هاي القصه للي ما قراها
وهذا تعقيبي وهو قصتي مع خدامتي الفلبينيه للافاده..
للأسف اغلب الحريم يدخلونهم بيوتهم ويأمنون عليهم ويكونون واثقات بجمالهن وانهن مو مقصرات وانا كنت وحده منهم اللي عندي كان عمرها 55 وشكلها ريال وانا الحمد لله جمال وعمري 23 فكنت واثقه انها مستحيل تفكر بزوجي ومع اني الحمد لله ابد مو مقصره وياه وانا اللي اطبخ له الاكل وااكله انا اللي ايب الملابس ملابسنا الداخليه ما تلمسهم وبغرفتنا مو في غرفه الدريسنج والف حمد وشكر لك يا رب انا ريلي يخاف ربه فيني ويحبني بس كانت تستغل فرصه اني اداوم وتسويله حركات لعن خيرها كم مره وخبرني اول ما قامت تسويله حركات بس استبعدت الموضوع قلتله انت مكبر السالفه لانك ما تحب اللبس الماصخ ليما ردينا البيت مره وشفتها طالعه حقنا بقميص النوم وما بغيت اتكلم نغزت ريلي يكلمها وهزأها عشان ما تقول غيرانه منها ويوم ما رامت علينا قامت تسرق صورنا واغراضنا وتسوي لنا اسحار شفتهم بعيوني والله العظيم وما اكتفت بهالشي لااا اول ما وصلت بلادها اتصلت في اهل زوجي وقالت لهم انا حامل من ولدكم بس لا تقولون حق مرته حليلها حامل خخخخخ على اساس مهتمه فيني يا حرااام وكانت تسوي العجب عشان اعق اللي في بطني مره تخلي الارضيات مبلوله ماي وتزيغ قطوتي عشان تنقز علي واعق روايح ما اعرف من وين تطلع في بيتي ما تغسل الحمامات الا بكلوركس ومواد ريحتها تذبح وتسكر الباب عشان اول ما ادخل البيت اشم الريحه بس ريلي الله يحفظه كان وراها هي تسكر وهو يفتح ليما شردت ويوم زخوها الشرطه من حقدها قالت انه ريلي واخوانه وشباب العايله كلهم يغتصبونها بالتناوب شووفوو الحقد اللي فيهم وتحذرو يا حريم خافو ربكم في ازواجكم وعيالكم لا تعطون فرصه حق هالاشكال يخربون حياتكم انا عقب اللي صار لي من هالساحره خذت درس ما بنساه طوول العمر وكنت ايلس واقول لو خليتها مره تدخل وتعطيه لبسه وهو شبه عاري جان بتحصل فرصه لو قصرت معاه فالجنس جان ممكن يرضخ لرغباتها بعيد عن العمر والجمال لانه الريايل للاسف عند هالنقطه ويستوون عميان خاصه اذا الحرمه مقصره كنت اقول لو خليتها هيه اللي تطبخ اكلنا كان ممكن تحط لي اي شي في الاكل و افقد جنيني والا سحر مأكول ما يفج لو ما كنت احصن زوجي ونفسي وبيتي يوميا كان ممكن اسحارها تضرنا راجعت نفسي فتره الحمل مثل الحرمه اللي فالقصه لو ما رحت بيت اهل زوجي وعشت وياهم فتره حملي كانت بتحصل فرصه وقت الوحام والتعب ونومه المستشفيات لانها بتكون روحها وياه فالشقه لو ما سكنت عندهم ووقت عصبيتي ونفسيتي التعبانه كان يقعد وياه اخوانه يرفهه عن نفسه وانا اكون ويا امي ام ريلي الله يحفظها وخواته كانت بتحصل فرصه تدلعه وتهتم فيه وتراضيه لو ما كنت استودع زوجي وبيتي واهلي ومالي رب العالمين كل يوم قبل لا اطلع و قبل لا ارقد كانت بتحصل فرصه تضره باي شي لانه ما عبرها او اقل شي بتسرق اغراضي وتشرد مع انها حراميه بس ما خذت من الاغراض الغاليه شي كان ممكن تحرق البيت وتروح ومن حقدها اتوقع اي شي تفاصيل صغيره الاغلب غافل عنها بس سببت دمار بيوت وخرابها وضياع عايله بكبرها حبيت اطرح قصتي بس للـتاكيد انه قصه السندريلا مو من وحي الخيال او شي نادر لااا الاغلب من الخدامات جيه…
الله يحمينا من شرهم يا رب
الله يكفينا شرهن يااارب ويبعدنا عنهن,,
الشغالات مالهم امان ابد
والله يعينك ., مو سهل
نسأل الله ان يجنبننا جميعاُ شرورهم