انا صرت الخيار الثاني له

السلام عليكم

شحالكم ؟

هذا راابط موضوعي الاول للي ماقراه

https://forum.uaewomen.net/showthread.php?t=994040

حبيت اكمل لكم السالفه

اول شي حبيت اشكر كل اللي وقفوو معاي واقوول للبناات تسلمون

وللي شككو فكلامي اقولهم هذا وااقع ويمكن لو ماصارلي بيصير لاي وحده ثانيه

واقول شكراا للي قالن لي اني اكتب قصه من الخياال وخيالي وااسع << محد جبرج تقرين القصه

طبعا اول ماوصلت بيت اهلي اخوي كان معصب ومنعني من اني اكلم ريلي او اتواصل معاه بااي طريقه حتى انه قال للحارس ما يفتحله الباب ولو يا البيت يدق لخوي عسب يتفاهم معاه طبعا انا كانت حالتي حاله كله اصيح ومنسده نفسي عن الاكل ومابا اكلم حد حتى ولدي ماشفته كله عند الخدامه الين ما كلمني اخوي وهداني والحمدلله قدرت ارجع لطبيعتي .. قبل العيد كان اخوي يحن علي عسب اروح الصالون واتعدل بما انه العيد وامي وابوي ما بييون بس انا وهو بنكون فالبيت وبعد ما تعبت من كثر ما اسكر السالفه وافقت .. بس قلتله اني بخلي الولد يروح بيت ابوه .. طبعا هو تنرفز وسكت بس عقب قال اوك بس انا اللي بوديه .. ووافقت

رحت الصالون وتعدلت للعيد مع اني مالي بارض لشي موول .. وللاسف تحنيت وانا ما احب الحناا مول .. ورجعت البيت ودقيت لعمتي ع ساس بايي اخذ الولد بس قالت انه نايم والحين ظهر ومن هالكلام فقلت بخليه عندها .. المغرب كنت ارتب مع الخدامات البيت كان يوم اليمعه وسمعت الجرس يدق .. فقلت اكيد ان عمتي بس لما فتحت الباب لقيت ريلي موجود .. انا ماكلمته بس اجاوبه ع قد السوال وهو لما شاف صدي حب ينسحب .. بس شكله كان ابد مب طبيعي رجعت ودقيت لعمتي وسالتها عنه بدون ما تحس .. بعدين كلمت حميتي وخبرتها بالحلم مره ثانيه وهي راحت خبرت عمتي وقروو ان ثاني يوم العيد يرمسون مطوع ايي يقرا عليه

مر اول يوم العيد وولدي شوي عندي وشوي فبيت اهل ريلي كان متملل لدرجه حتى مارضى ينام .. كان يباني اروح انومه فغرفتنا فبيت اهل ريلي بس انا مارضيت وقعدت اهديه لين ما نام .. ثاني يوم العيد ياا ريلي وسلم علي طبعا اخوي قالي بس تسلمين وترجعين داخل انا شوي يلست مادري حسيت ريلي يبا يقول شي بس وجود اخوي بينا ما قدر يفتح حلجه .. بعدين طلعت من عندهم .. العصر عمتي دقتلي وقالت المطوع ياي العصر وبيرقيه بس هم ماقالوله قالو ياي ضيف للبيت .. طبعا انا ماعرف شو صار بالضبط .. بس قبل لا ياذن المغرب عمي دق لخوي وقاله ايي ضروري .. وانا كل ما ادق لحد محد يرد علي ,

الساعه 11 ونص اخوي رد من عندهم وفويهه علامات ذهول .. يقولي فحياتي ماشفت مثل هالمنظر وانا بصراحه خفت وقعدت اصيح عسب يخبرني .. قالي انا ماعرف شو فيه بالضبط بس يا مسحور يا مستلبس لان المطوع بس كلم ابوه وطلعو برع ,, بس قال فترت علاجه بطول لان شكله وهو يصارخ ويكسر مب طبيعي ,, ومنعني اردله قبل لا يتشافى لانه خايف يسويلي شي .. وقالي ان عمتي اغمى عليها ماقدرت تتحمل المنظر والصريخ .. قعدت اقنع اخوي باني اردله بس فالبدايه رفض ,, خليته واليوم الثاني كلمت امي وابوي وقلتلهم يقنعونه لانه وايد عصبي وما بيرد علي .. والحمدلله اقتنع اخوي بس قال بييبه وبسمعه كلمتين بعدين روحي معاه .. وبعد صلاه العشا ياا عمي وريلي واخوي كلمهم وعقب طلعت ويا ريلي ورحنا بيتنا .. ومع الحاح عمتي طلعني اتعشى برع وخلت ولدي عندها ومن اول ما طلعت من بيت اهلي لين ما وصلت المطعم مافتح حلجه بكلمه .. وبعد طول انتظار قالي شحالج!؟ كان ودي ارد بلهفه واقوله مشتاقه بس مسكت عمري وسويت عمري مب مهتمه وقلتله بخير ..

