تولهت ، ع المنتدى ، وعليكم وايد ..
صاار لي فتره ماا دخلت ، مع ان دخوولي للمنتدى كان يومي ، حبيت ابشر الكل ان عرسي الحمدلله تم ع خير من*شهرين و شوي بتاريخ 1-7-2019 تفائلت لانه مصاادف يوم الجمعه والحمدلله .. توفقت فالقاعه ، والفستان و المسكه والتصوير*! ، كنت مستانسه وانا اشوف فرحة امي والله العظيم وربي شااهد مكالمات من الكويت ومن قطر عضوات وناس مانعرفهم ولا يعرفووننا الا م المنتدى يباركوون *كل ساعه وحده من خواتي تيي لامي ترا بتتصل فيج فلانه ترا بتتصل فيج فلانه، وكانت فرحتها كم تسوى و كل الدنيا تتصل فيها وهي مب مصدقه ان اليوم اللي محددينه بدل ذاك اليوم عدى ع خير *، اول كلمه قالتها لي يوم توني اوقف ع الكوشه وكررتها يوم اودعها ويوم زفونا م القاعه للفندق*
"لاتنسين الله "
فديتها مااتعرف اني انا مستحيه من ربي يوم تاجل عرسي المره الاولى مازعلت مثل ما الناس فاهمه لا حشا بس كان فيه شوية انكسار ومب اعتراض لان تخيلي انتي عروس وجااهزه من كل شي وقبل بيومين تسوين عملية الزايده وبينج وبين الموت رحمة الله هاي مب نعمه ؟!
عرسي هذا الكل تكلم فيه بالخير والله استحيت و اعرف ناس للحين محتفظين باقل شي اللي وها كله توفيق، من الله و اكرمني اني مب متوقعه كل هالحضور ، حته يوم شفتهم بغيت اصيح مش من فرح ولاشي من فضل ربي ان يارب سامحني اذا فيوم اعترضت ع تاجيل زواجي قبل لانه ماكنت اعرف انك كاتب لي الخير .. والافضل
يمكن اهلي واهله يصيحون ان مب مصدقين اخيرا تمت حفلتنا ومثل مايتمنون بس انا كنت اصيح حيا من الله
تستحين من ربج *
*يابنات ، خصوصا للي متاجل عرسها ، اصبري واحتسبي الاجر خذي العبره من قصتي ، لان الله سبحانه وتعالى يكون كاتب لج الخير فالاخير ، والعبره فالنهايه ماقولج لتزعلين اكيد الحزن من المشاعر والمشااعر فطره فالانسان بس انتبهي
واحمدي الله ..*
المشهد الثااني :
ها اول ارمضان ايمر علي ، وانا عروس ، قضيناا اول اسبوع منه فالعمره ، قضيناه شكر وحمد ، لان بعد اللي صار معانا خايفين من الله يمكن ماحمدناه بالشكل المطلوب ويمكن فيوم اعترضنا ونحن مب حااسين .. فاعتمرناا*
قبل رحت العمره وايدي في عباة اميه ، صغيره ، هالمره رحت العمره وايد فيد ريلي ، كل ماغمضت اتخيل الموقف واقول الحمدلله
يمكن لين العيد اللي طااف ، يعيدوني مع الصغاريه ، وهالعيد انا كنت لاهيه ويا اليهاال ما نتبهت الا ع صوت امي "سبحان الله العام نعيدج مع الصغاريه واليوم انتي تعيدينهم ضحكت ع نفسي صح كلامها سبحان وعلى طوول حمدت ربي *..
اذكر امي الله يحفظها ودتني المستشفى عسب اشوف حال غيري من الناس يمكن لولاها ما كنت تذكرت احمد ربي ع اللي انا فيه احين
اختي تمت تسولف لي عن نااس اعراسهم متاجله بسبب فقد واحد اما. العروس او المعرس اللي يموت قبل العرس بساعات واللي قبله باياام*
كلما ذكرت الموقف قلت اوووف والله الحمدلله ..
فهمت ان الله كان ماجل فرحتي كانت فرحه وحده وربي يبغيها لي ثلاث ف تاجلت ؟!
