هذه الرآآبط الاـآسسآآسي للقصـــه ..
https://forum.uaewomen.net/showthread.php?t=826395
البآآرآآت جمعتهآآ لكم .. عسب تتسسهل ع اللي يبون يقروون القصصه .. لانه هيه فديتهآ كانت تكتب بآرتاات و تدآآخلت بين الردووود .. و صعبه شويه الواحد يدوور ..
ولانه هذآك الموضووع تسسسكر و ما سمعنآ كل الاآرآآء
وانآ مآ كتبت اللي بخآطري بعد ما عرفت النهآآيه …
واللي عندهآ نصآآيح للآخت تكتبهآ
معلومات عن ابطآل القصه 
بنت قطر999 = العمر 26 .. لو ما خابت ذآكرتي
زوجهآ = العمر 24 .. هم لو ما خابت ذآكرتي
بنات الهووى = مليون الف وحده الله يهديهم
القصه استمرت 4 سنوآآآت
عندها ولدين نفس القمر الله يخليهم لهآ و لاهلهآ ..
بلييز محد يرد لين ما اكمل
والسموحه منكم ..
السلام عليكم ورحمة الله وبركاته
انا بدخل بالموضوع ع طول واعذروني لان ما عندي اسلوب المقدمات
انا واااااااايد وااااايد تعبانه
بنات انا امر بمشااااكل وايد وبضيجه ما يدري بها غير رب العالمين
آآه يل بنات انا كل ما كتبت من شهر والله اني اكتب كلللل القصه وارجع امسحها ما انزلها بالمنتدى احس ما حد بيفهمني بس اكتب ع اساس افضفض لنفسي وارجع امسح
بنات انا متزوجه من 4 سنوات بس واااايد كبرت خلال هال4 سنوات نسيت الفرحه نسيت الضحك كله نكد في نكد
زوجي اصغر عني بسنتين
الله رزقني بولدين وهم راس مالي بهالحياه
زوجي يحبني وانا كنت احبه وركزو ع كلمة كنت لاني الحين سبحان مغير الاحوال
زوجي خاااااااااااين حتى النخاع
بنات انا من النوع الي انبش ورا زوجي وللاسف اصيد اشياء تشيب الراس انبش وراه لانه اجبرني ع هالشيء لانه موب تكانه والله موب تكانه
بنات انا جميله وخلوقه وسنعه ما ابي اكتب اكثر عن نفسي بس الكل يشهد ع هالشيء حتى اقرب الناس له جامعيه موظفه وراتبي ضعف راتبه وعمري حياتي ماطلبت منه ريال ولو الله حدني وخذيت منه تكون سلف ويرجع ياخذها مني اخر الشهر المقصد شاله هم عمري
المهم بنات في بداية زواجنا كنابثاني شهر من زواجنا قعدت الصبح وفتحت جواله بشوف شو سالفته يصيح البارحه وازعجنا وهو كان نايم لقيت رقم بس بدون اسم طبعا ما اهتميت لاني غبييييه وواثقه فيه
عاد فتحت المسجات وتميت اقرأ مافيه شيء مفيد بس فيه الغاز ما فهمتها بس فيه رساله اذبححححححححتني كانت من رقم غريب وهذا نصها (حياتي انا الجازي بغيت منك سلف 1000 ريال لا المطوع عندنا يقرأ على امي في مستشفى ….. غرفه رقم ….) الله يلخذ بحقي منهم
وهو رد عليها ابشري ومن هالكلام للعلم فقط بعرس اخوي ما سلفني هالمبلغ سلفني 500 ريال بسسسس ع قولته ما عنده وانا عارفه كم في رصيده بالضبط عاد رحت للدوام وانا مصدوووومه وهو في ساابع نومه وهذا حالي يوميا انا اداوم وهو ينام ما اعرف كيف دوامه كله خرابيط ما يداومون بس ماينخصم شيء منهم شوي وبكمل ..
نرجع نكمل
امم المهم داومت ذاك اليوم واتصل فيني ع الساعه 10 تقريبا ويساني عن اخباري ولا تخالطين البنات ومن هالكلام يخاف يخربوني ومنهالكلام المهم انا اسلوبي كان جاف معاه قال اشفيج ساكته وشكلج متضايقه قلت له لا ما فيني شيء وبعد ما سكر وكان معصب لاني ما عطيته ويه ارسلت له مسج بالسالفه كلها احترق زتم يتصل ولا 20 مره وانا مطنشه للللللين رديت عليه قالي انزلي بمر عليج الحين بنتفاهم كان خايف ا اروح لاهلي استأذنت وطلعت معاه تغدينا برا وتفاهمنا ع قولته هذا رفيجه كان مستخدم جواله وووو ومن هالاعذار اللي ما تخلص
مر الموضوع ع خير
وبعدها بشهر كان عرس خالي وانا كاشخه ومعاه بالسياره قلت له اني بخلي جوالي معاه لان ممنوع الجوالات اللي بكاميرا قال لا مستحيل ابي اكلمج واعرف متى بتخلصين المهم فتح درج السياره وطلع جوال ثاني وقال هذا جوال رفيجي بس طلع الشريحه منه وعطاني اياه استغربت اشلون جوال رفيجه وبسيارته ولان السيارت ورانا وتطق هرنات ما ناقشت دخلت شريحتي فيه ونزلت ع طول تميت على اعصابي في العرس ابي لعرف ايش سالفة هالجوال وليش معاه بسيارته؟؟
فتحت المسجات الوارد كان ممسوح والمرسل لقيت رساله اذبحتتتتني مثل الموقف الاول بعد وكان مكتوب فيها ( انا …… وطبعا اسم زوجي اتمنى اسمع صوتج قبل انام فديتج ارحميني) عاد تخيلو موقفي فالعرس حامل كنت بالشهر الرابع نفسيتي زفتت من الحمل وقريت الرساله هذي وكملت علي
قعدت افكر عشان جذي كان يحاول فيني اذا طلعني من الدوام اروح لبيت اهلي اتغدا واقيل عندهم؟؟؟
كان يبي يكلم بنات؟؟؟ وانا ؟؟؟ ليش جذي يسوي والله اني فنص العرس كنت اروح الله يعزكم للحمام امسح دموعي وارجع امه خواته اهله واااااايد يحبوني واحبهم شوي وبكمل لكم خواتي
هلا خواتي
عاد رجعت من العرس وسويت له حفله من نوع خاص واكيد فهمتوني يعني تهاوشنا هو يقول حق رفيجي وانتي ما تثقين فيني وانا اقول كذاب حتى اسمك نفسه والجوال ايش جابه لسيارتك
تهاوشنا وبعدين راضاني وراحت السالفه بعدها بشهر تغييير علي 180 درجه صار وقته كلللللللله للجوال يدخل الله يعزكم حتى للحمام يدخله معاه المهم راقبت جواله لقيته على علاقه بوحده وخذيت رقمها وكلمتها ويحليلهاخافت مني واعترفت بكل شيء بينها وبينه وكيف تعرفو ع بعض عاد هو مفهمها انه موب مرتبط المهم اناخليتها هي تقوله اني كمتها وانا من ناحيتي اعامله عااادي ما كأني عرفت شيء يمكن هالمره يستحي صج وماعاد يعيدها خاف من اسلوبي فاعترف بروحه وقال انها ابلشته وانها ياهل ووو من هالكلامورجع حليو ومثل اول واحسن
ما تمينا شهر الاوعادت حليمه لعادتها القديمه دخلت انا الشهر الثامن وبديت اتعب من بطني وبديت اتجهز لولادتي والحبيب لااااهي عني الجوال كالعاده بدى يمسح منه اشياء بديت اشك وبعدها لمحت له ما فيه فايده يعني كالعاده لازم مواجهه جهزت نفسي وعديت العده للمواجهه<<حسيتها حرب بيني وبين المغازل
اممم بصراحه انا للحين على بالي بس مغازل جوالات وبس الشيء اللي خلاني ادور وراه عدل انه مره وصلني من الدوام للبيت وقالي ما ابي غدا مع انه تعبان ولازم ينام من امس مواصل بس قالي ن الشباب متواعدين معاه عاد الظهر؟؟؟ انا استغربت ولما رجع بالليل ونام فتحت جواله لقيت رقم مسجل باسم شقق هنا وقف قلبي يعني شنو شقق؟؟؟ واحد صاحب شقق وريلي يتعامل معاه؟؟؟ شو يبي بالشقق؟؟ حنا بدو وما نعرف زلمات ولا حد بالشقق ايش يبي في هالرقم وبعد رقم ثاني مخزن باسم شقق جوال ياربيييي قلت لازم افتح عيوني عدل
المهم ما واجهتخ بس بحثت وراه ولقيت عنده رقم من دوله خليجيه وايد يتكرر رنه بس تكون المكالمه الباقيه عليه وكل ما رحنا مكان قعد لاهي يرسل ويستقبل من هالمسجات ويمسح
وانا شايفه وساكته بس اتوعد المهم طفح الكيل عندي بسبب حركه سواها وانا وياه كنا بالسوق دخلنا محل وجاه اتصال من رقم طويل غريب حتى هو ما عرفه رد عليه وانا كنت اتكلم مع البياع قعد يتكلم ومنحرج وع طول طلع من المحل واشر لي شوي وبرجع استحيت من البياع وسكتت شفته تأخر لحقته بسرعه لقيته بدعوس خايس حتى ما حس بنفسه ويضحك ويسولف اول ما شافني تخربط قال باي للمتصل وسكر ع طول قال انتي شو طلعج قلت له ودني للبيت على طول لاني لو تكلمت زياده بكيت العبره كانت ذابحتني والله ثم والله اني جميييييييييييله وما نا قصني شيء واقسم بالله كل 3 او اربع ايام اسوي له ليله رومانسيه ونظيفه وكل المقومات الرائعه فيني ما امدح نفسي بس مقهووووره ان صارت حروب لين خذاني كنت محجوزه لولد عمي من صغري وكثرو الخطاب علي بس حظي الردي طيحني عنده دلوعه ماعمري دخلت المطبخ وعشان خاطره تعلمت وصرت فنانه عي تاطبخ خلال 6 شهور صرت الخروف اطبخه بروحي احسن من اي مطعم آآآه يالقهر ليته كان يستاهل
المهم بنات طلعنا من السق واحنا نتتاقر ونتهاوش وركبنا السياره بس ما رجعنا وداني لمطعم نتعشى عاد تكلمنا وااايد وكنت اقوله اسمع يا فلان ان الحين قاعده في المحل اتنقى طقم نفستي (حق البيبي) واول بيبي لنا تراه شعور خايس اني اتنقى بروحي وانت تطلع تغازل طبعا الكلمه الاخيره ما تجرأت اقولها بس كنت اقولها بقللبي قلت وانت تطلع تكلم بجوالك البيبي يخصنا كلنا المفروض نختار له مع بعض دخلت له من هالباب المهم قعد يتعذر وانتي غلطانه ليش طلعتي بروحج انا اغار عليج حتى من محل لمحل ةمن هالكلام راحت هالسالفه وانا للحين فيني حره
ونسيت اقولكم اني خذيت الرقم اللي كان يكلمه بالسوق بعد ما نام ووديته معاي للدوام وخذيت جوال رفيجتي لاني اخاف اكلم من جوالي قلت لرفيجتي السالفه وعطتني جوالها المهم الصدمه الكبيره انها بنت اللي ردت علي من الرقمين وكانت هي نفسها يعني الرقمين لنفس البنت حسبي الله عليهم
فهمتها انا منو وقلت لها انه متزوج ووو وهي اعتذرت بس تراها كانت قويه وعطتني كم كلمه جرحتني
المهم انها علمته وتهاوشو رجعت من الدوام لقيته معصصصصصصب علي حددده انتي فضحتيني انتي ما تثقين فيني وانتي وانتي المهم ركبني الغلط خذوهم بالصوت قالي هذا رفيجه يكلمه من جوال اخته لان جواله مقطوع عذر مثل ويهه ما يدري اني كلمتها ع الجوالين قعدت اصيح وتهاوشنا تمينا يومين ما نكلم بعض ليييين نزلت نفسي وقلت نفتح صفحه يديده وانا بربي وموب زين نتم جذي
عاد الله كتب وربيت وتغيرت نفسيتي شوي للاحسن وفي فترة الاربعين ما قصر بالسفرات وانا قلبي ناغزني لاني ما اثق فيه
فيه نقطه ابي اضيفها تراه مو بس يحبني يموت فيني وكل شيء اطلبه مجاااااااااب انا وبعدين اهله والله ما ابالغ لو قلت لكم انا وبعدين امه تخيلو وانا اللي ورب العالمين دايم اوصيه عليها احبها حييل وهي ما تقصر بالمعامله الطيبه معي
المهم بنات بعد تربيتي بولدي الاول شرا جوال لخدامتي ع اساس اني اكلمها من الدوام عشان اتطمن على ولدي ويوم اتصل فيها دايم احصل عندها انتظار وتتأخر لين ترد واهاوشها وهي ساكته وبيوم غبت وانا في سابع نومه واللا يصيح جواله ع المنبه خير؟؟؟ قال ها ما ادري ركبته بالغلط ؟؟ استغربت الساعه الحين 8 ونص ايش يبي يقوم الحين اذا هو حتى دوام ما يروح سكتت وطلعت بعطي الخدامه ولدي ازعجني ما نمت من امس طلعت وعطيتها عاد الخدامه عطتني جوالها قلت لها ليش سكتت سألتها مره ثانيه عاد هي عبيطه تبي حد يسألها مرتين ثلاثه قالت يمكن بابا يبي جوال قلت هو ياخذه منج ؟؟ قعدت تصيح تقولي ماما لا تقولين حق بابا لانه كل يوم الساعه 8 ونص ياخذ جوالي ويرجعه اذا نتي اتصلتي ويقول لا تقولين حق ماما اني اخذ الجوال انا هنا دوروووووووووووني انواع التعجب على ويهي والصدمه وخيبة الامل احراااااج قدام شغالتي افففف ما اشين هالموقف خذيت منها الجوال وخشيته عندي قلت لما احتاج اكلمج بكلمج ع تليفون البيت عموما البيت ما يفضى من الناس اهله امه خواته بامكاني اوصيهم ينتبهون لولدي ولا لها حاجه بالجوال ..اممم هنا عرفت سر المنبه اللي ركبه ع 8 ونص عاد دخلت فراشي ابي انانم من امس مواصله والحبيب يشاخر وانا احلم بس اني اذوق طعم النوم ولدي سهرني من امس والحبيب كمل علي ليوم حسبي الله ونعم الوكيل..
