرات يعلموني كيف أستانس مع زوجي وأنظم وقته عسب يصلي ويفطر ويتسحر ويدوام من وقت
ما بتريا لين يفصلونه من دوامه؟
فديتج هذا حرص مني واهتمام مب رقاد وكسل
ردج ما كان فيه ذوق أبدا"
شكراااا جزاك الله الف خير .. وربي يوفقج
المشاركة الأصلية كتبت بواسطة دموع حائره يا أختي نحن زواجنا صار بسرعه وخذينا أسبوع اجازة اضطراريه وسافرنا فيه وسهرنا واستمتعنا
وبعدين رجعنا دواماتنا
وليش إنتي متضايقة إذا أنا حريصة على شغل زوجي؟
ترى انا اسهر معاه واسوي له جوي
وأصلي الفجر وأنام ساعه وأقوم وأنا مكابره لأني مب راقده غير ساعتين
مب هذي المشكلة
المشكلة إن زوجي صار له 3 أيام مب مدوام وغايب بدون عذر صحي
على فكرة إنتي شكلج ما قريتي موضوعي عدل
أنا أتكلم في وادي وإنتي في وادي ثاني
شكراااا جزاك الله الف خير .. وربي يوفقج