ومثل ماتعرفون انا صارلي زمان ماسرت لهم البارحه اتصلو بي وسرت لهم وشليت معاي باتشي
طبعن اعرفهم يحبون هالنوعيه من الحلويات
بس الحين قبل لا اكتب الي صار انا متوقعة البنات ومتاكده مليون بالميه انهن بيعقن كلام
جارح كالعادة
المهم ماعليه من العقول الغشيمه
شوفو بنات انا سرت لهم وفرحانه وايد انهم اتصلو بي عقب هالمده
تقريب السنه
بس ماتوقعت يكون يلستهم كلها تجريح وكلام مامنه فايده
وريلي قالي وانا سايرة لهم ماتتكلمين اي شي عسب ماعطي فرصه لحد يقولي شي يظايقني قلت له اوكيه
المهم دخلت وسلمت عليهم كلهم وحبيت يد عميه وعمتيه
ويلست سالوني عن احوالي واحوال هلي وبس ولا يابو اي شي عن سبب اني مازورهم ولا انا طبعن
كل يسولفون وانا ابتسم وان يابو طاري العيال اسوي نفسي ماسمعت
وقامت وحده منهن سالتني قالت لي ان ريلي الي هو اخوهم عرس عليا بترضين قلت لهم لا طبعن
مارضى وقالن ليش ماترضين والله وقت الي يبي يعرس بيعرس قلت لهم انا عن نفسي مارضى
قلت لهن اذا انتن ترضن زوجن ازواجكن بس ريلي ماباه يعرس عليا
وردت قالت بس نحن نبى عيال هني قهرررررررررررررررررررررررررررررتني وحرقت دمي
قلت لها والله يوم ربي بيرزقني بيرزقني ويوم ربي مايبى يرزقني مابيرزقني وانا وريلي متفقين ع ذا الشي وقالي ان ربنا ماكتب لنا العيال مابيتزوج عليا
يعني هم متقصدين انهم يعزموني عسب يقولون بس هالرمسه
وانا راده البيت مع ريلي كنت اصيح سالني شو بلاج من ظايقج خبرته السالفه
قالي وليش مارديتي برد قوي قلت له انته قايلي لا ارمس بشي ينرد ع راسي
قلت له ماقول غير حسبياالله عليهم وجعل الي يجرحني بحرف ينرد له الف جرح
والحين قلت لريلي ماعاد اسير بيت اهلك لان واثقه اني بسمع منهم تجريح بسير برمضان
وبالمناسبات بس
يالله اتحفوني بردودكن الي بتقهرني بعد
انا قاطعه عن الناس وماشيه بحالي واقول يارب الستر والناس مب تا ركتني بحالي
واخر شي اسمع بعض البنات يقولون انا حقوده وانا راعيه مشاكل وانا ربي مب موفقني وربي مارزقني عيال ليش كل هذا
تدرون احيانا الناس تيه بيتي تقولي بلاج مانشوفج ابدن مانعرفج حيه ولا ميته
حتى اهل ريلي مايعرفون شي ويوم كانو يسالو يراني عني يقولولهم مانعرف شي عنها مانشوفها
وين حقدي بذا الشي انا كافه شر الناس عني
انا ياناس بحاااااااااااااااااااااااااااااااااااااااااااااااا ااااااااااااااااااااااااااالي
وحده خذت رقمي بتعزمني عندها تقولي تبى طلعني من الي انا به يعني تباني اخالط الناس بس انا مابي
قالت لي اتوقعت يكون ردج هالرد لان يقولون انج ماتطلعين ولا تحبين تزورين حد
ياخواتي انا الي صابني قبل من الناس خلني ابعد عنهم انا مالي غير هالاب اكتب الي اباه واطلع الي بخاطري
جي احسن لي لان الناس ماترحم ابدن
مرحبا عزيزتي ..
فعلا صدجتي الناس فهالزمن طبعا البعض هب الكل كلامهم أستغفر الله ما يخافون ربهم
لا حول ولا قوة إلا باالله عزموج عندهم عشان جي !! ومايعرفون إن الذرية من عند الرب جل شأنه
وهو إلا يرزق الإنسان ..عزيزتي لا تهمي وتضايجي عمرج وليش تتضايجين وإنتي عندج رب العالمين
إلي بيكفيج شرهم إن شاءالله ..
عزيزتي الواحد لما يعصب يدعي على إلي ضايجه ..فإستغفري ربج ..وخليها على ربج .. ترا الدنيا دوّارة ..
وبالتوووووفيق عزيزتي وما عليج من الناس لإنهم لا بضروج ولا بينفعوج ..
ماعليه اختي سوي طاف ولا تهتمين ل هالامور دامج انتي وريلج متفقين محد له حق يدخل
وهم يبون يحرونج ب هالرمسه بس ماعليج منهن
بس بعد مب كل الناس نفس الطينه يعني غيري جو مع صديقه او اخت او حد حرام تقعدين كله بروحج
الله يرزقج بالذريه الصاالحه
ان لا الي مرتاحة ويه ريلها و عندها درزن عيال تسلم من الناس
ولا الي عند ريلها ومرتاحة وعندها عيال تسلم من كلام الناس في كل الاحوال الناس تحش في بعض ويتسلون بالقيل و القال و الفعل … انتي خذها من آآآآخرها دام مرتاحة ويه ريلج .. كسبي الناس بودج سواء اهل ريلج او غيرهم حتى لو خوات ريلج قالن مواضيع مالها داعي طنشششششششششي
كانج ما سمعتي وخذيها نصيحة مني عقب يوم بيشوفونج ملوحة رقم (1)
بيقولون هذه ما ياثر فيها الكلام .. وبيطبونج .. وربي يرزقج الخير كلهبس بعد مب زين اتمين بروووحج علي الاقل تروووحين بيت اهلج