اناما كلمت ريلي بالموضوع كلللللش نطرته لين هو بلش وين جوال الشغاله؟ قلت ليش قال ابد اتصل فيها ابيها تجيب ملابسي من تحت ومسكر قلت مالها فيه حاجه اذا احجت اي شي انا اجيبه لك من متى وانت تعتمد عليها؟ سكت جا بيطلع ورجع مره ثانيه وين الجوال الحين؟ قلت عندي خير ان شاءالله محتاجه بشيء قال انتي مالج حاجه فيه ايش تبين فيه عطيني اياه انا بخشه عندي قهررررني قلت لا وتهاوشنا يقولي انتي موسوسه على بالج بغازل فيه وانا باخذه عناد فيج وانا ادري انهيبي ياخذه بأي طريقه المهم خذاه بالغصب وزعلت عليه لانه عورني وهو يسحبه مني تميت اسبوع ما اكلمه لين رجع الجوال وكسره قدامي وكسر الشريحه هنا ارتحت نوعا ما لاني اعرف اذا بغى يسوي اي شيء ممكن يطلع جوال جديد
قعدت اصيح والله ما فاتحته بالسالفه ولا قلت له شيء عمي تعبان ونفسيتنا زفت والحبيب طايح غراميات ومراهقه وصج صج موب وقته كللش
عاد كرهته ما عاد واطنته وماعاد اشتهي اشوفه مرت الايام وصادفنا العيد وما اعرف اذا من سوء حظي او من حسنه انه ليلة العيد يبات عند ابوه لانه يتناوب ع ابوه هو واخوانه المهم رجع ثاني يوم الظهر في العيد وتعبااان يادوب سلم علينا وعايدنا ع اهلي ورحنا للبيت يبي ينات كان مواصل هو سبقني ع البيت وانا حلفو علي اهلي اتغدا معاهم قعدت تغديت كلمته ابي اشوف اذا يبي غدا اجيب له بس ما رد نسيت اضيف انه توه متعلم ذيك الفتره ع النت ع قولته ملل بالمستشفى يبي يتسلى وحتى تسليته مثل ويهه المهم تغديت وخذيت ولدي ورجعنا للبيت قعدت اطق الباب رد عل ع طول كان صوته مصحصح (معقوله ما نام؟) وحتى الغدا عند اهلي ما حضره وعلى جواله ما يرد؟؟ كل هالاسئله بقلبي وانا اطق عليه الباب يالله فتح ههههههه شكله معفووس والله ما عاد انسى منظره لين اموت العرق والحاله حاله ههه والله ان حتى لبسه الداخلي مقلوب شكله يفشششششل المهم قال شفيج تطالعيني وتضحكين قلت شوف شكلك بالمرايه وتعرف قال قعدتيني من نومي وانتي تدقين الباب هههههههههههههههههههه اللي يضحك ان الفراش للحين مرتب محد نام عليه والمكيف مسكر والغرفه حررر شالسالفه والله انها موب ذربه قلت يابو فلان بقولك كلمه وحده وماراح احقق معاك اكثر الحلال موجود وانت تدور الحرام؟؟ كلهم استخفو ع كشختي وخصوصا اليوم وانت قلبك موب معاي اقص يميني اذا ما كنت ع النت لانه فيه اضاءه للحين والفاين جنبه معفوس (عفوا بس اكيد فهمتو) سكت وقال روحي لدكتور نفساني انتي ما ينفع الكلام معاج وعطاني ظهره وراح ينام انا بدلت وشغلت المكيف وحاولت انام وراه بس للاسف ما قدرت كنت افكر بحياتي كلها خيانه بخيانه بخيانه تخيلو افكر واطالع اثاره ع الفين وشكله وهو يبي ينام آآآه قهرني والله قهررررني
رحت وفتحت اللاب توب بعد ما نام فتحت ع صفحة الايميل لقيت له ايميل باسمه وعمره ما عرف النت اللا هالفتره احتريت ابي الرقم السري هههه لقيته حافظه يعني دايركت يفتح لانه ما يعرف للكمبيوتر المهم دشيت لقيت صور اعوووووذ بالله كلها رايحه في خرايطها اللهم اني استغفرك واتوب اليك
سكت وخليته قعدت اشيك بين فتره وفتره والقى بلاوي لين الله هداني لذيك الطريقه لما كنا نسولف قلت له باركلي سويتلي ايميل خخخ عاد انا خبيره بالكمبيوتر تخصصي بالجامعه قال ايش تبين فيه قلت جذي بس عشان اقدر اشارك بالمنتديات قال مالج خص بالنت كللللش الا يوم تكونين معاي ( لانه يستخدمه خطأ فعلى باله كل الناس شراته) قلت كلمه وياليتني ما قلتها قلت كما تدين تدان قام فتحلي تحقيق لين اعترفت له بكل شيء شفته في ايميله غسل شراعي صراخ وهواش وانتي ما تستحين تفتحين هالصور وانتي وانتي طبعا انا كنت ارسله من الدوام على ايميله اشياء تخوفه من يوم القيامه وصور قبر واشياء دينيه في نص هواشنا قال حتى الايميلات الدينيه ما جبتي طاريهم من تدورين في الوصخ لو فيج خير كان قريتي الاشياء الدينيه انا هنا انصدددمت كلامه قوي ما اقدر اجاريه اففف قلت اصلا انا اللي ارسلك الايميلات الدينيه ولو فيك خير كان خفت ربك وتركت هالخرابيط قعدنا نتهاوش المهم مرت فتره ترك فيها النت يقولي انتي متسلطه وانتي تبين تتحكمين فيني وانتي وانتي المهم نايم ذاك اليوم وكالعاده فتحت جواله لانه يطوووول برا البيت قلت اكيد فيه شيء هذا بعلي وانا ادرى به فتحته وياليتني ما فتحته لقيت مسج في نفس اليوم الظهر من الاتصالات مرسلين له رقم احد الفنادق الكبيره وبعد هالمسج مسجات حب وغرام مني انا المغفله وبعدها مسج من رقم غريب (حبيبي انا عند باب الفندق انتظرك) آآآآآآآآآه مقهوره دموعي تنزل وانا اكتب وبعدهع هو مرسل لها (جسمج سكسي جننتيني) بمووت من القهر شةفة الحقير شو كاتب لها يعني نام وياها؟؟؟ شو فيه مصيبه اكبر من جذي؟؟؟ فيه قهر اكبر من جذي؟؟؟ فيه خيانه ونذاله اكبر من جذي؟؟؟ لا ما عاد اقدر اتحملوالله اصيح حررق قلبي اللي ما يخاف الله
فرغت كلللل طاقتي من البكى الله يعزكم بالحمام وبعد ساعتين ونص بالضبط والله ما عاد انسى اقسى يوم مر علي بحياتي طلعت من حمام كان للحينه نايم جهزت له فواله لين قعد من النوم قعد يشوفني شكلي صحتي خير شفيج وووو وانا اقوله ابد حلمانه حلم يخرررع سكت تقهوا وطلع اول ما طلع ارسلت له مسج باللي شفته في جواله حتى المواجهه ما قدرت عليها ..>> ما اعرف حيا او جبن مني .. المهم ما خذيت عشر دقايق واللا هو داخل علي ويلمني هذا مقلب مسويه فيني رفيجي ووو المشكله ويحلف وانا كنت ابكي كني ياهل بصوت عااااالي بكاء هيستيري والله ضااايقه منه وتعبانه من كذبه طيب مقلب من رفيجك حتى بالاتصالات لما ارسلو لك رقم الفندق ما مسحت رقمهم هني قعد يبكي لا تخليني بمووت من دونج هذا مقلب لا يهدم حياتنا ووو المهم رضيت لاني غبيه خفت افقده شفتو اني غبيه؟ كنت افكر بولدي لا يضيع وكنت اتمنى اسمع منه انه اخطأ وان هذي نزوه ع الاقل بعرف انهناوي يشتغل على نفسه عشان يتصلح ويبتدي يواضب ع الصلاه ما يقعد يصلي عندي بالبيت ويجمع الصلوات وما ادري شنو بس حضرته كان مصر ان هذا رفيجه والسالفه كلها مقلب بمقلب تعبت بنام الحين لاني مواصله من امس وبخبركم بباقي قصتي باجر اشوفكم على خير وامانتكم دعوه بظهر الغيب ونصاااايحكم تراني بأمس الحاجه لها
صباح الخير خواتي مشكووووووورين فديتكم ع ردودكم قريتها واحد واحد وصج يااات وااايدمتأخره لان موضوعي واااايد تطور وانا في غيبوبه كل مره اسكت واسامح واجرح واداوي لا ام ولا اخت يدرون باللي يصير فيني حالتي حاله ضعفت وايد وذبلت وصرت انسانه كئيبه ما عاد عرفت الفرح امم عنده اخت كبري تقريبا كنت دايم اشكي لها عن اخوها واللي يصير معاي مسكينه كانت تحاول تلمح له وتوصيه علي بس طبعا ما تقدر تقوله بصريح العباره تخاف علي انه مثلا ياخذها من مبدا اني افشي الاسرار الزوجيه وهو دايم يوصيني ع المشاكل انها ما تطلع لبرا..
المهم مرت فتره هدوء بينا كان من خلالها وايد يحن علي ع اساس اترك حبوب المانع يبي اخ او اخت لولدنا وانا كنت ارفض لاني ماشفته منصلح حاله ووعدني انه تغير وانه خلاص تاب ويبي يربي عياله ما يبي يكون فترة السن كبيره بينه وبينهم وبعد ضغط ومشاكل كبيره منه وافقت وتركتها بعد 10 شهور وتم الحمل بعد 4 شهور فرحت من فرحته صار جنه ياهل مستانس وما يخلي بخاطري شيء المهم بعد شهر من حملي قالي انه بيسافر ……مع ربعه اسبوع وبيرجع ويبي مني اسلفه فلوس ما عنده مع انه عنده بس يخاف يقصره شيء وع قولته هم اللي حاجزين له ومصرين ياخذونه محمول ومكفول واكتشفت انه كذب بكذب هو اللي وده يروح المهم السفر ع اساس انه اخر الشهر واحنا بنص الشهر وكان يوم خميس وصلني لبيت اهلي انا وولدي وخدامتي وبعد ما وصلت دز ي مسج انه بيروح يوصل للحسا وبيرجع يوم اللسبت قالي ببيت اهلج لين ارجع انا هنا قلبي عورني حسيت السالفه موب خاليه كلمته ورد علي قال ان رفيجه يبي يشتري تواير للسيارات وانه ارخص هناك المهم كلام ما اقتنعت فيه كلللش وكان هو بيسافر يعني بيسافر وما عليه مني آآآه حرررني امم عاد انا سكرت منه واتصلت ع الخطوط القطريه وشفت متى طيارات دوله خليجيه انتو كلكم تعرفونها بالفساد خصوصا اجازة الاسبوع عاد شوفو يوم خذيت وقتها خليته واتصلت عليه بنفس وقت اقلاعها وكانت الصددددددددمه جواله اعطاني مغلق آآآه يا قلبي تميت اتصل ماشي فايده ارسلت له مسج ما وصله قلت بيبين عندي لما يستلمه وبعد ما كلمت الخطوط الجويه تأكدت متى توصل وفعلا تم التسليم في نفس الوقت ع طول اتصلي قال خير؟ ترا جوالي ماكان فيه شحن وتوني شاحنه قلت انت وين قال تونا داخلين الحسا للحين يكذب عطيته كم كلمه انه كذاب وانهرايح لل.. قال انتي موسوسه وتطلعين علي سوالف ومن هالكلام وكان يتسسب عشان يقفل جواله وياخذ راحته سكر بويهي ولاعاد عرفت عنه شيء بس انا كنت منتظرته واهلي ما يدرون عن اي شيء
رجعت السبت للبيت وع فكره تراني ساكنه مع اهله بس سكن شبه مستقل اخوانه اهله ما يداااانونه وبينهم مشااكل وايد واهمها انه طايش..
