يا واحد تقدملي ! حابين تسمعون سالفتي ؟

بقلكم قصتي بس اباااكم تسمعونها للاخير دخيييلكم بلااااااااا تجريح والي حابه تستهزء تحتفظ الرد لنفسها بليييز ..

ابتدي ..

بيوم .. دخلت عليه امايه ومبين انها مستانسه سألتني .. : عندج صورة شخصيه ..؟

قتلها لا ليش ؟ قالتلي في ناس يبون يتقدمولج ..) وجان اتراويني صورته ..عجبني شكله

قالتلي الولد شخصيته حلوه راعي سوالف ووااااايد طيب وملتزم محافظ ع صلاواته وهو يشتغل بمكان حكومي وراتبه 18 الف وانا سألت عنه حتى سرت عند ناس كتبنا اسمه في السستم طلع ان ماعنده شي ..بالاخير قالتلي: زهبي عمرج باجر لنهم بيجوفونج اهووا بيي وامه وخواته ..

وانا ماكنت مستعده لشي توكلت ع لله .. ويااا هاليوم .. تزهبت ونزلت تميت خمس دقايق
وصعدت ع غرفتي .. وكنت اسمعه يقووول : عموووه دخيلج ردي عليه الحينه انا حسيت ان امه طيبه وخواته ع نياتهم وبس ماحسيت شي ثاني .. نزلت امي وقالتلهم بنخبر ابوها وبنرد عليكم خبر ..

يا اليوم الثاني الي فاتحت ابويه بالموضوع وقالي بسأل عنه لكني بتااخر ..
المهم خبرت امي .. وامي كلمت اهله وكلمت الولد نفسه بالتلفون .. لكن تضاايقوو كانو يبغون يملجون عليه خلال اسبوووووووووووع .!!!!! بس على فكره حتى انا بغيت كل شي يتم بسرعهوكان يتصل في امي .. ويطلب منها ان يسمع صوتي .! انا استغربت .. امي عداالي تقوولي الولد يبا يسلم عليج .! قلت اماايه استحي .. قالتلي : كلميييه ولو دقيقه ..
رمسته سلم عليه بس حسيته وايد يعيد ويكرر كلامه يعني مثلا كان يقول ابا وحده متحجبه ومحترمه وماتسوي سالفه حق الموظفين .. ( بس هويعرف اني متحجبه ومالي خص بحد ويعرف اني خجوله ) المهم ومن هالكلام .. وحسيته بعد يلمحلي ان هو ملتزم يبا وحده ملتزمه ..
لما سكرت .. اهواا اتصل في امي وقال عطيني بنتج .. @_@ كلمته عاادي واليوم الثاني نفس الشي .. وانا كنت متضايقه من هالشي وخبرت امي وامي قالتلي كلميييه على ساس تعرفين كيف طبعه واذا هو مناسب لج شو بتخسرين .. !
المهم امايه كانت تعطيني تلفونها وهو عالخط ولما رصيده يخلص يقول لي اتصليبي .. وحسيت ان يتم ع الخط دقايق ويقول لي رصيدي خلص ..
تمينا ع هالحال ارمسه بتلفون امي 3 ايام .. وبعدين ……كنت راده من الدوام سويت حادث بسييييط الحمدالله ماتأذيت .. بس الصبغ من ورا اخترب

دق علا امي ورمسني وقالي ماتجوفين شررر ومن هالرمسه بس كان مصر اني ايلس ومارقد سالته ليش قالي مسولج سبرايز المهم انتظررررررت وانتظرت ووصلت امايه دقت عليه الباب اشوفها ماسكه باقه ورد .. المهم عقبها رقدت ..
واليوم الثاني اهوا يا الدوام ويا امي عساس ياخذون مفتاح سيارتي وهو ودا سيارتي الوكاله وحاول وياهم يصلحونها بسرعه ..وقالوله يوم الاثنين ووافق ..
وعفكره لما يا الدوام لاحظ علي 4 اشيااا