هو سكت وقعد يقرا قائمه الطعام بصوت عالي وبلهجه اضحك وانا قعدت اضحك من الخاطر عقب طلبنا وتعشينا وطلعنا ورد الصمت القاتل للجو .. شفته يمشي بطريج مب طريج بيتنا سالته وين بنروح قالي الحين بخبرج .. وصلنا لبقعه فيها عراقيب وقالي انزلي .. بصراحه انا خفت بس قلت بشوف شو بيسوي .. قعدت معاه فالبدايه كان ساكت بس عقب بدى يتكلم .. قعد يقولي اني زينه ومامثلي حد ومن هالرمسه .. انا تنرفزت وقلتله عيل ليش عرست علي ؟! .. تم ساكت وانا قمت من مكاني بس مسكني وقالي قعدي بقولج كل شي .. قال انه مابغى يعرس علي بس هي ترجته يتزوجها لانها غلطت وتبا حد يستر عليها .. وكان لازم يتزوجها .. قلتله يا سلام ومالقت غيرك بين البشر .. حلفلي انه ما يحبها ولا يطيقها وحتى ما دخل عليها بس هي فتره وبيطلقها انا ما اقتنعت بكلامه وقعدت اصيح سالني ليش اصيح قلتله عرست وخذيت وحده شوهت سمعتي فيوم ,. قالي انه ما كان يبا يخبرني بس كان بيسوي عرس صغير للاهلها وبعد كم شهر بيطلقها باي سبب ..

كان عندي كلام وايد ودي اقوله بس قعدت اصيح ما اقتنعت بحججه وكلامه حسيته صادق وجاذب فنفس الوقت .. قرب مني وكان بيحضني بس بعدت عنده خفت يشوف ضعفي ويستقوى علي .. رجعنا البيت قريب ال1 .. وقعدت عالسرير ماكان ودي اشوفه حتى .. قلتله ليش سويتلها عرس كبير؟ قال مادري .. قلتله ليش تسمع كلامها ؟؟ قال مادري .. قلتله متى عيل بتدري ؟ تم ساكت عقب قلت احسن انام .. كنت لابسه بجامه ورديه برمودا فالبدايه شفت نظراته اعجااب وحب .. بمجرد ما قعدت عالسرير انجلب حاله قام معصب ويسب ويشتم ويقولي اني انا احب اخوه وما احبه ومن هالكلام وتخيلو طلع من الغرفه وصوته ملا البيت من انواع الشتايم وراح عند اخوه وتم يضربه ضرب بعدين اخوانه ادخلو وفججوهم والله كنت ميته من الرعب والحمدلله هدا شوي بس انا رحت وشغلت اذاعه القران فالراديو ماشفته الا صرخ وشل الراديو وكسره والله مت من الرعب حتى اني ما نمت الليل كله

عدن يومين فيهن الزين والشين مرات احسه متندم ومرات لا .. والمطوع ما يقصر ايي يقرى عليه .. سالت عمي كم مره ريلي شفيه قالي مافيه شي بس صاكتنه عين .. بس اللي يصيرله مب بس عين شي اكبر من هذا .. طبعا حرمته المصون ردت من بيت اهلها ومن دخلت من باب البيت نساني ع طول راح عندها وماشفته الا اليوم الثاني وهو مودنها السوق كنت فقمه غيضي يعني حتى ما افتكر فولده عالاقل يسال لو محتاج شي .. هديت عمري واستغفرت ..ويلست ويا عمتي ومن كلامها قالت انهم بييبون مطوع الفليل غير المطوع الاولي لانه متعود يرقي ع الناس ومعروف للكل .. الفليل يا المطوع ويلس ريلي اول ما دش من الباب كان بيشرد بس اخوانه مسكوه والمطوع يرقيه صراحه ما تحملت الصوت شليت ولدي ورحت بيت اهلي ورجعت بعد ماراح المطوع والحمدلله ريلي رد طبيعي مثل قبل واستسمح لي جدام اهله وراح صلى ركعتين وقرا قران ونام معاي فالغرفه

طول الليل كانت تييني كوابيس وقمت من النوم وع طول كنت ارجع كان ريلي يبا يوديني المستشفى بس انا مارضيت .. بس اللي استغربته اني اصرخ فويهه واعلي صوتي عليه وانفر منه بشكل مب طبيعي .. الصبح رحت مع عمتي المستشفى وسويت تحليل وطلعت حامل .. والله كنت فرحانه من كل قلبي وحضرت مفاجاه عسب ابشر ريلي .. رجعت البيت ولقيت ريلي وحرمته يالسين فالصاله ماعرف شو صارلي تميت اصارخ عليه واقوله انت مب ريال ومن هالكلام .. طبعا هو تم ساكت لما دخلنا الغرفه حسيت الدنيا مجلوبه قعدت اقول كلام مب فاهمتنه وانتقده بطريقه مب حلوه لين ما احتد النقاش واضاربنا وطلع من البيت .. رحت لعمتي وقلتلها والله مب قصدي بس ماعرف شو يصير لي
قالت يمكن من الحمل .. رجع ريلي المغرب ورديت سويت نفس الحركه .. وطلع من الغرفه وراح لحرمته الثانيه

بنكمل اسبوع ع هالوضع والله ماعرف شو فيني كل يوم ارقى نفسي وولدي بس ماعرف من اشوف ريلي تييني حاله بس اصارخ عليه واطلع عيوبه واعصب ع اتفهه الاسباب .. تخيلو لين الحين ماقلتله اني حامل واخاف اقول لعمتي تقوله ويزعل ..