المهم رجعت رتبت غرفتي وجبت لي منسقه بمبلغ وقدره عشان تزيين الغرفه وشموع وحركات وزينات وتميت انتظره لييييين رجع وكانت طيارته ع الساعه 9 تقريبا اتصله للحين مسكر المهم بعد ما وصل كلمني وقال انه جاي بالطريق وصوت شباب معاه وكنت طالبه له عش من فندق كبير وكنت وايد متكلفه مكياج وشعر وملابس للعلم بكره عندي دوام وهو بينام وولدي ما بغى ينام وانا كاشخه له حدددي وانتظره ( كان قصدي اترس عينه لان مثل شوفتكم شكله يبي حد متفرغ له 24 ساعه) نطرته ونطرته واتصل عليه ويقولي شوي شوي انا مع الشباب ومستحي اخليهم تدرون متى دخل علي ؟ والله انها الساعه 3 الفجر عاد بكره دوامي دخل تفاجأ من شكل الغرفه بس قال حسافه العشى برد وتفاجأ من شكلي انا تضايقت والعبره خنقتني من تطنيشه وعدم اهتمامه تم يستسمح مني ويحبني ع راسي بس بعد شنو قالي غيبي بكره عشان خاطري وافقت وتراه اول مره يطلب مني هالشيء مايبغيني اغيب يخاف ع راتبي وترقياتي المهم غبت وراح اليوم مثله مثل غيره والصدمه جاتني الخميس اللي بعده بالضبط
تخيلو شو قالي من يوم الاربعاء حبيبتي رفيجي عازمني على عرسه في الحسا بكره انا هنا بغيت امووت من الغصه انا احبه ليش يسوي فيني جذي؟؟ انا في شنو مقصره عليه حتى ولدددده ولا يدري عن مصروفه بالاحرىما يرضى وعشان ما اظلمه كان احيانا يجيب له حليب بس بعد يقعد يهاوش يقول ولدي يستهلك حليب وايد افففف كنت اتضايق كله ولا هالياهل ما يشرب اللا حليب وبعد حاسده اهلي ولله الحمد خيرهم وااايد واهله بعد فماله داعي هالكلام وطبعا ما يعرف شيء اسمه حلاق للياهل يقول عطيني اياه انا بحلقه تخيلو بس انا اوديه مع دريول اهلي دايما لان ابوه يقول توه ياهل ع الحلاق وهو ما شاءالله عليه مستحيل يمر اسبوع ما حلق وتزكرت بس ولدي توه صغير المهم هذا موب موضوعنا وصنا ليوم السفر ع قولته معزوم لعرس رفيجه وانا قبلخذيت رقم عضويته من بطاقته اللي فبوكه عضويته بالطيران عشان اقدر اسأل ع كيفي عنه المهم سافر وعلى طول كلمت الطيران قالو ايه رقم عضويته موجود ع الطياره حاجو جنب ربعه فلان وفلان رجع لنفس الدوله الخليجيه اللي كان فيها الاسبوع اللي فات شكل اجوائا جازت له عاد هنا انا انهرت تعبت يوم الخميس وتنومت بالمستشفى والسبب نفسي 100% بس محد يعرف كلش لين هذي اللحظه امي ابوي وايد خافو علي ومصدقين انه مسافر يحضر عرس رفيجه المهم رجع مع طلعتي كان يوم الجمعه الظهر امي تبيني ارجع للبيت عشان اريح شوي خصوصا اني ماذقت ولااااااا شيء من يوم سافر المحروس رجع الحبيب وانا كنت عااارفه بالضبط متى طيارته لان الخطوط عطوني تفاصيل عنه خصوصا اني اعطيتهم رقم عضويته رجعت للبيت واخذني من بيت اهلي على طريقه من المطار وانا ساكته ع اساس نتفاهم في البيت بس هو كان خايف علي بعد مادرى اني تعبت اول ما دخلنا الغرفه على طول التفت عليه قلت له ابو فلان انت وين سافرت؟استغررررب تم يطالعني قال انتي تدرين اني كنت بالعرس سكت قلت وين نمت ؟ قال بمزرعة رفيجي قلت شخبار اعرس قال حلو والسامري يجنن هههههه للحينه ممشي الدور ومصدق عمره اني مصدقته .. انفجرت ع طول اصرخ عليه انت كذاب انت كنت ب……… انت مسافر هناك عشان الدمار؟؟ انت ناقص؟؟ امبونك طايح بالسوالف الشينه بعد تبي تكمل علي انا موب ناقصه ووو اخترع قال انتي ظالمتني وانتي وانتي قلت لا تطيح اكثر من عيني انت ومعك فلان وفلان الخطوط الجويه قالو لي عنك كللل شيء انا موب مغفله بتقص علي بسوالف بسيطه امشيها بمزاجي لكن سفر ما سفر وخرابيط كباار لا عاد ما اسمح لك انت بنت عرب وحشيم ماضريتك بشيء عشان تسوي فيني جذي انا ما الوم اهلك كل يوم تشتكي منهم وتستعطفني واصدقك بس الحين خلاص طفح عندي الكيل وتميت اصيح قعد يضحك منصدم من المععلومات اللي عندي وكيف اني عرفت كلل شيء بالاحرى انحررج من موقفه لان موقفه يفشلللل شوي وبكمل
المهم انقلب بعد الضحك لصراخ وانت شو يخصج تسألين عن ربعي وتاخذين اساميهم بعد شو تبين فيهم وانتي ما تستحين ؟ والله لا تحديني اخبر ابوج واخوانج انج تسألين عن الرياييل وانتي ماتعرفين السنع قعدت اصيييح من الخاطر يالنصاب كيف بتقلبها علي الموظف هو على طول قال اسمائهم وانا مايخصني اللا فيك انت ومن هالكلام اجيه يمين يجيني يسااار لين حسين راسي بينفجر من الصراخ والصياح وموب ماكله شيء اغمى علي لان صار لي كم يوم حتى الماي مادخل جوفي خاف علي وتم ينتفض وهذا اللي حسيته لين دخلت امه علينا من صراخه كان ينادي حد عشان يساعدوني المهم قعدت بصعوبه وانا احس الدنيا كلللها تلف فيني قلت له ودني بيت ابوي تعبانه هو في البدايه خاف اني ما ارجع بس انا موب في موقف اني اناقش وداني لاهلي وقبل ما انزل مسك يدي قال انتظري خي الشغاله تنزل هي والولد بقولج شي ولات تنسون حزتها كنت حامل وبعد مانزلو قالي فلانه انا ما اقدر اعيش بدونج لا تتهورين وتحكمين علي بااعدام ما رديت عليه وويهي صج صج مبين عليه المرض والهم والتعب دخلت على اهلي ووايد خافو علي اصرو اني اروح مستشفى والله ثم والله محد يعرف منهم بأي شيء كنت اخاف انه يطيح من عينهم خصوصا ان خواتي متزوجين رياييل فيهم خير ريايي بمعنى الكلمه ..ما حبيت ابين لاهلي اني مهمومه واهمهم علي خصوصا ان وراهم سفر لابوي علاج بالخارج فالوضع ببيت ابوي كلللش ما يسمح بنات اعذروني بروح عند عيالي يبكون وبرجع لكم بعدين بكمل قصتي بس تراني انتظر ردودكم ولا تنسوني من دعائكم
هلا بنات فدددددددددددديتكم ع هالردود اللي صج اثلجت صدري والله ثم والله اني محتاجه لمثل هالردود عشان ع الاقل اقدر اتخذ قراراتي
و ع فكره تراني قريت ردودكم واحد واحد
المهم بنات نزلنت لبيت اهلي وكانو متضايقين يبوني اروح للمستشفى اذا موب عشاني عشان الياهل اللي ببطني وانا رااافضه بس ابي انام تخيلوه المضحكالمبكي فنفس الوقت اني نمت بالصاله وسط ازعاج الناس الداخله والطالعه كانو جايين يسلمون ع ابوي لان سفرته فربت 4 ايام وبيسافر مع امي للخارج وكان محترق جوفي اهلي كلهم بيسافرون انا بتم هني محترق قلبي ع ابوي ومن صوب ثاني ع زوج ماهمه اللا وناسته وخياناته
نمت عند اهلي وماحسيت بنفس اللا الفجر قعدت لقيت نفسي بالصاله وامي نايمه عندي وجوالي عالسايلنت وفيه 14 مكالمه و6 مسجات كلها منه اخترعت وبعد ما قريتها ضحكت كان خايف اني ما ارجع له كلها يترجاني ويتعذر ومن هالكلام رحت توضيت وصليت وقعدت امي ع حركة الباب وقتحت لي تحقيق تبي تعرف شو صاير لي وشو وصلني لهلمرحله وان وزني واااايد نازل وريهي ذاابل في البدايه ما قدرت اقولها وبعدين انفجرت ابكي
ماعاد قدرت اتحمل الضغط لان اللي فيني مكفيني بس ما ابغي اقولها لان وراها سفر وما ابي اشغل بالها قلت لها خايفه على ابوي ومحد حاس فيني وانتو اهملتةني هالفتره الحمل واايد متعبني وولد مغربلني والدوام وضغوطاته وانا وانا ,,الخ يعني بينت لها ان المشاكل بسيطه واني بس حساسه فديتها قعدت تواسيني وتشجعني وتعطيني امثله خواتي اختي اللي اصغر صابره واللي اكبر بعد صابره وانا اقوى منهم لاني حامل ولازم اصبر ومرض ابوي اختبار وكلاام واايد وانا كل شوي اسرح والله اني اقول بقلبي آآه يمه ليتج بس تعرفين بنتج ايش فيها واللي قهرني انها قاعده تمدح ريلي وتطلعه البطل الهمام اللي ما فيه مثله وقالت انه اتصل عليها عشان يتطمن علي وانه وااايد خايف علي (الحقير كان يبي يجيس النبض) المهم تعشيت او ما ادري تريقت كليت بشراهه عمري ما كليت مثلها واول ما خلصت اكل نفسي قلبت علي والله يعزكم رجعت كلللل شيء كليته ما بتصدقوني لو قلت لكم لاني تذكرته والله اني ما ابالغ
المهم كلمته ع الجوال وتم يتفداني ويتأسف ع كل شيء وان احنا لازم نفتح صفحه يديده وانه ما بيقدر يعيش بدوني قالي اطلعي لي من الباب الكبير بعطيج شيء طبعا احنا صرنا ع اليوم الثاني وهو مواصل من امس وانا ما داومت ارسلت له الشغاله بولدي لانه يبي يسلم عليه وانا مالي خلق اطلع له عطا شغالتي كيس من سيد جنيد للعطور واتذكروه عدل لان له سالفه ثانيه كان العطر اسمه عطر داليا اكيد تذكرتوه هالعطر معروف بس بسبب هوقف وصخ صارلي معاه كرهت ريحته لو شميته احس بلوعه جابته لي الشغاله وكلمته شكرته طبعا هو انسان يموت بالفلوس هالموضوع خالصين منه من زمان بس خطوة انه يجيب لي هالعطر والحين وهو رصيده مفلس هذا تقدم يعني تسلف عشاني؟؟؟ شو هالتطور .. بنات انا جدا دقيقه متى امداه يشتري العطر وهو كل خطواته من نزلني لبيت اهلي لين جاب لي العطر قايلي عليها كلللش ما تعدا منطقتنا اللي احنا اوهله ساكنين فيها المهم خذيت الهديه وحطيتها بكبتي بغرفتي اللي عند اهلي وبعد يومين اخذنا للبيت وانا صرت وايد احسن من قبل قالي فلانه طلبتج قلت لت له آمر واذا اقدر ما بقصر وياك وانت تعرفني قال ابيج تسلفيني 5 آلاف انا بسافر لمصر مع ربعي واخاف اتفشل ما عندي او تقصرني الفلوس في البدايه رفضت قلت له اني للحين شايله بقلبي عليه من سالفة العرس اللي قص علي فيها وتم هو منصدم انتي قلبج اسود وتسلين بخاطرج وانتي وانتي
المهم وافقت بتقولون غبيه لا بس انا من زمان معشمته بهالمبلغ قدام تصير السالفه وما ابي ارجع بكلامي عطيته الفلوس وع طول حجز وسافرامم مكالماته لي بالقطاره وانا كله اللي اتصل فيه ع قولته ما عنده رصيد بالجوال وهناك المكالمات غاليه وانا ما عاد تفرق معاي صرت بس اتطمن انه حي وبخير واسكر وهو جدوله من سافر عكس الناس النهار نوم والليل سهر للنهار المهم انا سويت نفسي لوك جديد حاولت انشغل عنه اهلي سافرو الله يحفظهم وهو سافر بعز حاجتي له بعد سفر اهلي عاد مثل ما قلت لكم انا اشتغلت على نفسي ورتبت مكاني وغيرت بأثاث غرفتي وصبغت شعري وغيرت شويه من نفسيتي ع الاقل اطلع وارد مع اخته هي كانت رفيجتي بقوو وحيل احبها..
المهم كمل هناك اسبوعين بدل اسبوع وفي اليوم اللي مقرر فيه الرجعه تم جواله مقفوووول شوي وبكمل
المهم انحرجت من اخته لان جواله مغلق وانا كااشخه احراااج لو طنش وما رجع والله فشللله وتخيلو الصدمه فجأه دخل علي في وقت كنت شوي وبصيح من الموقف البايخ كان شكله مبهذل وتعبان من السفر قالي جوالانه ما فيها شحن المهم هو رجع ع الساعه 10 ع طول حطيت له عشاه كالعااااده وايد كنت متكلفه ع عمري اكل شوي ونام ميت من التعب اممم هنا عاد بدت مهمتي اخذت جواله المصري وشحنته هو كان تعبان ما مداه يفكر وين يودي جواله دخل وهو معاه في الشنطه الصغيره حقت الجواز اخذته وبعد ما شحنته شوي بس ع اساس انه يفتح وديته وانتو بكرامه معي للحمام وفتحته وآآآه ياليتني ما فتحته مسجات صيحتني بدل الدموع دم ما بتعرفون مدى الحرقه اللي حسيت بها مدى الالم اللي سببه لي وقفت وكان عندي تحجر بقلبي ما عدت اميز طعم العبره والدموع اللي تنزل ع مكياجي وتسريحتي اللي ما يستاهل هالتعب كله ومدى خيبة الامل اللي صادتني آآآه بشو تبوني ابدا المسجات فيه؟؟
كانت معاه تكرمون …… ينام معاها ومخزنها باسم …… الحقير النذل وتبون تشوفون احقر مسج قريته بحياتي كان هو انه كان مرسل لرفيجه وانا اعرفه هالرفيج من جماعتنا وسمعته مش ولا بد وما كنت اعرف انه بيسافر معاه كان كاتب له(فلان وينك؟ اتصلك ماترد) وهذاك رد عليه برساله وصصصصصصصصخه ما اقدر حتى اكتبها مفهومها ( انا مع الحقيره اللي انت نمت وخلصت منها بس باخذ منها مثلك وبجيلك ) اول شيء آسفه ع هالكلام اللي كتبته بس والله في سماه انه كلام وصصخ ما اقدر اوصف لكم رد عليه زوجي ( اوكي يس خلص بس خلص بسرعه انا متملل وقاعد في اللوبي بروحي) المهم لقيته بعدها مرسل مسج حق واحد مخزن اسمه بالجوال التاكسي وكاتب (الله يعطيك العافيه ع هالبنات حتى فلان وكاتب اسم خويه يمدحهم ذوقك عجيب) آآآآه ياحرتي حتى التاكسي ما سلم منهم ..
فتحت باقي المسجات وكان ألمها اخف ع قلبي من هالمسج وكانت من ارقام نفس الدوله الخليجيه اللي قلت لكم عنها حبوشوق وغرام وبعد فيه من ديرتنا كم وحده بس هذولي البنات خزنت ارقامهم عندي وبقولكم شو سويت فيهم ..
فيه مسج من بين هالمسجات شدني تبون تعرفون شو هو؟؟ والله ان دموعي نزلت الحين كانت حقيره من نفس هذيك البلده الخليجيه كاتبه له ( فلان بتروح اليوم لمجمع ……. وهو اكبر مجمع عندهم؟) قال(ايه حبيبتي آمري؟) قالت ( فديتك شوفلي عطر داليا بكم سعره؟) قال (من عيوني) هنا انا عاااد انهرت قفلت الجوال ورجعته مكانه ولقيت زوجي في سابع نومه من التعب والسفر تميت مهمومه واصيح لين باجر قعدت مواصله تسبحت وصليت وقعدت ادعي ربي ما يخرب بيتي وانه يهون علي مصيبتي وافكر بوضعي الللي انا فيه
بعد ما اصبحنا ع الساعه 8 كلمت دريول اهلي وخليته يجيني ياخذني ابغي اروح لبيت اهلي مع انه فاضي بس ابي آخذ شغله وارجع وانا طالعه من البيت لقيت عمتي بويهي قالت شفيج شكلج ما نمتي وصايحه ابوج فيه شيء؟ قلت لها لا بس انا تعبانه بطني يعورني من الحمل ومن هالكلام قلت بروح لبيت اهلي باخذ لي كم شغله وبرجع وترى فلان ما يدري هو اصلا بيني وبينكم ما يدانيني اطلع حتى لو شبر من البيت اما بيت اهله او اهلي رفيجات وغيره ممنوع وعشان ما اظلمه كان يطلعني بين فتره وفتره لمجمعات وكنا ناكل وايد بالمطاعم اممم المهم رحت لبيت اهلي زخذيت عطر داليا تذكرتوه اكيد خذيت الخريطه بكبرها لانه كان بعلبه كبيره واللي عندها بتعرفه ورجعت للبيت وخليته ع التسريحه ورجعت لفراشي عشان ما يحس اني طلعت من البيت شوي وبرجع
نمت وراه بعد ما حطيت العطر ع التسريحه طبعا ما قدرت انام بس غفت عيني من كثر التفكير حااااولت بس اقعد استغفر لين ع الاقل اقدر انام
المهم قعد من النوم ع الساعه 2 الظهر وانا كنت قاعده من صلاة الظهر قعدته عشان يصلي وكالعاده تنننح وهاوشني وتلحف وانا كنت اتكلم بصوت عالي عن العاده لاني صج صج كنت وااايد متضايقه
خليته والله ما ذقت الغدا ولا طب بحلجي قعدت مع ولدي بغرفه ثانيه لييين قعد بروحه ومر علينا قعد يلعب ولدي شوي وعقب قالي ايش الغدا وما عجبه سي السيد قال اطلبي لي من اي مطعم انا بتسبح وميييت جوع قلت له ان شاءالله وترا العبره طول الوقت بحلجي وذابحتي وهو متفررررغ كان يارويني هدايا شاريها لي ولولدي وللبيبي كانت عاديه نوعا ما بين بجايم وبدلات للعيال المهم دخل تسبح وانا انتظره ع اساس نتكلم بالموضوع بعد ما يتغدا ما بغيت اسد نفسه مثل ما انسدت نفسي والله ما ابالغ لو قلت لكم اني كنت اراعيه حتى بأبسط الامور.. نطرته لين طلع وتغدا وهو كان ملاحظ اني زعلانه يكلمني واجاباتي مختصره ويادوب ع قد السؤال قالي شفيج كنه راكبج جني؟؟ سكت بس عطيته نظره تبين مدى خيبة الامل فيني تم يطالعني وصرخ بويهي انتي تدرين ما احبج تطالعيني جذي وبعدين تأكدتي الحين انه يبي لج دكتور نفسي؟؟ توج ايش زينج البارحه ايش صار فيج في كم ساعه ما ادري .. سكتت ما رديت ولا كأنه يكلمني حقرته انقهر مني وراح يلبس ثيابه حقرته واول ما وصل للتسريحه يبي يمشط شعره تفاجأ من عطر داليا بعده جديد وموب مستخدم مع انه من كم اسبوع ما خذه لي قال اشفيج ما استخدمتيه ما عجبج ؟؟ شوفو الوقاحه قلت لا ريحته خااااايسه تلوع الجبد قال افا ذوقي م عجبج ع الاقل خلي عندج ذوق وجامليني هذا جزاي؟ قلت له والله عاد الناس اذواق وهالمره خابت معك قال ايش بتسوين فيها يقصد العطر قلت بعطيه شغالتي عصصصصب وكان بيمد يده قال انتي ليش تستفزيني ليش تبين تفورين دمي ؟ الحين اخذ لج عطر وتقولين بعطيه الشغاله .. قال انتي لو فيج خير كان تحنيتي عجيت بس انا ما اهمج انا آخر اهتماماتج وانتي وانتي .. آه يا قلبي ما عاد اقدر اتحمل كم اتجريح اللي قاله لي صرخت بويهه قلت انت حقير انصدددم قال شنو؟؟ وقرب مني وفي يده برواز ماخذه من ع الطاوله كان يبي يضربني قال عيدي قلت انت لوفيك خير ما خذيت لي عطر مثل عطر رفيجتك ال….. وقلت جنسيتها هي توصيك تجيبه لها من مجمع … وتروح تاخذ لي مثلها تشمه فيها وفيني يا حقير انت عارف انا منو؟؟ انا زوجتك وام عيالك ترضاها علي يابو عيالي ترضاها؟؟؟ اعتقد عادي عندك لان انت ورفيجك فلان تجون نفس الحقيره اللي …… ما عاد عندك تمييز بين الصح والغلط وخييييه منكم قرف الله ينتقم منكم والله والله وتميت اتحسب عليهم طبعا انا كنت اتكلم وانا اصارخ واصيح بصوت عالي وهو منصدددددددم ما توقع اني اعرف كل هالتفاصيل واعرف كلل الحقيقه نزل البرواز وقرب مني يبي يلمني انربط لسانه ما عاد عرف يقول شيء قال تابعوني بكمل الحين
________________________________________
المهم انه قعد يحلف كالعاده ان هذاجوال موب له ب هوكان ماخذه من ولد اخوه بس عشان السفر افففففف ياربي مايتوب ماااااايتوب من الكذب مال ولد اخوه ؟؟؟ شلون شلون والحقيره اللي طلبت العطر ووووو وفيه اشياء وايد تدل على انه له مهما حلف لانه كذاااب وانا ما عاد اصدقه خلاص قلت شوف انا الحنى صد ما اتحنيت عشان ابوي بس الله العالم وحده بكثر ما كنت احبك ومشتاقه لك بغيبتك بكثر ما الحين اتمنى اهلي يرجعون باقرب وقت عشان اروح لهم ولا عاد اشوف ويهك اكررررررهك خيبت ظني فيك حسبتك ريال وللاسف انت موب كفو ..