*عطااني محاظره طويله عريضه عن اللباان اونة ليش تعلجين لبان فالدوام احترمي مسولج ولاتعلجين لبان الا في البيت حتى باجر لاظهرنا مول مابيج تعلجين عيب

*ليش لابسه نظاره كبيره ..قرقرقرقر
*ليش لابسه عباه ضيجه .. قتله بالعكس هاي وسيعه وااايد وربيعاتي مفصلات نفسها ..وامايه قالتله هالعباه جنها خييمه ولايخصه .. المهم ماقتنع برمستنا وهزبني هزااب ..وجان تعرفون اي عباه تراه وايد بنات يفصلون نفسه عباه استريتج وسيعه في حزام من داخل ومربعات برع صوب بطنج ..الحين هاي ضيجه!!
*وقال ليش لابسه كعب الكعب يبرز المفاتن لبسي مسطح ومحااظره طويييله ..ماشي عقبها سار الوكاله جان يشل رقم مبايلي من الوكاااله ! وتم يدقلي ويدااام امي .. ويقلها بس اليوم واوعدج مادقلها لين ما املج عليها ..
واجوفه يدقلي كللللللل يوم .. تخيييلووو دقلي وكان يسولف وقالي ابي بن كودج قتله شوو؟ قالي ليش خايفه جيه في شي ..؟ قتله ولاشي .. قالي تصبحين ع خير .. قتله وانت من اهله .. وفريت التلفون جان يقولي : انا ما ابيج ..
انا جن جنوووني ..حسيت الحياه وقفت وكنت اقول ياربي ليش انا نحيسه ..

عقب دقيقه اجوفه متصلبي ويعتذرلي وقالي ماكنت اعرف شو اقوول وتم يقردن ووهااا ورضيت بس مانسيت السالفه ابدااا وانا ماحسيت اني احبه بس ابي احس بثقه بنفسي ..
ومره قالي اباج تستخدمين رقم واحد لان عندي كذا رقم بس كل اهلي يعرفون ..وقالي طلعي رقم جديد .. وطلعت رقم جديد وسداسي منقع وفريت كل ارقامي عند امايه
واجوف اليوم الثاني .. اتصلبي من رقمه ال2 بس مارديت .. ورد اتصلبي من رقمه الاولاني .. قتله اسمع وصلي رقم غريب ..قالي عطيني قلت اوك بطرشلك بمسج ..

عقب تميييت افكرررر ليش ماتصل بهالرقم الثاني لاني شاكه فيه .. شو سوويت انا قبل لاعطيه الرقم .. اتصلت من مبايل وحده .. اجوفه هووو نفس النغمه ومحول رقمه .. جان اضحك ولماضحكت اجوفه توه رد ع المكالمه المهم عطيتها فونها .. وتم يتصل عفونها وجذه
واتصلبي قتله ها مقلب لااا ..! قالي ليييييييش تردين ع ارقام غريبه ولافوق كل هذا تضحكييين!

قلت انا الحين اضحك؟ انا اضحك علييييك وع حركاااتك لنك شكاك ..
قالي لااااا ماكان عندي رصيد من جذا متصلبج من رقمي الثاني قلت موسالفه الرصيد ..

سالفه انك تستهبل واناتوني طلعت رقم يديد وشاك فيه وفوق هذا كله عطيتك نص الرقم وبس قمت تستهبل تختبرني اونك .. المهم رفع صوته وهزبني هزااااااااااااب ..وخبر امايه عليه .. وانا عقبها فهمت امي بالموضوع حتى لدرجه انها صاحت ..انصدمت بهالشخص وايد .. المهم تفاهموو وجذا ..
وكان يرمسني عاادي ..وقتله جوف اذا تحسب اني غلطانه ف انا اسفه انت فضحت نفسك بنفسك .. وهو كالعاده يقلي لاخلاص ماحصل شي ويغير السالفه ..
(ركزوا ع هاي السالفه عدل )

