بحياتي مافكرت اكتب مشكلتي علنت بس هالمره واصله حدي منه
من صبحت وانا مضاايجه خرب مزااجي
هذا الله يسلمكم ريلي العام سار دورة 4شهووور هالسنه يبى يسير دوره لبنان العام استحلت تربيته بنتي بروحي وكنت حاامل وصبرت وسكت وكله اصيح
ولحين يدق علي يقولي هو مايقول هو يقص علي اونه انا سجلت من فتره بدوره لحين مابينزلوني لازم واسطه ورايد يبيني اسير انا مب مقصه هالكثر من كمن سبوع قالي لاللا مابسير خلاااص
ياخي اذا جي مايحتاي تيب عيال وانا اتحمل كل المسؤوليه خلاص عالد وياليت يفهم لا كل همه لا بسير ويا ربعي فلان فلان فلان كلهم سااايسرين
خمس شهور
لعاام قالي شههرين طلعو 4 شهوور لحين ااظني 6 شهووور يعني من شهر 5 لين شهر 10
وين انا استحمل مسؤووليتهم لحين خمس شهووور مااايفهم بس همه الروحه ويا ربع ولايقولي هناك ماشي شغل اكثر شي قعده ربع
بنتي السنه روووضه يعني انا الي ارووح وزهب لهاا تحمل هالعذاااب كله
والله ماذري شخبص وشقووول الي قاهرني زوووذ من خذته من 5 سنواات اجاازه سنويه مايااخذ حده اسبووع بس
وخواني كل فترره اجااازاات وهالعله كله ماابى ومااابى استغفر الله العلي العظيم.
لحين الي ابى اعرفه منو عنده لحق انا وله هوو
الله يعينج
مشكلة عندج نونو لو بقولج سيري ويااه
غاليتي 
استهدي بالله ولا تكبرين الموضوع ..
ريلج ما بيغيب عليج سنـة وأكثر.. غير انه ساير يدرس ويتعلم مب شي ثاني ^^ !
بنظري أختي والسموحة منج وايد تحسستي من الموضوع
المسؤوليـة مب لهالدرجـة صعبـة عندج بنوتـة وحدة ,,
وفي هذا السن أختي الطفلـة تحتاج رعاية أمها أكثر من ابوها
وانتي لازم تكونين انسانـة قوية وتتحملين المسؤولية
لإن الزواج أكثر أعمدة ثباته هي الصبر أختي
احتساب الأجر وتحمل المسؤوليـة
برايي أختي تشدين حيلج شوية ,,
وتشجعين ريلج على التعلم وانتي بعد في غيابه اهتمي بنسفج وتعلمي وتثقفي ^_*
وحصلي وقت مع بنوتج شوية ^^
بس أنا أنصحج انج تشترطين عليه شي
يوم يرد ياخذ إجازة أقل شي أسبوعين ..
خلي هذا شرطج والسنويـة لازم ياخذها ترى لأهله عليه حق بعد
وهونيها وتهون أختي
صدقيني لو شفتي مشاكل غيرج بتقولين أنا عايشـة في خير ونعمـة
ولا تنسين أختي الإستغفار وقيام الليل لإنه راحـة للنفس
وخلي ريلج وانتي تستخيرون في سفرته هذي
وربي يقدم لكم الي فيه الخير ^^
وثــآني شي كل شي بالتفــآهم ينحل ان شااء الله ..
غيري له روتين البيت .. وقوليله مشآعرج وحبج له ..
لا تحطينه فموقف العياآل .. ومسؤوليته ..
خليه ف موقفج وحبج له .. وعقب بالتفاهم خلوكم انتو الاثنين تتحملون مسوؤلية اليهال
وربي يحنن قلب ريلج يــآرب ..
بس انتي شوووفي وش محاسن ريلج
ويمكن هذة فترة يكون فيها مستقبلة ويحسن من مركزة في الشغل اذا الدورات تساعد على ترقيتة في الشغل
خلية يروح دام عيالة صغار ويخلص قبل يكبروون وتكبر المسؤؤلية معاهم
وتفاهمي معععاااة وقولي له مثل مالك حق انك اطور نفسك وتتبتعد عنا ونكون نشتاق لك
هم لنا حق تفضي عمرك فترة نكون مع بعض ونقترب من بعض
لا تشدين معااة رخي شوي
عشان كل الامور تنحل بسياسة
والله يوفقج ويسعدكم ابد الدهر ان شاء الله
ودام انه يحصل دورات بالشهور شي طبيعي يقول ما يبا اجازة سنوية
اذا انت مب موظفة روحي معاه
لو تعب عليج وبهدلة للعيال… ما عليه اتحملي
على الاقل كم شهر وارجعي قبل ما يبدأ دوام الروضة
قولي له بنقد في البلاد بدونك شو نسوي… وان اليهال بيشتاقون لك ويفتقدونك
وانكم ما قط سافرتوا مع بعض