قعد يحاول يبرر ويتأسف ويتكلم صديت عنه دشيت الحمام وهو يترجاني توضيت وطلعت ما حصلته صليت العصر وغرقت من الصياح قلبي محرووووق منه ميييته قهر جوالي تفجر من مسجات الحب والغرام والاعتذار وغيره وانا مطنشه ..
غفيت شوي واللا الباب يندق بخفيف قمت فتحته واللا هذي حماتي الكبيره احبها وتحبني حييل دخلت واخترعت من شكلي كيف كانت عيوني وااارمه من الصياح لمتني وعلى طول صحت بدون اي حرف سكتت ما تكلمت بس سحبتنبي للسرير وتمت تقرا علي وانا ابكي مثل الياااهل آآه تذكرت هاللحظه والله حست بحنان الكون كله منها بعدين فتحت الموضوع معاي شفيج وليش جذي وحرام اللي قاعد يا انه عين وصابتكم هو يحبج ولو ما يحبج ما كلمني يترجاني اتدخل يخاف يفقدج هو ما قالها السالفه بس قال انه اغلط علي واني بروح بيت اهلي قالت شوفي انا ما البي اتدخل في خصوصياتكم هذا شيء بينج وبين ريلج بس بقولج هو ضربج ؟ قلت لها ليته ضربني ولا سوا اللي سواه قالت تعوذي من بليس انا اعرف انج تحبينه مثل ما هو يحبج انتي عطيه فرصه وصدقيني ماشي يضيع عند رب العالمين ياما صبرنا ع رياييلنا وانتي سنعه ومره وفيج خير ومن هالكلام قلت لها انا تعبت منه ما عاد اقدر اكمل معاه اخوج ما يستاهل اللي اسويه معاه المهم اتصلت
اكمل كم اتصلت عليه وعلى طول جانا وقعدنا مع بعض تم يتسمح مني قدام اخته بس يتكلم بشكل عام ما دخل بالخصوصيات ع اساس ما يطيح من عينها بس هي شكلها فهمت نوعا ما لانه يكرر انها نزوه وانه يحبني وما يقدر يستغني عني ووو المهم رضيت وانا صج للحين شايله بقلبي عله بس منحررررجه من حماتي حسيتها اسلوب ضغط قوووي علي وانا وااايد استحي والله اني استحي خصوصا من جماعتي بشكل عام..
ع المسا طلعني عازمني ع العشا وبدها وداني وشرالي ساعه على انه يراضيني طافت هالسالفه ع خير ومرت ايام
امم وبعد هالسالفه دخلنا بموضوع جديد..كنا نتابع التلفزيون وبعدين هو نام وانا اشوف التلفزيون وتلفونه كان ع السايلنت بس شفت شاشته تولع وتطفى عرفت ان فيه اتصال قمت ما قدرت اسيطر ع نفسي من ممكن يكلم هالحزه عاد كانت الساعه 3 الفجر شفت الرقم وكان من دوله خليجه من ؟؟؟ هالحزه؟؟؟ بدوون اي مقدمات اتصلت ع نفس الرقم من جوالي ماعاد فيني صبر انتظر لبكره ورد علي من تتوقعون ؟؟ ولد اخوه ههههههه آخ انقص ويهي بس ع اساس انه ما يعرف رقمي قلت آسفه غلطانه بس خفت لا يقول لريلي وفعلا قاله واليوم الثاني سوالي حفلللله هواش وصراخ وانتي فشلتيني وانتي وانتي ووو اعتذرت وايد بس ماكو فايده ههههه احسن خله يحترق شوي مثلي وتم مبوز يومين لين شرين جوال جديد ورضى ومرت هالسالفه مثل غيرها وانا قلت له لنه هو اللي خلاني اسوي جذي من معاملته لي ما عاد صرت اتطمن له المهم ولانه يعرف اني معذوره عدى السالفه وتراني كنت غلطانه فشلللله اتصل ع الريال …
المهم بعد كم يوم وصلو اهلي بالسلامه وتعرفون عاد عزايم وذبايح ووو كان يوم خميس وصلني لهم قالي انا بوصل للسعوديه رفيجي يبي له اغراض وبخاويه وباجر برجع خفت لاني ما اصدقه رفضت قال انا بس ابلغج ما اخذ رايج قلت الله يحفظك واصلا فرصه ابي اتم عند اهلي .. بس والله ان جوفي محروووق من داخل لاني عارفه ان مقصده موب السعوديه وبيروح وراه وخصوصا انه يوم خميس..
نزلت عند اهلي وحول جواله طبعا ع اساس ما اكشفه من النغمه وتميت محروووقه وع طووول عرفت انه كذااب حرررني يرد علي بالمسجات بس مايكلم وكنت عارفه ان عنده صوت مايبيني اسمعه يقول ماعندي اللا شباب كذاااب طيب لو صادق ليش مايرد كاهو في الدوحه يرد وعنده صوت شباب ايش اللي اختلف؟؟
المهم سبحان الله شوفو ربي كيف ربي باغي يفضحه قالت لي شغالي ان دوا ولدي نسته في البيت وكان مضاد حيوي مجبور ياخذه بعد ساعه قلت خلاص برجع البيت اخذ الدواء ووصلني اخوي لان الوقت كان متأخر وصلني اخوي ولقيت عمتي وتيمت معاها شوي وطلعت لقسمي باخذ الدواء لقيت الدنيا معفوسه كانت البدلات طالعه من الكبت والحاله حاله عرفت انه رجع للبيت وغير ثيابه وتراه عيب ومنقود عندنا الرجال يلبس بدله اللا لو كان بالخارج يعني للضروره القصوى بس دوله خليجيه وبدله؟؟؟ مال امها داعي ,,,
ههههه حسسني انه مسافر لندن آآآه فديت ابوي من قبل لا اتزوج واحنا نروح لندن وحتى البدلات ما طاحت على جسمه ومن عرست لا سفر ولاهم يحزنون اذا كللش والله كتب دول الخليج.. <<ادري طلعت من الموضوع بس ابي اغير شوي
المهم اخذت الدواء وانا طالعه رجعت بسكر المكيف شفت المفاجأه جواله الثاني ع الطاوله نسااااه وليته ما نساه ..خذيته معاي لان اخوي تحت ينطرني
نزلت وانا على اعصابي ابي اوصل للبيت بسرعه ابي اشوف شو مخبي لي هالجوال من مفاجآت دخلت البيت وعطيت ولدي الدواء ونام وخواتي كل وحده سرت لبيتها وتميت مع امي وابوي لين نامو وقمت انا بمهامي الخاصه اول شيء فتشت الجوال لقيت فيه بلاوي بس بتواريخ قديمه اللي يهمني الحين هالرساله الاخيره من حقيره بنفس الدوله الخليجيه اللي يتعنون لها هالشباب للي يدورون الخرابيط كانت كاتبه له ( اذا تحبني صج تعالي الليله ويبين اذا انت صج تحبني وما تتسلى) قالها ( بثبت لج الليله) آآآآآآآآآآآآه يالقهر شوفو بنات القهر طيب ليش ما قالو هالكلام بالجوال ليش بالمسجات واللا هي سالفة قراده وعوار قلب ؟؟ والا حظي النحس هو اللي يطيحني ع هالشيء؟؟؟؟ وسالفة ان شغالتي تنسى الدواء هذي لا ع البال ولا ع الخاطر انا منحووووووسه … آه يا قلبي محترق جوفي حسبي الله ونعم الوكيل..
المهم كانت الساعه 5 الصبح طبعا ما قصرت بالصياح لين الصبح وعقب قلت ستوب خلاااااص ما عاد اقدر راسي بينفجر بنات حاولت وحاولت وحاولت انام بس هههه حامض على بوزي انام بس الم ولدي وهو نايم واصيح …
اتصلت ع الحرمه هذي.. بس ماردت علي كان الوقت الصبح قلت يمكن نايمه حطيت راسي ع المخده شوي واللا توصلني رساله فزيت فتحت المسج لقيتها تسأل من ؟؟قلت لها ان انا وحده ابي اكلمها ضروري واني عندي شيء لازم تسمعه مني اففف تمت تتمادى شو تبين اكتب بمسج وو ليييين اقنعتها وردت ع اتصالي امم سمعت صوتها حسيتها قويه قعدت اتكلم وياها فهمتها ان هذا ريلي وانه يلعب عليها قعدت تضحك شوفو الوقاحه قالت قصدج انا اللي العب عليه افففف ما احقرها .. والنذل هو والله اللي وصلني لمرحلة اخذ واعطي مع هالاشكال المهم قالت اني كسرت خاطرها افففف حسيت ان موقفي موب شيء واني جدااا ضعيفه بس انا صاحبة الحاجه قلت لها متى آخره شفتيه قالت البارحه تذكرون يوم كان يراسلني بالمسجات كان جنبها قاعد بالسينما قالت اسم الفيلم (قصاصات ورقيه) ووقالت وايد تفاصيل تعووور القلب عن زوجي .. المهم قالت لي انه ازعجها ع الخط الثاني لانه ساكن بفندق الحين قريب منها ع اساس انها بتروح له بس هي غيرت رايها وهو ينتظرها وانه يتصل لها الحين قلت لها تكفين اجمعيني فيه لني قاعده اتصل فيه ويعطيني محول الجهاز قالت انتظري شبكتنا وانا بالغلط تكلمت قلت ما اسمع عدل هو الظاهر سمع صوتي معاها بالخط وسكر الخط في ويهنا وتمينا انا واهي نضحك طبعا كالعاده €>> اختكم في الله تضحك على تبكي موقف بااااايخ انحطيت فيه
الحبيب ولا كأن شيء صاير ولا رد للدوحه ولا شيء وتم هناك لين السبت ولا مسج ولا غيره ارسله مسجات اسبه فيهم ولاااا رد علي بحرف لين يوم السبت
باااك رجعت لكم في وقت قياسي هههههه
فديت ابوي ودا عيالي للحلاق كنت بروح معاهم بس رفضو خخخ خايفه ع عيالي حد يتوحد فيهم اممم بس قالو شباب وايد هناك من جذي قلت ارجع اكمل لكم والله يستر على حلاة عيالي لا تخترب ههههه
خلونا نرجع لباقي القصه اممم كان يوم السبت بعد الاحداث اللي صارت وكان الوقت اللي مقرر يرجع فيه قبل يسافر بس من روح ما عاد سمعت صوته انا لميت اغراضي وشليت ولدي ورحت للبيت ارتبه واتجهز ع جيته وكنت فووووول عليه بس ابي اطلع حرررتي ع الموقف اللي مثل ويهه والمكالمه الجماعيه احس صادني تبلد بالمشاعر من كثر ماصدمني بس ابي أأدبه براويه اني قويه او بالأحرى بحاول اني ابين له انه ماعاد يهمني واني بس احاول افشله في رفيجاته ..
امممم كان الوقت 8 وانا كنت متصله ع القطريه وقالو لي ان حاجز الساعه 9 ونص تميت احسبها ببالي يعني من 9ونص لين 10 ونص ع الاقل بيكون بالطريج وانا قاعده اقلب بجواله الثاني اللي بيدي ولقيت رقم ذيج اللي طلبت منه العطر تخيلو اتصلت عليها هههه قلت اخررربها مره وحده يمكن تنصلح ع ايدي كلمتها وما ردت وبعد طلعت الروح ردت صوت انثوي بكل ما تحمله الكلمه من معنى حسيت اني ريال وانا اكلمها وتتمااايع قهرتني تكلمت معاها وقلت لها اني قريت رسالتها في جوال ريلي وانها بتكون السبب في طلاي ومن هالكلام قالت ما اعرف ريلج ومن هالكلام المهم هو كان مغير اسمه عندها بس من خلال الوصف عرفته قالت سكري شوي وبسوي لج تليفون بعد دقيقه انا ع بالي مشغوله قلت اوكي موب مشكله سكرت منها واتصلت ع جواله لقيه للحين محول شوي واللا يوصلني مسج منها …
اقسم بالله بغى يغمى علي والله اني دخت وحسيت بلووعه شيء مب طبيعي ورب الكعبه حسيت بينزل البيبي من الخرعه كانت ….. مرسله لي صورة ريلي آآآه يالقهر وهالصوره كانت من تصويري انا كنا بالامارات كنا بالمنطقة الثلجيه وانا كنت مصورته آآآآه يالقهر اصورك وانت ترسلها للحثاله بس مب منك من اللي يشيلك فوق الراس..