يا يوم الاثنين .. سار الوكاله .. قالوله البنيه عمرها تحت الـ عشرين .. ف تكليف تصليح السياره ع 450 ..وهووو اتصل في امايه قالها : خالووه تصليح سيارة بنتج ع 450 وانا اسف ناسي بوكي فسيارتي لاني ياي بسيارة اخوي .. امي قالتله اوكي ادفع بنردلك ..سار دفع 450 .. المهم المغرب امي جافته وعطته 500 وشل عنها الـ 500 .. وامي لما ردت البيت تمت تضحك عليه تقول فتره الخطوبة وهو جذا باجر لاتزوجج شو بيسوي فيج ..وانا استغربت .. ( ادري اني مو ع ذمته ومايصير يصرف عليه بس لوفشلني جااان ارتحت ووثقت فيه بانه هوو راح يستر عليه ويلبي كل احتياجاتي واذا بفتره الخطوبة الي هي احلا فترة لازم يدلعني .. اشوفه يشل 500 درهم من عند امي )
عقبها بساعه اتصلبي قالي جووفي شومسوي بسيااارتج وبتستانسين واااااااااااااايد ..

لما جابلي السياره .. قالي نزلي بجوفج قلت لا مابغي روح وعقب بجوف شومسوي بسيارتيالمهم تم ع الخط عساس يجووف كيف استانس .. فتحت السياره اجوف حاط قطعه بيضه الي بـ 10 دراهم حق الكرسيين الي يداام .. ومسباح وميداليه بسييييييييييييطه .. تميت ساكته قالي شرايج .. قتله ثانكس ..@_____@ وانا مصدووومه ..
وامي يايه تضحك .

ومره قالي : انا وامج اتفقنا ع مهرج وكل شي ب 50 الف مع المؤخر حق الزهبه والشبكه مع المؤخر…! المبلغ وااايد اووكيانا سكت مابينت له انه المبلغ شوي او وايد .. وقالي مثل ماقتلج وقلت لامج انج بتسكنين فبيت اهلي ( مع ان 6 من اخوانه متزوجين وعندهم عيال وساكنين بنفس البيت و3 خوات .! )وان شاءالله عقب بقدم طلب ع بيوت محمد بن راشد للاسكان ..!!!!!!!
ومره قالي ابوج وافق عليه قتله متى كلمته وكيف .. قالي سمعي عندي شرط ..! قلت شووه .! قالي ودري دوامج .. قلت وسيارتي علي قرض فوق 100 الف .. قالي بيعيها ..!!!
قتله مايستوي قالي اها يعني بتودريني عسب شغل .. ماشي جان اخبر امي عن السالفه وقالتله اتصل فيني ضروري .. وهومتحرقص مايعرف شو يقول جان يقولي انا اختبرج ليش تخبرين امج جان يتصل فماما قالها لاكنت اسولها مقلب امزح ..!
مع ان امي قالتلي انه هوصج كان ناوي يخليج تهدين دوامج وسيارتج تبيعينها .!
شنو هذا من البدايه قالي عاادي داومي .. ويباني اتم فبيتهم وبيتهم بيت شعبي وقديييم صغير ..)
حتى مره نصحني اتغشى او اتنقب .. وكل يوم يقلي الجحال حرام مع ان ولامره جافني بجحال ..

.المهم عسبة سالفه النت قالي لاتفتحين النت بالبلاك بيري ولاتستخدمين اللابتوب ..!قتله انا ضايفه ربيعاتي ومديره شغلي ..! قالي اسمعي كلامي ابعدي عن الشر وغنيله ..لمهم قطعت النت .. وقالي انا بعد تراني قطعت النت لأني احب الطرفين يسووون هالشي ..بعد يومين رديت الخدمه اجوف فااااااااتح الانترنت ويطرش برودكستاااات ..الخ

جان يتصلبي ويهزبني قتله مابسكررر النت اصلااا روحك قصيت علي وقلت مسكرنه

قاالي لاااااااا عشان اختبرج .!!!!!!!!!!!!!!!!!!!!!!!!!!!!!!!!!!وقالي خلاااص ناويه تنهين كل شي امبينا عسبة النت .؟قتله ماقلت جذه ..