وعوضني ب عرس مرتّب مثل ما بغييت ، وعقبه باياام
انقبلت ، والحين اول سنه باكمل دراستي ، وكنت ابا ااجل البيبي لين جدام بس عقب باياام الله راد وبعد قلت الحمد
**هو مسكين*لين الحين ما يدري بأن ياينا بيبي فالدرب مافرّحته بعدني بس واثقه ، ومتاكده و عارفه ان بينصدم .. من كرم الله سبحاانه وتعالى *.. والحمدلله
قد خبرتكم فمدونتي ، ان ناس استانسوا *فيوم تاجيل عرسي ، زعلت صح بس سكت طالعت *السما وقلت على الله ان شالله ، قبل عرسي بيوم او يومين ماذكر بالضبط الا عدال بيتهم خيمه خير !!؟ قالوا عزا الفلانيين الله يرحم ميتهم ويصبرهم .. *
يوم صباحيتي رقم غريب ياني تلفوني يديد ومحد يعرفه غير الاهل وكلهم مسيفه اساميهم*
بندنا الفون لانهم يتصلون باصرار و عقب كمن ساعه فتحته حصلت مسج وحده تبارك لي وتقول اباج ظروري توني ماكملت المسج ونفس الرقم ياني عطيت ريلي و رد يوم سمع صوت حرمه عطااني و اتصييييح م الخاطر حليلها يوم رمستها جان تقولي سامحينا هديتها وجي قتلها شسالفه واسامح ع شوه الخ قالت اذا انتي تدعين علينا سامحينا فهمت انه تبا تتاكد ، ليش يوم فرحتنا هم احزنوا مع انه كان العكس ، وهديتها وطمنتها
.. انا م البدايه مب زعلانه و في حياتي مااشيه ع حكمة كل انساان هو وربه ع خير
، هوه وضميره ،
اذكركم بالصبر ، اللي ماتزوجت ، و اللي كانت بتتزوج وماتم واللي اطلقت و غيره لا تتضيجين خلي ايماانج بالله كبير و عيونج ع بااجر ، وزادج الصبر ..
اختكم فالله ،*
هند ..
*
مرحبا بج هنود منورة البقعة وربي ^^
ربي يسعدج فحياتج ويتمم حملج على خير >> غديتي من أصحاب الكروشات وربي يرزق كل محرومة ^^
والحمدلله رب العالمين ربي عوضج خير
وإن شاء الله قريب نتوالف ف البرزة
دمتي بـود
عالعموم الله يتمم لج فرحتج غناتي ^^ويسعدج دووم ويخليلج ريلج ويحفظكم لبعض
حياج الله امبينا أختي هند ^^
اشتقنا لسوالفج ومغامراتج الحلوة
ومثل ما قلتي الإنسان مرات يشوف الظروف بلاء ,,
لكن رب العباد سبحانه رحيم بنا وما يكتب لنا شي إلا وفيه خير لنا ^_^
يمكن ما نحس فيه الحين لكن مع مرور الوقت نكتشف الخير الي كان يتريانا
أهم شي الإنسان يحمد الله على اي شي ,, وما يعترض لإن الله أحكم منا وهو سبحانه الي يقدر الأمور لنا
الي نتعلم منه والي نفرح به والي نذكر الله به
كلها اختبارات في الحياة وبنظري كلها إيجابية لإننا بالأخير مهما اشتدت أوضاعنا ^^!
نكون تعلمنا دروس في الحياة نخطو فيها خطوات للأمام
في طريق تطوير ذاتنا وتحقيق هدفنا في هذه الحياة الفانية تطلعا للفردوس الأعلى ان شاء الله
مبروك ألف مبروك البيبي صدمتيني ( الصدمـة الحلوة ) 
أحسج توه معرسـة مبارح ماشاء الله الوقت يمر بسرعـة
ربي يثبت حملج ويجعل الذرية الصالحـة من نصيبـج ياربي
ومبروك ألف مبروك فرحت لج كفرحتي لأخواتي ربي يعلم ^^
ماشاء الله تبارك الرحمـــن