والله ما عاد انسى هالصوره لين اندفن كان واقف ع الجسر اللي بالمنطقه الثلجيه وكان يولي هالصوره وايد يحبها لاني انا مصورته ..آآه ما اقساها من ذكريات ع قلبي انا احبك يابو فلان ليش جذي تسوي ليييييش؟؟
طلعت اركض من غرفتي رحت انادي ع اخته اللي كبري دخلت معاي للغرفه شافتني في وضع ما يسمح لي اتكلم قلت لها شوفي فلانه هالصوره وفتحت لها جوالي وانا كانت دموعي تنزل والله ما كان يطلع مني غير الشهيق ما كنت ابكي كنت احاول اسيطر ع نفسي ما ابغي ابكي ما يستهالون ابكي عشانهم انا اقوى منهم آآآآآه ليش اكذب عليكم لا انا موب اقوى انا الحين منهاره منهااااره كنت اصرخ ع اخته مسكينه ما تكلمت كانت بس تطالع وكأنها فهمت لاني اقولها بعضضض المواقف بعضها موب كلها لان فيه اشياء احس بطيح من عينها وبصير بدون كرامه وبتحس اني رخيصه لان محد يرررحم لا قريب ولا بعيد..
المهم قعدت تهديني وقالت رقم من هذا ؟ قلت لها اسألي اخوج الخاين..شوي وبكمل
المهم كلمه مني وكلمه منها واتفقنا ان هذي حرب وانا لازم افوز فيها واني لازم اطول بالي وانه صغر سنه يخليه يخطي مثل هالاخطاء وان التضحيه مب ع سواد عيونه بس عشان وليدي وعشان البيبي وان اهم شيء نفسيتي لاني الفتره الاخيره كللش موب مترقعه من صدمه لصدمه ما حسيت بالاستقرااار وانا لو جيتو للحق انا ما كنت ابي اتطلق الطلاق شيء موب سهل وما ابي احد يتكلم وما ابي اشتت عيالي ..
بس كان الثمن صحتي وتفكيري وعقلي وع حساب نومي اللي احس مبطيه منه ما زمااااااان ما ذقت طعم الراحه والاستقرار..
امم المهم اتقفنا ان حنا نرد ع الحقيره اللي ازعجتنا شوي وبرجع كم وانتظر ردودكم
اكمل لكم
انا اتصلنا فيها وكان رقمها وااايد متصله فيني ومرسله مسجات تقول ردي ضروري المهم اتصلت عليها وخليته ع الاسبيكر وكات حماتي عندي تميت اتكلم معاها ع طول اعتذرت قالت انها بس كانت مرسله الصوره ع اساس تتأكد اذا هو نفس الشخص او لا ؟ قلت لها ايه هو قالت انه كاذب عليها حتى بالاسم .. وكان مغير اسمه وقالت وايد كلام عنه مخصه انه يلاحقها بمسجاته وباتصلاته وانه ما شافها غير مره او مرتين وسألتها عن العطر داليا وعن سالفته قالت هي صج كانت كانت مرسله له مسج عشان يتأكد لها من سعره بس هو شراه لها بس هي ما خذته لانه شكت بنيته حاول فيها يعني يجرجرها للفندق عشان ياخذ مبغاه وانه كان يحلف لها اسمحولي ع هالكلمه انه كان يحلف لها انه ما يخربها انها كانت بنت و(والعهده ع الراوي) لاني مهما كااااان ما اصدقها اذا صج بنت او لا .. وحده تمشي بهالطريق الله يستر علينا.. المهم انها رفضت تاخذ العطر (الحين عرفت ان الهديه اصلا كانت رفيجته عايفتها فعشان جذي عطاني اياها والحمدلله ما استخدمته لاني والله بكره عمري) وسكرت من البنت وقالت ان هي من الاصل كانت واثقه بعد هالحركه انه لعااااب وراعي بنات ..
وبعد هالمكالمه خذيت العطر وحماتي تشوفني وفتحته وصبيته كلله تكرمون في مغسلة حمامي حسافه حتى حد يستدخدمه ..
قررت في هاللحظه اسكر هالموضوع خير شر وابتدي من جديد وما اناقشه كلللش وحتى سالفة البنت اللي بالمكالمه الجماعيه ما بفتحها معه يمكن هالطريقه تنفع معاه لان المواجهه والبكي والصراخ ما خذيت منه شيء قلت بجرب هالطريقه سكرررررت كل الابواب وخليت باب ربي وحدددده مفتوح .. لجأت لرب العالمين في صلاه خاااااشعه ونسيييييت الكون بكبره كرهههت كل لحظه خليتها تضيع ببكي وحزن ع انسان خالي من المشاعر انا عايشه لناس احبهم ويحبوني وعشان ولدي واللي ببطني
المهم صارت الساعه 12 والحبيب ما بين وانا ما اتصلت عليه
كنت مرتااااحه وايد دخلت فراشي وغفيت كان عندي دوام باجر غفيت لين الساعه 2 وعقب توعيت خفت ما دريت كم ساعه نمت وشفيه زوجي ما بييين فتحت جوالي بشوف كم الساعه وسبحان الله مع فتحتي لشاشة جوالي اللا وهو داخل جاني طااااير بدون حتى كلمة سلام وسحب مني الجوال ومع سحبته بقوو طاح من يده وانفتح حتى البطاريه طلعت ما عرفت ايش صاير؟؟
خير خير خير ايش صاير صرخت خفت ما عرفت ايش صاير
قعد يصارخ علي بقو وولدي نايم من كنت تكلمين؟ قلت له والله ما اكلم احد بس كنت بشوف الساعه انت خرعتني ليش من تتوقع اكلم؟؟ تشك فيني يا فلان انا ؟؟ وليش تحسبني مثلك آآآه قعدت ابكي من الظلم حسبي الله ونعم الوكيل عقب غير السالفه لاني انهرت من جديد منبطه جبدي منه حددي قال عشان تحسين باحساسي يوم اتصلتي ع ولد اخوي وكنتي شاكه فيني قلت له انا من حقي لاني اصيدك مليون مره وانا وانت غير انا مثل قطعة الشاش اذا تدنست خلاااص ما عادت اصلح حتى لو سويت المستحيل وياليتني ما قلت له هالكلام خليته يثق فيني اكثر آآه ليتني عيشته بقهر وقلق طول حياته مثل ما هو معيشني ليتني خليته يذوق من نفس الكاس .. تدرون شو قال ؟؟ قال هذا اللي الي مخليني مثل الطير وييين ما اروح اكون متمطن ع عشي لانج فيه وتخافين عليه آآآه يالغصه آآآه يالقهررر..
سكت وعطيته ظهري قلت له خفت عليك وينك تأخرت قال والله من زمان جيت من السفر (وانا بيني وبين نفسي كنت اقول ادري من الساعه 9 ونص ع حسب كلام الخطوط القطريه واللي أكدو لي حجزك ) بس سكت شفته قلت وليش ما رجعت ما تدري اني احاتيك وجوالك كله مغلق (وارجع اقول بقلبي اقصد محول ) مقهووووره ولو ما تكلمت بقلبي كنت انفجرت قال ادري بس كنت ابي اشوف غلاتي عندي وكلام باااايخ وقعد يغايض بكلام مثل ويهه وانا محترررره سكت وحطيت ويهي وبويهه ولاول مره اسوي هالحركه وعيني بعينه قلت له انت ليش تسوي فيني جذي؟؟ انت تكرهني؟؟ طلقني موب مجبور مع وحده ما تحبها وتدور عاللي يوجعها ليش تعذبني جذي؟؟ انت تعرف من انا ومن ابوي؟؟ رد علي لا تسكت ..انصدم هههه تبون الصج ما ادري من وين جاتني هالقوه ع هالكلام وما ادري كيف قلته بس اللي غاااضه اني كنت هاديه وما كنت اصارخ ههههه شكلي كان يخررع من الفير الشعر كشه والمكياج شايلته من بعد سالفة الحقيره اللي طرشت علي صورته.. المهم سكت وحاول يتقرب مني بس انا صديته قلت له وخر بنام تعبااانه وراي دوام واللي جاني اليوم بالذات يكفيني ما عاد فيني اتحمل ع عمري ..قال انا احبج وما اتخيل حياتي بدونج وانتي عمري وانا ووو كلام وايد وانا صاده عنه قلت تصبح ع خير بس بقولك شيء انت الي هالمره اتخذ القرار اختارني او اختار الطريق اللي انت تمشي فيه ولا تخااااف من اي قرار لا من عيال ولا من اهل .. بالنسبه للاهل انا اوعدك محد يعرف بشيء ابددددا مجرد نصيب ووقف اما عيال اللي تبيه هو اللي بيصير تبيهم نص الاسبوع عندي ونصه عندك تبيهم عندك تبيهم عندك على كيفك انت فكر ع راحتك وقرر ومن الحين لين تقرر انا بكون ببيت بوي عشان ما اضغط عليك قال لا نامي هنا وانا بقولج قراري قلت اسكت لا تقرر الحين سكت قال بس عطيني هالفرصه خلينا ننام الحين وبعدين نتفاهم باجر او بعده رفضت قلت ع الاقل بنات بالغرفه الثانيه قال موب مشكله…
انا نمت بالغرفه الثانيه مع ولدي وطول الليل ما كنت نايمه بس امثل اني نايمه وكنت احس فيه يدخل يطالعنا يحاول يسوي ازعاج يبني اقعد بس ما عطيته فيس سويت اشكل ..
المهم غفيتلين اذن الفجر هههههه وسبحان الله انقلبت الايه بدال ما اقعده للصلاه هو اللي قعدني للصلاه وشكله وااايد تعبان سهر وقلة نوم وفوقها جاي من سفر ولا نام وشكله فكر وايد بالموضوع او ع الاقل هزيته بكلماتي شوي
المهم خواتي لين هنا الامور تمام ..
لين طلعت لنا سالفة الدوره اللي من الدوامات عاد اخوي وولد عمي كانو من بينهم مناحسات لا ن ولد عمي ريل اختي ودايما تكون فيه مقارنات ولد عمي ريال بكل ما تحمله الكلمه من معنى وراعي قنص وبر وحلال للعلم تراه اصغر من ريلي ب7 شهور بس اللي يشوفهم يقول اكبر ما شاءالله عليه حتى الطياره ما عمره ركبها غير لهذي الدوره اللي ترشح لها ..
ومن سمع ريلي بهذا الخبر وهو موب صااااااااحي كللللش لا ليله ليل ولا نهاره نهار وما بقى واسطه على وجه الارض مادخلها بالموضوع كل هذا عشان يترشح معاهم للدوره ع قولته هم مب احسن عنه المهم الله كتب ووفقو عليه … عاد كلهم جهزو للسفر وقعد يحن علي ع أساس اعلمه ع الماسن هو ما يعرف له حده شات ..
علمته وعلمته وعلمته (لما اشتد ساعده رماني) اول ما تعلم ركب ع راسي وهذا اللي كان مخوفني منه وعلشان اوضح لكم انا عندي رقمه السري مال الايميل..
وعندي ايميل كللللل البنات اللي يراسلهم وعندي ارقام كلل البنات اللي كلمهم ايش رايكم انشرها وافضحهم هههههه
المهم بعديومين بالضببط من دروسي له ع الماسن واللا اللاضافات اللي انهلت ع ايميله خير؟؟؟ ايش صاير ؟؟
وانا كنت ببيت اهلي وفاتحه ايميله بشيك بشوف شخبار الوضع عنده لان الريال صاير يحرس المجلس وياخذ لابه معاه واللا اشوف العجب اعجاب وسبحان الله لو عرف السبب بطل العجب قلت ما عليه انا بتصرف قبل يسافر
ولاني اعرف انه غشيم بالكمبيوتر طلبت لابه ع اساس اني افرمته عشان يصير اسرع وارتب له البرامج اللي بيحتاجها اذا سافر جاب اللاب من المجلس واللا افتح ع سجل المحادثات واخلي وحده من محادثاته مع بنت ع الشاشه مفتوحه ورحت للحمام لله يعزكم ع اساس اني مشغوله لانه كلمني تحت جايب الطلب من المطعم واكيد بيشوف انا شسويت باللاب ههههههههههه وانا بالحمام اتخيل منظره المهم طلعت لقيته مسكر اللاب توب وشكله متفششششششل حاول يجيس النبض وانا ابين له اني ما اعرف اييي شيء خخخ عاد شوفو انواع العبط كيف يرتبك يوم اجيب سيرة الماسن وانبهه واسوي حركات يخترع منها بس ما قلت له كللل شيء وعدا الموقف تدرون ليه لاني مسحتهم كلللهم وخليت بس الشباب وطبعا معرفه ايميلات الشباب باسمائهم او القاب هتلر وما اعرف شو والبنات الحلا محتويني واحلاهم ووو ومن هالخرابيط اللي ع طول يبين انهم بنات سويت لهم دليت ههههه لاني اعرف ولا بالاحلام بيقدر يضيفهم غشيييييييييييم بس اموت واعرف كيف قدر او اقصد من اللي ضافهم له لانه ما راح يعرف هو بطبعه ما يحب الكمبيوتر بس يحب سلبيات الكمبيوتر
المهم الجماعه سافروا وكانت مدت الدوره 40 يوم وانا واختي طبعا بنقضيها في بيت اهلي ع اساس ان رياييلنا مسافريين وكانت فتره شوي نغير جو ونتجهز لرجعتهم مع بعض …
وطبعا مرت الفتره وكان دااايما يطلب مني احوله فلوس وكان فيه تجججج كبير بينه وبين اخوانه لان محد منهم حووله وما اعرف شو مشاكل بينهم مفادها ان قلوبهم موب على بعض بس انا هالمره شوي تضايقت لان انا بعد محتاجه لهلفلوس اللي قاعده احولها احتياجاتي واحتياجات ولدي وتجهيزاتي وغيره بس كنت اضغط ع نفسي عشان ما اتخلى عنه هو اههم من هالاشياء بدل ما يتفشل في الرياييل اللي عنده لو انا ما حولت واهله ما حولو من بيحوله؟؟
المهم مرت الايام وانا قلبي يعتصصصصر من الوجع كل يوم والثاني ضايف لي وحده شكل
ههه اللي يضحك اني كنت لما اتأكد منه انه خلاااص نام ادخل الماسن باسمه واخفي الشباب ع أساس ابين لهم اني غير متصل واتم اسولف مع البنات وبقولكم سوالفي معهم اذكر فيه مره من المرات كنا انا وياه نسولف مع بعض بالكام والله اني كاشخه حدددددي ومكياج وكروسيه وريححححته للآخر ع اساس اسد عينه عن الحرام بس بدووووووووون فايده ههه كان هذاك اليوم مستعجل وكل شوي يبي يسكر مني يقول يبنام سكت عنه ههههه وطلعت ودخلت باسمه ولقيتها اللي مستعجل يبي يصرفني عشانها وطلعت بسررررعه لانه للحين كان يكلمها تدرون شلون عرفت؟ لاني اول ما دخلت انفصل عنده بس هي يوم شافتني دخلت قالت شفيك حبيبي شليت صورتك وحطيت صورة هالبطه كانت البطه الصفراء اكيد عرفتوها خخخخخ جان اطلع بسرررررررعه واترياه ينام عشان استلمها
خلوني ابين لكم نقطه يا خواتي قبل ما تعصبون علي ما ذكرت هالنقطه شوفو انا اضطريت اعلمه ع الماسن عشان نقدر نتواصل وياه لما يكون مسافر وكنت ضايفه له اخته في القائمه لاني بكون ببيت اهلي وما راح اكون في بيت جماعتي فهمتو؟؟ يعني عمتي اللي هي امه وقت ما يبغي يشوفها ويشوف اهله يكون عارف كيف الطريقه لان اخته تعرف تشبك بلابها وتخليه يشوفهم وبنفس الوقت انا لما اكون ببيت اهلي اقدر اشوفه ويشوفني امم طبعا انا كان عندي عادي استغنى عن انه نشوف بعض بس الاحراج اهله … يحرجوني وهم ما يعرفون ولدهم كلللل شيء عنده يستخدمه غلط ذبحححني وتعبت معاه .. وع كل حال هو بيكون بنفس السكن اللي اخوي وولد عمي فيه وهم يعرفون للكمبيوتر يعني ايزي يتعلم منهم فقلت اعلمه انا احسن .. بس ما علمته كيف يضيف بس ضفت ايميلي وايميل اخته واخوانه كانو مرسلينها له بمسجات وهو ارسلها لي فهمتو؟؟
اما بالنسبه للحوالات فلااااااااا تلوموني كللش اللي صار صار وهو سافر خلاص واهله تبرو منه او بمعنى اصح ما حولو له شيء وهو محتاج والله ما اخليه جذي جدام الرياييل هذا شيء ما يخصه باللي يصير بينا كللش هذا الحين ابو عيلي قبل كل شيء ما بخليه ينقص ويهه لامن اهل ولا حرمه؟
مستحيل فقلت بفرج عليه ورب العالمين بيفرجها علي لانهم كانو يتحاططون بالسكن وبالاكل وبكلل شيء ..