تم يعصب ويصرخ وانا ساكته .!!!
المهم سكرت .. وامي كلمته قالتله اسمع ابوها طالب مهرها مية الف وتسكنون بشقه اللين ماتاخذ البيت .. بعد شوي اجوف مسج علبيبي مسن كاتب جووووووووووفي ابوج طاااااااااااالب المسسسسسسسسسسسسستحيل ميه الف مهرج .! ونسكن بالشقه قتله مافي شي مستحيل .. قالي اجوفج مغيره كلامج قتله انامابوقف ضد ابوويه .. قالي زين ان ابوج تأخر بالرد عساس اجوفج عحقيقتج وهذي خيره لي .. قتله اوكي وخيره لي جان يضحك ..وعقب رقعته دليت واقنوور .. بعدها تم يتصل ويطرش مسجات باليوم كان يوصلي 15 اتصال و6 مسجات وانا ما ارد
وكان يتصل في امي ويصيييح . وامي اتيلي وتضحك تقوول جوفي ها يالس يصيح نفس الحريم عورلي قلبي .. وكان يترجاااني ولما امه سمعت بالسالفه طاحت بالمستشفى ارتفع عندها الضغط قال ان وصل 185وهي فيها السكري المسكينه…….

وحتى يا بيتنا ذل نفسه ويحاول يتقرب صووبي وكان قليل احترام وذوق حاول كذا مره يلمسني ويقولي هاتي ايدج وكله يتطالع بويهي قرفني قرررررررررررررفني ابدا ماسوا سالفه لأمي

وبس

ولين يومكم هذا يطرشلي مسجات ويتصلبي باليوم اكثر من 10 مرات ..

وع فكره المسج الي ياخذ صفحتين يطرشلي وسايط عساس مايخسر كم فلس وابدا مايعبيله رصيد كله يطرش صاحب الرقم وحتى حق امي يطرشلها صاحب الرقم !_!

اخر ملاحظه .. كان متزوج وهو عمره 18 سنة وحرمته طلبت الخلع .. وسمعنا انها كانت تاخذ حبوب ومره شربت ديتول عشان تنتحر .. والحمدالله انها طلبت الخلع وافتكت منه .. ولما امي قالتله : يقولون ان طليقتك شربت ديتوول .! رد عليها وقالها : هيه لأنها كانت تغار عليه لما اطلع ويا اخوي .!!

اممم الولد شكله وايد ملتزم و هذا الشي زين في هالزمن مول ما تلاقين الغيرة مال اول لكن اخاف يكون من النوع اللي يحب يسيطر على كل شي احسن شي قارني حسناته و سيئاته واستخيري وان شاء الله ربنا يكتبلج الصالح

امبيه شنو هذا ..

ف الاخيير خيره لج انج تتركينه والله بيعووضج بلي اخير واحسن منه
^^

ونتي مب ف حااجة انسان مثله .. والله يخليج لج اهلج ويبارك فيهم

الله يكون في عونج ختيه لا تتسرعين وصلي صلاة الأستخاره

اذا هذا اولها ينعاف تاليها

!!!

كيف اقارن خيتيه ,, شكلج مب قاريه الموضوع كامل اتمنى تقرين كامل عقب تحكمين حبوبة مشكورة

سمعي عاااد هو روحه مصلي الاستخاره مرتين عقولته مرتاح اخر رااحه ,, الحينه حسيت شو ضرووورة صلاه الاستخااره اللهم لك الحمد ..
انا ماتسرعت لأني قبل كنت مخطوبه من شخص ورفضت فووووووق 10 اشخاص عشانه
الحينه لما هديته قلت بوافق ع اول واحد يتقدملي .. ووافقت وجوفي شو استواابي
الحمدالله ان الله نجاااني منه