المالجات فقط

السلام عليكم ورحمة الله وبركاته

اشحالكم حريمات وبنوتات

ربي يعطيكم العافية على المواضيع الحلوه الي تطرحونها
والله يفك هم كل مهمومه ويهديلها زوجها ويسعدها بحياتها
والله يرزق كل بنت بالزوج الصالح الي يساعدها في امور ديناها ودنياها

حبيت اسمع افكاركم يالمالجات … وطبعا المعرسات الي مرو بفترة الملجة

كيف نقدر نجذب ازواجنا في هاي الفترة صوبنا؟

شو المفاجات والهداية الي نقدر نهديها لهم؟

اكيد في هاي الفتره ما اترومين اتغيرن من اللوك مالج عشان تتغيرين عقب العرس اكثر مثل صبغ شعر وهاي السوالف بس شو الاشياء البديله؟

ارجو ان الموضوع يفيد كل البنات المالجات والمخطوبات ويمكن بعد الي عرسن

والله يسعدج الجميع ويوفقكن

اهم شي اسلوبج والنظافه يركزون عليها وخير الامور الوسط في تصرفاتج

هلا حبيبتي
حاولي تعرفين شو يحب شو يكره
فاجئيه بباقة ورد أو أي شي يحبه خاصة في المناسبات
فترة الملجة من أحلى الفترات خاصة يوم تتجهزون ترتبون بيتكم وللعرس
اهتمي فيه يوم يزوركم مثلاً ذوقيه طبخج
لا تعتمدين ع البشكاره
حتى قلاص الماي انتي ييبيله اياه
صدقيني راح يستانس ويددلج آخر دلال

موفقه حبيبتي

صح كلامج حبوبه اهم شي الاسلوب بس بعد الرياييل عيونهم زايغه ويحبون الوحده المتعدله والكاشخه

مشكله ما يحب يزورني فالبيت واايد يستحي
ومب عارفه كيف احل هاي المشكلة في خاطري اطبخ له خاصه اني احب الطبخ واكلي لذيذ

اهي اهي اهي

شو الحل؟

اعزميه على غذا او عشا وتفنيني بالطبخ ولاتنسين السويت

طرشيله مسج حلو واكتبي مثلا (تتشرف حرمكم المصون (اسمج) بدعوتكم على العشا في (العنوان) الساعه ( ) بمناسبه ( ًً )
وانتي زدي وغيري من عندج او مكالمه تلفون الي يعيبج
*

بالتوفيق