هذي النقطه اللي خلت بعض البنات يعصبون علي فقلت ابينها لكم افضل
فدددديتكم بنات وفديت ردودكم
المهم انا وين وصلت؟ ايه لما كان مسافر الدوره انتظرته ذاك اليوم يناتم وانا اغلي اباه ينام بسررررعه ابي اتفرغ للحقيره اللي علقت ع البطه الصفراء ولما كلمته ع الجوال رد ويسوي نفسه نايم قال هااا ويمثل يمممه منه كل شيء سواه حتى التمثيل هههههه وانا بيني وبين نفسي ادررررررري انه كذاااااااب وانا قايم بس يسولف وياها قال يله نامي وراج بكره دوام مدام ولدج نام وريلج بعد نام شو تنطرين؟ نامي يله وتحملللي تدشين ع الماسن تراني براقبج بين فتره وفتره وبشوف نصاااااااااااااااب والله انه نصاااااااااااب هو اصلا كان خايف اني ادش واشوفه اون لاين واعرف لانه ما يسوي لي حضر او بالاحرى ما يعرف من جي قال هالكلام وانا قلبي تقطع من كلامه غثننننني قهرررررني خفت اواجهه وبكل سهوله يخلي احد من الشباب اللي عنده يسوي له واحد يديد متتتت من الحره يديني مقيده مافي يدي غير اتر ياه ينام طبعا انا كنت فاتحه الماسن وارقبه يطلع من هني بعرف انه نام بس هو ما يدري لاني مسويه له حضر بس انا اراقبه وهو ما يعرف المهم تم له ساعه وربع تقريبا وطلع وبعدها طلعت وقعدت تقريبا ساعه وعقب اتصلت ع اخوي وسألت عن ريلي ابا اتأكد اخاف يطب علي بأي لحظه قال اخوي انه نايم واذا فيه شيء بقعده من نومه لانه توه نايم قلت لاااااااااا دخليك لا تقعده انا بس ابي اسولف وياه ههههه ( وانا اقول بقلبي ما صدقت على الله ينام تروح تقعده؟
المهم دشيت من ايميله والله اشوف الحقيره للحينها اون اين هههههه اسانست انها للحين ما طلعت شوفوني كيف مثلت شخصيته عشان اقدر اتفاهم وياها سكت ما تكلمت لاني ما كنت اعرف ع شو اتفقو بنهاية المحادثه (خذو مني افكار يمكن تفيدكم بيوم من الايام الله لا يحوجكم لهذي الافكار بس صدق الدنيا علمتني اشياء وااايد)
المهم تكلمت هي شو حياتي مانمت؟؟وبعدين غير البطه (قصدها الصوره الجانبيه) ابي اشوف عيونك الحلوه لا تحرمني منها..اففففف انقهررررت وحسيت الدخان يطلع من اذني خساااااره وراس عيالي لو اني ما مسحت محادثتي معاها كان نزلت لكم النص بالضبط … بس خفت يطيح عليه احد ..
المهم رديت عليها وانا اضغط ع نفسي قلت لا حبيبتي حاولت بس تفكيري فيج ما خلاني انام ( اف يلعن ابو الاسلوب )
صرت امثل مثله .. المهم قات لااا فديت روحك لا تخليني اوقف بطريق دراستك ابيك تاخذ الاول ع دفعتك كالعاده (ههههههههههههه يقص عليها قايل لها انه دراسه وانه ياخذ الاول ؟؟ هذا حتى دبلوم ما عنده ومتنحححح وبطلعة الروح اخذ ثانويه درستتتتته لين انكسر ظهري يالله يالله نجح ودرجاته ع الحافه) تمالكت نفسي بس قلت لها ابشري ان شاءالله ربي يساعدني واقدر.. تميت ساكته وهي ساكته حسيتها مشغوله مع احد غيري استغفرالله او لاهيه بشيء كانت بس ساكته..
وانا من قبل كنت فاتحه ع اليوتيوب ومجهزه مقطع حق نبيل العوضي لما نزل بنفسه للقبر وكان يتكلم عم وحشة القبر حسيته مؤثر وااايد ما اعرف اذا شفتوه او لا بس انصحكم فيه والله انه يوقف شعر الجسم..
المهم قلت لها حبيبتي اكلميني عن نفسج .. قالت واحنا من ساعه ايش كنا نقول لبعض .. انا هني توهقت قلت بعد ابي تفاصيل اكبر في حياتج قالت انا تكلمت عن نفسي وايد انت تكلم عن نفسك .. شكلها تصررفه تبي تلهى مع غيره وهو اذاها خخخ جذي كان تفكيري.. المهم قلت لها امم طيب خليني اشوف صورتج ما اعرف من وين يبت هالطلب كنت ابي اهددها فيها ههههه ع بالي بتراويني الصوره بسرعه قالت حبيبي انا قلت لك مليون مره ماعندي صور بالجهاز والجهاز مافيه بلوتوث ع اساس ارسلك .. اممم قلت طيب خلينا نركب المايك ابي اسمع صوتج ع فكره ترا مايكي خربان ما بتقدرين تسمعين صوتي بس انا اقدر اسمع صوتج (قلت لها جذي عشان ماتقولي تكلم وبعدين اتوهق ) قالت بللل عليك متى اخترب توني كنت اكلمك بالمايك آآآآآآآخ يالقهر يعني كان يكلمها بالمايك قللت ما ادري عنه حاولت فيه وما يستوي المهم سكتنا شوي وانا ما فقدت القدره ع السيطره كنت لين هني اوكي وعقب كلامها الاخير تأثرت وايد وانجرحت اكثر طعم الخيانه مررر وهو كل مره قاعد يذوقني اياه اشكال واصناف ما يخاف ربه آآآه دموعي نزلت والله اني اكتب ودموعي تنزل من جذي كان يصرفني ويقولي انه نايم من جذي يابو عيالي..؟؟؟ ليش انا صاينك في حضورك وفي غيابك ليش انت لاا لييييييييش؟
المهم ما عاد قدرت استمر قلت حبيبتي بقولج شيء بس لا تزعلين .. قالت آمر حبيبي انا عمري مابزعل منك مثل ما وعدتك وانا وانا .. كلام فاضي قلت لها حبيبتي تعرفين ليش انا ما قدرت انام من شوي؟ قالت ليش قلت لاني خااايف قعدت تضحك قالت خايف كيف بتحميني لو تزوجنا قلت انا خااايف من اللي فوقنا احنا نسوي شيء غلط انا برسل لج شيء وانت شوفيه بدال المره الف سكتت انصدمت من كلامي اتوقع لانها تمت ساكته نسخت لها الرابط حق نبيل العوضي وقلت تكفييين شوفيه عدل انا وانا ريال اثر فيني وخفت اما انتي فبنت خافي ربج خافي اهلج واخوانج ياوييييييييييلج والله من ذيج الحفره اللي بينزلونج فيها يوم تموتين ماحد بينفعج خافي بج اختي انا نويت من هاللحظه اتوب وابعد عن هالطريق وهي للحين ما طلع منها بي كل كلامي يزاك الله خير وكل مره تكررها ما اعرف اذا صج تابت اولا المهم اللي أديته واتمنى من رب العباد انها تابت .. المهم قللت لها اني بمسحها وما راح اضيفها كلللللللللش عشان ما تحاول تضيفه مره ثانيه قالت خللللك انت انا اللي بمسحك وما بتشوفني طول العمر خخخ شكلها زعلانه (قلت بقلبي اذلفي) ثواني واللا ايبين عندي انها اوف لاين ومن هذاك اليوم للين عمري ما شفتها اون لاين وايميلها عندي حافظته .. المهم خلونا نشوف الحبيب ايش سوى لما ما عاد لقاها اون لاين
امم خلوني اقولكم بعدها اليوم الثاني دخلت ولقيته اون لاين هههه بس ما قالي شكله كان ينطرها ..
بس هو ما يدري انه اشوفه شابك كلمته ع جواله سولفنا شوي وسألته وينك قال شوي وبدخل الماسن ابي اشوفكم وكان يكذب لانه اولردي داش متصل من نص ساعه المهم خليته لين قالي يله دشي دخلت وسلفنا وكان خاطره ضايق …او يمكن كان عادي بس انا صار كل شيء يتهيء لي ..
المهم قعدت ارقي ايميله كم يوم وكل الاوضاع تبشر بخير … ماكان فيه اضافات جديده بس بيوم فتحت الايميل لقيت فيه رساله مرسله هو دايم يستقبل ايملات يعني اطرشله انا او حتى بعض البنات من خلال الايميلات اللي اصيدها عنده المهم لقيته ذاك اليوم مرسل ايميل استغرررررررربت كيف عرف يطرش الايميل كان كاتب بالحرف الواحد (حبيبتي اشلون اقدر اضيفج عندي بالماسنجر ؟ ) بس هذي كانت رسالته وبما اني ما اعرف شيء عن البلاك بيري فأقولكم شكل وحده حقيره تراسله من خلال البلاك بيري لان قبل هالرساله كان فيه كلام في الرساله وبالانجليزي مكتوب عليها بلاك بيري ( ع كل حال الرساله موجوده عندي ولو حبيتو بعرضها هنا ماعندي مشكله بس ع الاقل عشان اعرف اذا صح من بلاك بيري او لا) المهم انا مااااانعه منعا باتا البلاك بيري مني او منه لان ما منه اللا المشاكل وهو عاد ما يحتاج جااااهز للاستخدام السيء انا حلفت له لو هو طلع انا بعد بطلع واللي فيها فيها ولانه غيوووووووووور جدا فوافق وقال انه اصلا ما يبي لانه معقد ويذكره باللاب توب … المهم
المهم خلونا نرجع لموضوعنا انا فكرت وااايد كيف اقدر اتصرف بهالحاله وصلت لحل خطييييييير هههههه خذيت الرساله اللي ارسلها للحقيره وارسلتها لنفسي ع اساس انه ارسلها لي بالغلط وهو طبعا الله بالخير وبيصدق وفعلاااا مشت عليه لاني ارسلتها لي وكلمته ابكي وبينت له اني مصدومه وايش هالرساله ولمنو كنت ناوي ترسلها ياا..
وانت خاين حتى وانت هناك وتقول مشاق لنا وتكلمنا ع طول وانت تكذب وانا اصدقك وانت وانت وكنت ابكييي من قلبي مو تمثيل لاني اعرف الحقيقه واعرف انه خاااااين.. المهم قعد يحلف كالعاده ويحلف انه موب اهو وانه واحد من الشباب انا هنا قفلللللت معاي وسكرت في ويهه ..
تم يتصل وانا محوله جوالي ابيه يحس يتحرررك شوي بط جبدي قلت بطلع حرة حتى البنت ذيك اللي سولفت وياها بالماسن مره وحده خلني انتقم منه تميت ع هالحال يومين وكنت خلال هاليومين اراقبه مرتين بس دخل الماسن وانا اشوف بس ماكان يطول ..
المهم تفاجأت من اختي تقولي تبيني بموضوع طبعا انا واهي عند اهلي مثل ماتعرفون قعدنا مع بعض وكان فرررررررق كبير بينا هي الحمدلله نفسيتها واايد مرتاحه عسى ربي يزيدها وانا دااااااون ولا اكل ولانوم وفوق كل هذا حامل بالرابع يعني تخيلو الوضع.. المهم قالت ان ريلها كلمها وقعد يقولها انه كان مسوي مقلب ع ريلي وانا وهقه ومن هالكلام انا انصدددمت يعني كلهم عارفين انه فيه تجج بيننا وانا امثل لهم انه توه مسكر مني وان اموري وياه تمام احرااااااااج قسم بالله ..
المهم تفاهمت معاهها وقلت اني انصدمت من الرساله اللي وصلت ايميلي ..
عاد انتو انتبهو لهذي النقطه ريل اختي يبي يصلح بيننا تددخل وهو ما يعرف السالفه وماكان يعرف ان انا اللي ارسلت الرساله لنفسي كلمني وقال ترا انا كنت امزح ومزحي ثقيل وانا آسف يا ام فلان ما توقعت توصل لهذي الدرجه (فشلللله اقوله حتى انت كذااب ) سكت ومشيت السالفه عشان ما انكشف وما كان بيدي خيار ثاني (لاحظو الشباب كيف يتسترون ع بعض ) للمعلوميه ريل اختي ريااال بمعنى الكلمه بس انا فسرت كذبته اساس يصلح بينا…
وعدى هالموقف بسلام واللي يقهر زيااده يوم اتصل علي وقعد يعاتبني وانتي تشكين فيني وما تثقين فيني وخليتي العديل ياخذ عنج فكره انج ما تثقين فيني قهررررررررني احس اني بطلع من الجوال اكففففخه الكذاب …
الحين بنزلكم
عاد هذي كانت اقوى مشكله بيننا لما كان مسافر..
