المهم نحن يعني انا ريلي متفقين ان عياله ايون عندنا في الويكند بس اسبوع هيه واسبوع لا
المهم البنيه الكبيره وعمره 10 سنين تقريبا
دوم تسولف وياي .. وابوها الي هو ريلي يقولي استدرجيها بالكلام شوفيها مرتاحين هناك وله لا
ودوم كلامها انهم مب مرتاااحين وريلي يعرف بس مايقدر ياخذهم لحد مايعدون السن القانوني
انزين والمهم اكثررررررررر انها البارحه قالت اشياء وااايد اهمهاااا انها سمعت امها تكلم ريال فليل وتقولها كلام حب طبعا البنت تعرف تفرق مب صغيرة لما تسمع كلام غير عن الكلام الي ينقال للناس العادين
وتقول مره قريت هالكلام على الماسنجر !!!!!!!!
طبعا انا اهني انربط لسااااني … ماعرفت شو ارد اقووول لو تابعتوا كتابتي بتعرفون شكثر هاي الحرمه سوت مشاكل بس عشان تاخذ بيزات من ريلي ومحاكم وغيره
الحين مشكلتي اقول لريلي بالي عرفته؟؟؟؟؟ وله اسكت ومالي شغل
غاليتي 
أنا بنظري انج وايد تشغلين نفسج في هذي الإنسانـة ..
لو تخلينها بعيدة عن عقلج يكون أفضل لج ولريلج ^_^
هذي أختي جزء لا يتجزأ من ماضي ريلج
بس هذا مب عذر أختي عسب تدورين من وراها وتطلعين الكلام الي مب زين من عيالها
ان يبغون يقولون شي
أبوهم جدامهم خلهم يرمسونه ..
بس انتي أختي خليج بعيدة بارك الله فيج عن هذا الموضوع
أحسن لج ولصحتـج
وعسب ما تتعبين
واستري عليها اذا مؤدية وظيفـة تربيتها عدل
بس أهم شي لا تنسينها من دعائج أختي في ظهر الغيب
واكسبي فيها أجر عسى جعوتج تستجاب ولج بالمثل
خاصـة ان ما عندج اي دليل قاطع عليها أختي
وتخيلي البنت تكون غلطانـة وانتي تخبرين ريلج
يسير يشتكي وتطلع عليه تهمـة قذف المحصنات
وما أكبرها أختي من تهمـة
قال تعالى : ( وَ الَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَ لا تَقْبَلُوا لَهُمْ شَهَادَةً أَبَدًا وَ أُولَئِكَ هُمُ الْفَاسِقُونَ ) [ النور : 4 ] .
ولا تتابعينها أختي على كل بيزة تاخذها
مهما كان هي مطلقـة وانسانـة بالعادة يكون داخلها مكسور
فاقد الشي لا يعطيه
فلا تتوقعين منها الكمال وحسن التعامل ..
وإنما اطلعي من الموضوع ولو حاول ريلج يدخلج في السالفـة
قولي له عيالك على عيني وراسي
وفي عيوني أحطهم
لكن مشاكلكم مع طليقتك هذي مسؤوليتك ..
وريحي عمرج
والسموحـة أختي
أنا متعاطفـة معاج
بس هذا الشي ما بيمنعني أقول الي أشوفه حق
وممكن أكون غلطانـة فسامحيني
شو من التربية اللي بتربي عيالها على قلة الادب
من وهم صغار عيل لو كبرو كيف محد بيقدر عليهم
الياهل يتربى وهو صغير على الادب والافضل مايتربو
عند هالام اللي مسمية عمرها ام على الفاضي
وتعلم عيالها على الحب والخرابيط وهيه قدوتهم
استغفر الله بس الله يشغلها بنفسها
صح انه ريلج ماله دخل فيها بس بنته حرام اضيع وهيه بهالسن
خل يعرف من الحين انه بنته تعيش فبيئة مب زينة وهو يتصرف
لازم اتخبرين ابوها
الله يعينها واحليلها