خلصو الجماعه الدروه وقررو يرجعون الخميس اللا سي السيد ع قولته عنده شغل ما قدر يحجز اللا بالخميس موب مشكله نبلعها له فشلللني ريل اختي واخوي بنفس الطياره للا هو المهم تكشخت وصبغت الشعر وقصيته وسووووويت اللازم كنا انا واختي نفس التجهيزات المهم وصل الاخ بالسلامه بس كان فيه شيء غامض بالموضوع تدرون شو هو؟
الحين بخبركم ..الله يسلمكم ما اعرف من وصله من المطار لمحطة البترول اما من المحطه للبيت فكان متصل ع اخوي يوصله بس السؤال اللي شتتني من وصله بتقولون دقيقه بقولكم ايه حياتي معاه علمتني اكون دقيقه فكل شيء
اول شيء اتصل فيني اخوي قال فلان من بيوصله للمحطه قلت له ما اعرف سكت شوي وبعدين قال خلاص باي قلتله لحظه فيه شيء قال لا ما فيه شيء عاد تخيلو شكلي كااااااااشخه حدي ومرتبكه من جيته صارلي 40 يوم موب شايفته وتبون الصدق كنت وايد مشتاقه له بغض النظر عن حياتنا انا كنت احبه والله اني كنت احبه..
المهم سألت اخوي شالسالفه ؟؟ قال ما ادري اتصل عليه وقاله يبيه يوصله من المحطه للبيت قال ان ناس وصلوه من المطار للمحطه ..المهم قال لا تحاتين اكيد هذا واحد من ربعه بس غريبه انه ما قالي منو هذا اخوي يقول غريبه..
المهم حاولت اني ما افكر اكثر كفايه الربكه اللي انا فيها وصل الحبيب للبيت وقضينا ذيك الليله وباجر سألته من وصله للمحطه تغير شكله 180 درجه ما اعرف ليش قال واحد من ربعي سكت قال اكيد اخوج قالج قلت ايه يعني ما يبي لها ذكاء محد يعرف انك كنت بالمحطه اللا هو قال اصلا رفيجي بعيد بته عنا فقلت له كفايه توصلني للمحطه انا بيني وبينكم استغربت اكثر منه كل شوي يتعذر وكأنه مخطي او مسوي شيء..
دخل وقت صلاة الظهر والاخ طلع يصلي بالمسجد ويسلم على اهله وانا تميت ارتب الاغراض وفتحت شنطة الجواز ولقيت جواله اللي كان يستخدمه هناك ..( اففففف مني لازم افتش بس صج ما احب اكون مغمضه عيوني ابي اشوف الحقيقه حتى لو هي مرره)
تدرون ما فتحت الصادره فتحت ع طول المرسله خفت يرجع يتذكر الجوال وبعدها ما اقدر افتش مره ثانيه كانت آخر رسالتين جمررره في صدري توه حناي لكتفي وحنا رجلي للركبه والحاله حاله والشوق والحب اللي استقبلته فيه حراام والله حرااااام معقوله ماكان مثل احساسي اتجاهه؟ معقوله كلامه لي البارحه كله كذب ؟؟ لا مستحيل هو نزلت دموعه اول مالمني انا وولدي بس معقوله دموع كذب؟؟ لا لا ما اصدق فيه انسان اقسى منه
تدرون شو كانت الرسالتين الاولى ( حبيبتي انا بالمطار الحين تعالي صوب البوابه رقم 4 ) يااااااه ما اقساها من رساله وآآآآه من لوعة الجرح هذا والله اني ابكي الحين وانا اكتب اففف ليش جذي لييييش؟ والرساله الثانيه (حبيبتي انا الحين بالطياره ) وكانت مرسله لنفس الرقم ..شو اقول بس شو اقول شووووووووو اقول؟
والله ان نفسيتي تعبت الحين حيييل صعبت علي نفسي يلعب بعواطفي وعنده بدل الوحده الف يعوضونه عني .. انا شنو بحياته انا مجرد تسليه؟؟ واللا هو فاكرني انه لو لف الدنيا كلللها ورجع بيلقاني بنفس مكاني؟؟
انا ذيك اللحظه مجرد حطااااام انسانه تصطنع انها سعيده ماتبي تشغل اللي حوالينها فيها ما تبي تأذي حد من اللي تحبهم ويحبونها اتطلق؟؟ لااااااااا شو اتطلق وولدي واللي ببطني ؟؟ لا لا مستحيل هذي اكيد نزوه وطيش وبيرجع لي وبقعد اضحك ع هالايام اللي انا فيها الحين صرت اكلم نفسي هالكلام بيني بين نفسي لين ما وعيت اللا باب الغرفه ينطق رديت قال انا وبسررررعه شفت اغلب المسجات من وحده اسمها حلا وشكلها من الزلمات من اسلوبها بالكلام ما قريت له اللا رساله وحده كان حافظ اسمها باسم حلا وكان كاتب لها ( انا هلا مع الشباب بيحكو بحكي معاكي بعدين حبيبتي) بس وسكرت الجوال بسرعه ورجعته مكانه ومسحت ويهي كنت لابسه ملف الصلاه وفتحت له الباب وبسرعه عطيته ظهري عشان ما يلاحظ وكبرت ع اساس اصلي بس كنت ابيه يذلللللف ما ابي اشوف ويهه سبحان مغير الاحوال ماكان شعوري جذي ابدددد ما كنت ابيه يطلع قبل شوي والحين ما ابغي اشوفه كللش
امم خواتي والله اني ابكي حسيت ما بقدر اكمل بس ابي افضفض خلااااااص كفايه كاتمه بقلبي بنفجر بفجر والله
بنفجر..
شو هذا يتحرونا ما نقدر نخون؟؟ لا نقدر ونقدر نسوي اكبر من جذي بس نخاف من ربنا الله فوقي صار عادي اخونه واوجع قلبه بس خوفي من الله وسمعت ابوي واهلي قيود ما اقدر اتجاوزها ولو تبون الصج في هذي اللحظه عااادي ابيعه واعامله بالمثل ع الاقل ما بيعورني قلبي مثل الحين..
..
المهم خلونا بالموضوع عطيته ظهري وهو دخل واخذ شنطة الجوازات وطلع وكان الجوال داخله اتصل علي ع اساس انه نتغدا تحت مع اهله لانه مشتاق لهم واا م قدرت انزل كللللش حتى ما فيني اضغط ع نفسي وانزل اتغدا معاهم قلت له ما اقدر تعبانه وبنام ما نمت من يومين تم يضحك وراح فكره بعيد شوي واللا يدخل علي بالغرفه قال سلمت على اهلي ع السريع وجيت لج طاير لاني مشتاق لج وايد افففف ما اشين ويهه ذيج اللحظه كرهت كل شيء منه قلت لا انا اصلا كنت توني بنزل فشلله اهلك تحت خلنا ننزل حاول بس ما عطيته مجال زين مني بلعته وانا اتكلم معاه..
نزلنا وانا كل شوي سرحاااااانه موب معاهم حاولت اسيطر ع نفسي بس والله ما قدرت حسيتهم لاحظو افف احراج.. وبعد ما جهزنا غدا الرياييل احنا متعودين نتغدا بعدهم اذا كانو مجتمعين .. تميت انا والبنات حمياتي ونسوان حمواني نادتني عمتي لغرفتها اف حسيت قلبي طاح ببطني ما ادري ليش دخلنا وتمت تسألني اذا فيه شيء مكدرني او تعبانه او ابي انام وانا اقول لها لا بس نعسانه وظهري يعورني من تجهيزاتي امم وعقب قامت تسألني عن الحمل وبأي شهرومن هالسوالف فجأه سكت حسيت بموت لو ما تكلمت قلت يمه بقولج موضوع .. قامت قفلت الباب ههه فديتها استانست على بالها بقولها جنس البيبي واحنا دايما نخبي مثل هالمواضيع قالت ها بشري عساه ولد خخخخخ قلت لا والله ما صورت قالت اشفيج؟ اخترعت قلت يمه فلان مضايقني وايد وبدت المناحه هههههه احراج اول مره ابكي جدامها قامت تلمني عسى ماشر ايش سوا ع بالها انه ضربني او سوا شيء فيني ما در انه سوى الاكبر قلت لا يمه فلان راعي بنات وسوالف ووايد متعبني ووايد مضايقني وحتى بنتج فلانه تدري ببعض سوالفه طبعا انا اتكلم وهي كلمه تسمعها وعشره لا من البكي طبعا ذكرت لها بعض المواقف وهي تدعي عليه وتهديني وتجيب لي ماي ههه انقلبت الايه حسيت اني موقف باااايخ قلت لها ان بامكاني اروح لبيت اهلي من زمان واقولهم عن سوالفه بس انا افكر بولدي وباللي بطني بس ما يصير كل ما اسكت له يتمادا اخترعت وكأني قايله لها ببلغ عليه الشرطه ماتبي تخسر اهلي ولا تبي ولدها تنزل سمعته بالقاع وتمينا نتكلم واااايد عن الموضوع وكل شوي الباب ينطق عشان الغدا وعمتي قالت ما نبي بس هم شكو الوضع موب طبيعي عمتي ولدها ماشافته من زمان والحين مخليته واحنا مقفلين الباب اكيد فيه شيء بصراحه بعد كنت منحرجه من كل اللي برا ..
المهم قامت تضرب لي امثله واااايد ناس ان الله هداهم ع الصراط المستقيم واني لازم اتحمل وان هي بتتكلم وياه وانه ما بيحصل مثلي وانه يحبني وانه شاريني وتتعطيني امثله وايد على تغيراته وكان هالشيء بعد الله وبعدي بس يعني حسيت كلامها مخدر موضعي ع الاقل بالنسبه لهذا الموقف وعقب قالت لي اترجاج تنتظرين هالاسبوع ع اساس نفتح وياه الموضوع بعد كم يوم لانه توه راجع من السفر وهو شايل بقلبه ع اهله وايد ومحد يقدر يعطيه دروس لانه معصصصب عليهم لان محد منهم حول له فلوس في سفرته فما راح يسمع اي اوامر وممكن تكون النتايج عكسيه بيعاند ع اساس يقهرهم ع حسابي
وعقب ما طلعنا من الغرفه لقيتهم كلهم بالصاله قعدت عمتي ونادتني اقعد جنبها بس انا قلت لها اجهز لها غدا قالت اذا بتتغدين معاي باكل واذا ما بتاكلين خلاص انا بعد ما ابي ( يارب موب وقته ما اشتهيييي كلش بس حرام تاكل دواها بدون ما تاكل شيء وخصوصا هي راعية سكر وضغط ) قلت لها خير ان شاءالله وكلهم يطالعونا مريت عرليهم بروح للمطبخ وكان هو قاعد بالكرسي اللي جنب الباب اللي يودي للباب الخارجي وكانو اخوانه وخواته مجتمعين واول ما مريت عليه وقف بيلحقني قالت عمتي على وين قال بروح معاها اجهز الغدا يستضرف دمه اضحكو كلهم عليه وانا انقص ويهي احراااااااج خصوصا اخوانه قالت امه اقعد علمني بعلومك وانا طلعت بسرعه ما ابيه يلحقني اكيييييييد بيسألني ليش كنتي عند امي وانا مابعد جهزت ردي المهم جهزت الغدا وانا بطلع من المطبخ واللا هو بوجهي ياربييي قال تاخرتي كان وصيتي وحده من الشغالات انتي تعرفين شكثر انا مشتاق لج وهالدقايق ابيج قدامي (اففففف ياثقل دمه كذااااااااااااب كذااااااااااااااب ) كلامه ما عاد يأثر فيني اكتفيت بابتسامه مصطنعه.
قال شفيج ؟ ما اشتقتي لي وكلام خرابيط مفهومه انه يبين انه يحبني الكذاااااب الخاااااين وانا للاسف بدون اي استجابه .. تضايق من ردة فعلي وغير الموضوع ع طول قال امي ايش كانت تبي فيج؟ امم قلت له ابد تسأل عن حملي لان من زمان مريت عليهم تععرف دوام وحمل مثل ما تعرفون ذيك الفتره كنت ببيت اهلي فما كنت امر عليهم وايد ..
المهم عدا اليوم واليومين والاسبوع وانا اعامله عاااادي بس كنت احسسه بالحنان كنت احسسه انه لو فقدني بيخسر وااايد كنت اتمنى يبين بعينه شي من اللي اسويه وياه..
لين جا ذاك اليوم وتهاوش مع اخوانه من شراره ما اعرف شو كانت بداية الهوشه المهم تهاوشو عشان موضوع سيارات ما سيارات ومن عصبو كل واحد منهم يقط ع اخوه كلام قوي من بين الكلام اخوه الكبير تكلم بموضوعي (لاااااااااااااااا انا شدخلني ؟) يعني اخوه قاله لو فيك خير ماتروح تغازل وهاذي حرمتك اللي مثلك يصلي ليل نهار شكر لربه دام هذي زوجتك كلن يتكلم عن جمالها واخلاقها وووو وكلام وايد قالتلي عمتي اياه لان ولدها خبرها باللي صار وع قولته يبي يأدبه من زمان والحين جاته الفرصه وقال بيأدبه مره وحده لين متى وهم ساكتين عنه ..
وانا كنت بغرفتي ما ادري عن شيء والله اني اتذكر الموقف عدللل كنت آكل ايس كريم وقاعده عند التلفزيون انا وولدي ما وعيت اللا بحد فتح الباب بقوووو حشى بالله انه انكسر انا انتفضت روعه والله الحبيب داخل وعيونه يتطاير منها الشرار ( يالله سكنهم مساكنهم ) ويجيني طااااير تخيلو من روعتي حطيت يدي بيني وبينه خفت يضربني مع انه ما بينا شيء قبل شوي نضحك مع بعض .. جاني طاير وسحبني من يدي ووقفني بدفاااااشه عورني والله وسحب الايس كريم من يدي وضربه ع الطوفه عاد لكم ان تتخيلون الفوضى اللي صارت كللل المكان توصخ وانا قلبي يرتجف من الخوف ما ادري شالسالفه
ايش صار؟؟ صبري بتعرفين الحين شصار ههههه دايم مقروده انا
المهم هزني هز بقووو وهو يصارخ ليش تطلعين علي سوالف عند اهلي ونا عيوني طلعت من مكانها ما اعرف شيتكلم عنه هو كان معصصصصصصب حده ويصارخ
ليش تتكلمين عني بالشينه وتضحكين بويهي وكأنج ملاك انتي صدمتيني انا كنت مصدقج قبل بس انتي طلعتي حيه تبين تفرقين بيني وبين اخواني انتي وانتي كلاااام واااااااااااااايد كله سب وتجريح وقام يغلط ع اهلي ويسب في تربيتهم ووو وانا ابكي واصارخ واحاول اسكر اذوني بس كان ماسك ايديني بقوو ويحلف لو ماكنت حامل كان ضربني وكسر راسي ومن خلال كلامه فهمت اخوانه كلموه بالموضوع بس ما كنت اعرف ايش قالو له بالضبط وفي وسط صراخنا دشت عمتي وفككت بينا وطردته برا الغرفه وقامت تدعي عله وتسبه وتلعنه وانا ابكي ابيها تفكني ابي اروح لاهلي خلاص ما عاد ابيه ولا عاد ابي اقعد معاه
المهم قامت تهديني ودخلو خواته عندي خواته طبعا كبار وحده منهم كبر امي المهم تمو يتعذرون وانه يقول جذي عشان اخوه شد معاه بالكلام وووو لييين طخينا شوي..
المهم انا بيني وبين نفسي حسيت فيه تطور ع الاقل هالسالفه ما عدت على خير اهله شافو كل شيء بعيونهم ووقفو معاي بقوو كيف لو عرفو عن اللي فبل..
المهم ع المسا طلعت للصاله وحصلت حماي الكبير قاعد سلمت وقال ابي اتكلم معاج تم يتكلم عن اخوه تراه ياهل لا تاخذين على كلامه وان امه قالت له كل شيء واني لازم اصبر واحتسب وقالي شيلي فكرة انج تروحين لبيت اهلج بعييييييييد عن راسج وان كل شيء بيتصلح وانه ما بيخليني وبيتدخل لين اخوه يصطلب
فديتج شوواقي عساني ماخلا منج
المهم انا بكتب هالجزئيه وبنااام ماعاد اشوف بس كنت انتظر اصلي الفجر لاني نعساانه حيل
..
اللي صار انه كل مايعتدل يخرب وبزياااااااده هذا تعبني وايد مرت هالسالفه بأنه تعذر مني بعد ما تكلمنا بوضوح تام وانه تجاوز حددده فوق المعقول وانا اضطريت ادخل اهله ووو المهم كلام وايد مفاده انه حاول يركبني الغلط بأني افشي سره وان هذي مشاكل زوجيه مفروض محد يطلع عليها وقعد يتشره وانتي وانتي وانا بالعكس كنت جدا صااارمه وقلت له كل شيء وله حد وانا هذا حدي باصبر ما عاد اقدر اتحمل كل يوم بكي وسهر وحاله يكفي تعب الحمل واللي انا فيه ..
المهم مر شهر ع هالسالفه ما تخلو من بعض المشاكل اللي تعودت عليها ومن بينها ان اللاب الي سافر به كان مترووووس في سجل المحادثات بس تواريخ السفر فسكرت ع الموضوع وما حبيت اواجهه خصوصا ان الوضع بينا كان افضل نوعا ما .. وخلاااااااااص شبعت من النكد تعبت ابي افرح واعيش مثل غيري التفت لولدي وزوجي وحاولت قد ما اقدر اتناسى جراحي مع اني اشوف اشياء ما تطمن مثل مسجات من ربعه يعزمونه ع ذيك الدوله اففف شكلنا ما خلصنا من هالدوله الخليجيه وشكلها وراي وراي الله يستر منها ..
مرت الايام وكان وايد يحن علي يبي يعرف ايش جنس البيبي وربي كتب ورحت لموعدي اصور وهو كان ينطرني كلمني وانا داخل يبي يدش بس انا قصيت عليه قلت هالعياده ممنوع دخول الرجال فيها اغتاظ بس رضى غصب عنه لاني كان ودي ابلغه بطريقه احلى من ولدي اللي قبل لانه ولدي الاولي دخل معي غرفة التصوير وما تتخيلون كانت احلى لحظات عمري لما سمعنا صوت النبض مع بعض شعور راااائع بس ياليته يقدر معنى الابوه ..
المهم بنات صورت وعرفت الجنس وكان فيه عند الباب كشك ورد لان هالعياده مرتبطه بمستشفى خاص المهم خذيت بوكيه ورد وانا طالعه وخذيت منه بطاقه كتبت فيها يتربون بعزك يا ابو فلان وفلان
اول ماطلعت وركبت معاه السياره سألني عن الورد قلت لرفيجتي مربيه حرك السياره لان كان ورانا سيارات مشى شوي ووقف في الباركنات وسألني ايش الجنس قولي الصراحه لان سالفة البيبي مسكر رجله ما دشت عقلي ههههه عطيته البوكيه واشرت له ع الكرت قراها انصدم مره مرتين يالله استوعب صار جنه ياهل يضحك ويبوس يدي ومستانس كأنه اول بيبي عليه المهم هذا اليوم كان راااائع بكل ما تحمله الكلمه من معنى وتعشينا بمطعم واستانسنا واااايد في هاليوم وكنت وايد فرحانه من هالتحسن اللي حنا فيه مرت الايام وكان يوم ثلاثاء وتخيلو للحين عندي هالمسج بالجوال ما مسحته في جوالي القديم لانه بداية للألم الجديد اللي بسررررعه حسدني ع فرحتي كان كاتب ( حياتي انا والله احبج وما ابيج تزعلين مني انا يوم الخميس بسافر مع رفيجي ل… وكتب اسم الدوله الخليجيه لانه بيسوي عمليه بعينه ومحتاج حد يسوق بداله) انا دموعي ما عاد وقفت قلبي يتفطر من الالم لانه كذاااااااااب كذاااااااب هذا رفيجه كان كاتب له مسج تكفى خاوني لل.. خلنا نفلها ونستانس انا ضايق .. المشكله اني قريت هالرساله لو ما قريتها كان قلت يمكن او يجوز انه هالمره صادق انا هنا خلاص عرفت ان ما فيه فايده بيروح يعني بيروح..
بكيت ع حظي الردي كل ما فرحت بسرعة البرق ينقلب موضوعي هم وغم انا تعبااانه والله اني تعبانه ..بنات ع فكره الرساله كتبتها لكم بالضبط بالنص الواحد من جوالي كانت الساعه 3:44 دقيقه مساء كنت للحين نايمه لاني طلعت من دوامي متأخره ونمت بعد صلاة العصر حتى ما نطرني اقعد من النوم مستعجل ع تكدير الخاطر ..
كلمته بعد ما هديت حتى ما ارسلت له مسج بكيت اول ما سمعت صوته كنت محتاجه يقولي انه كان يمزح معاي بالمسج كنت محتاجه يقولي كلام غير اللي قاله صرخ علي قال طول عمرج تبكين ايش الجديد خلج تبكين لين ارد من السفر انا ريال ابي زوجتي تقولي الله يحفظك اذا نويت اسافر ابيها تقولي تروح وترجع بالسلامه ابيها تكون مره موب ياهل بس تبكي وتفكر نفكير وصخ وحالتها حاله ترى انتي محتاجه فوزيه دريع تشوفلج حل هذي موب حاله وكان يتكلم ورا بعض كأنه راديو ويووووم خلص كلامه سكر بويهي واغلق جواله عاد شوفو القهر
(اللهم لك الحمد والشكر على كل حال) اهم شيء اني قبل شوي وانا في ابشع احساس عندي كنت الم عيالي لحضني لاننا نايمين بسرير كبير بروحنا انا وعيالي وبسسسسس والرحمن فوقنا وسبحان الله تدرون ايش حسيت ربي يرد علي كأنه يقولي شوفي بشو عوضتج بأحلى ولدين ع وجه الارض هذولا سندج بالحياه سبحااااااان الله احس شعر جسمي وقف لما حسيت بهالنعمه وما احلاها من نعمه يارب انك تديمها علي وتحفظ لي عيالي من كل شر وتحفظ اهلي وعيال المسلمين اللهم آآآآمين يارب العالمين
خلوني اكمل لكم دامني موب قادره انام تدرون والله اني احس راسي بينفجر الليله من كثر ما صحت تذكرت ابشع ذكريات ع قلبي
المهم تم مسكر جواله وانا ما عدت اتصل عليه بس مقهووووووره منه قمت ولبست ونزلت عند عمتي وعطيتها خبر اني بروح لاهلي لاني اكلم زوجي المصون ومسكر جواله حسيت ابي ااطلع من البيت يمكن اقدر ارتاح شوي لو رحت لاهلي المهم شليت ولدي وكلمت دريول اهلي وطلعت وانا عند البوابه دخلت سيارته واحنا بعدنا ما طلعنا اشرلنا ووقفنا ووقف سيارته في الكراج ونزل عندنا قال خير على وين ان شاءالله؟ كنت اتكلم من غير نفس قلت بروح لاهلي قال ليش عندج شكوى ثانيه؟ يقصد لما خبرت اهله … سكت لاني لو تكلمت بكيت العبره خااانقتني خصوصا انه نبرة صوته عاليه والدريول موجود والشغاله وكلنا بالسياره وكان يكلمني من الجامه اففف سكت ما تكلمت قال طيب انا بروح انام تعبان ولو جيتي لا تطلعين صوت ما ابي احد يزعجني مواصل من امس سكت وعلى طول راح داخل كنت بهون وبرجع بس قلت ما يستاهل حتى اني ارجع اخيس النفس عشانه خل يولي ..
قلت للدريول يحرك ورحت لبيت اهلي كانو خواتي كلهم مجتمعين وجو ونااااسه وفرح وربشه اففف حاولت اكثر من مره اندمج معاهم بس داااايم اتذكر اللي صار واخاف من اللي بيصير يوم الخميس المهم والله اني ما ابالغ تهاوشت مع اختي بسبب شيء تااااااافه لانها صرخت ع ولدي وهذا ابددد موب طبعي للمعلوميه تموت في ولدي عادي لو قلت اكثر مني تموت فيه واغلب ملابسه هي اللي شاريته له بس ما ادري كيف تهاوشنا انا مشحووووووووونه من قبل اجي وتعبانه والنفسيه اللهم ياكافي ما اتحمل ربع كلمه المهم الجو تكهرب في بيت اهلي قلت اروح بكرامتي ابرك قبل اسوي شيء اندم عليه خلاف جيت بطلع وكان الوقت توه مأذن العشاء وزعلت امي قالت بتروحين ما تعشيتي؟؟ وانتي صارلج اسبوع ما دشيتي بيت ابوج.. معاها حق بس انا احس جلوسي عندهم يسيء الوضع بيني وبين اختي..
سكت ما بغيت اكسر بخاطر امي ودخلت بتعذر من اختي تخيلو شو ؟؟ آآآه يا قلبي لقيتها تصيح آآآه فديييييييييت روحها الله يلعني ما قدرت ع ريلي وحطيت الحره فالغاليه فديت قلبها جيتها ولويت عليها وصحت بصوت عالي لاني اصلا مضغووووطه والعبره ذبحتنييي وابي ابكي من اول ما جيتهم بكيت ويبكيت وبكيت لييييييييين ارتحت ومحد منهم قالي شيء ليين طلعت كل اللي بقلبي وعقب عاد استلموني انتي فيج شيء؟ انتي اصلا متغيره وانتي وانتي قلت لهم ضغط الشغل ومشاكل مع ريلي بس ما كنت ادش بالتفاصيل لان امي من النوع اللي وايد يحاتي ويفكر
مهم بنات رجعت للبيت ع ال10ودشيت بهدوووء وقعدت بغرفة ولدي لين نام ودخلته الغرفه لانه ينام معانا المهم دشيت فراشي والاخ كان بسابع نومه ركبت المنبه حق الصلاه ورقدت واول ما قعدت من النوم ما لقيته توضيت وصليت وبعد ما صيت قيت مكالمته في جوالي انه كان ع السايلنت كلمته وتكلم معي عااااااااادي وما كأن شيء صاير قال انه قعد الساعه 2 وطلع كانو الشباب مجتمعين بالقهوه ووو المهم قال تبين ريوق اجيب معاي وانا راجع قلت ما ابي بنام شوي قبل الدوام ومبين علي زعلاااانه ما ابي اتكلم معاه قال ع العموم انا اصلا كنت متصل خابرج تقومين للصلاه بس بعد اراضيج وانتي شكلج للحين زعلانه قت له ابي اسكر راسي بعورني بنام قال ع راحتج وسكر ..
المهم حاولت انام والله اني ما قدرت قعدت ارتب اغراضي حق الدوام والهي نفسي لين يجي وقت الدوام واشوفه مرسل لي مسج عن الصباح سفهته..
ورحت للدوام واللا يرلي مسج تريقي خفيف لاني عازمج ع الغدا … اففف كفايه اني متضايقه منه حيل وكل ما حاولت اندمج مع البنات قام يرسل.. ولان جبدي لايعه منه ارسلت له مسج (للاسف تريقت ثقيل ومالي خاطر اكل شيء مشكور ) اتصل ع طولا اول مره ارده قال خير ان شاءالله شفيج مخيسه النفس انتي حقوده وطول عمرج نكد في نكد وتم يقط كلام مثل ويهه وانا بالدوام احراااج كان مبين علي ابي ابكي ومتضاايقه حيل وانا اتكلم واقصر صوتي مقهوره من اسلوبه قلت له قصر صوتك واذا عندك شيء ارسل بمسج ما اقدر اتكلم عندي ناس قعد يصارخ يقول عناد فيج وانتي وانتي كلام وايد والله اني بس ساكته لدرجة انه يقولي الو يبي يتأكد اذا سكرت او لا قلت خلص اللي عندك وسكر لاني لو سكرت اعرفه شو بيسوي اففف قال كم كلمه مثل السم وسكر سكرت منه ودشيت الحمام الله يعزكم وبكيت بكى لييييين فضيت اللي بقلبي نسيت اقولكم ان البنات شكو او يمكن عرفو انه صايره هوشه بيني وبين اللي اكلمه مع اني احاول ابين العكس فشللللللله والله طاح ويهي المهم رتبت شكلي وطلعت احاااول اامثل اني اسولف وعادي بس عيوني كانت حمر لدرجة ان وحده شفتها بعييييييييني غمزة لرفيجتها ع بالها ما شفتها اففف فشيله والله
المهم رخلص الدوادم ورجعت للبيت وما لقيته تغديت ونمت وقلبي محرووووووووق على طلعته من 2 بالليل قمت العصر وقعدت تحت عند البنات امه وخواته وشوي اللا هو جاي دخل وكان شكلنا عادي ما يبين انه فيه شيء وعقب قعدنا سوالف شوي عشان محد يشك بشي وطلعنا فوق واللا هو يقولي انتي ليش مخسه النفس ع بالج لو سويتي جذي بهون من السفره بسافربس عناد فيج وسوي اللي تسوينه عاد انا هنا ما سكت وتيمت اصارخ عليه وتنناقر بصوت عالي وهواش وهذا اللي هو يبيه خساره ما حقرته عشان يحتر هو يستانس لما نتهاوش يبي يحررررق اعصابي ليش ما ادري..
المهم نام وانا محتررررررره عليه ونزلت لان اصلا الوقت توه بس هو راد يبي ينام لان جدوله معتفس المهم قضينا هاليومين لين يوم الخميس وكان يوم السفر وانا احترق من القهر وادعي ربي من كل قلبي انه ما يسافر بس للأسف سافر .. سافر وكسر بخاطري وزاد همومي هموم ارسلي مسج انا مسافر توصين على شيء؟ مارديت قهررررررني بكيت وبكيت وبكيت احتريت انقهرت ما عاد عرفت كيف اتصرف
رحت لبيت اهلي وهو ترى قايلي بيرجع بالسبت بط جبدي لاني ادري ان هالايام اللي يكون فيه الحفلات لاني لما كان جواله هذاك شفت حقيره من نفس البلده كانت مرسله له مسج ( ايش جايبك الحين السهره تكون بس خميس وجمعه حبيبي واليوم الاثنين؟ خها آخر الاسبوع احسن) من هذا المسج عرفت السر اللي يخليه بس بآخر الاسبوع يسافر ..
المهم انه سافر انا خذيت ولدي وخدامتي واغراض لنا تكفينا لين يرجع وانا افكر هل ارجع له مره ثانيه او لا ما عاد ارجع هل اتطلق واللا بعد الضيق الفرج هل بينصلح حاله او لا ..كنت مشتتتته بكل ما تحمله الكلمه من معنى وجدددددددددددا حزينه والله اني حزينه حييل بعكسه تماما كان الصبح يضحك ومفرفش ويهه عطاني امل انه بيقولي هونت وبقعد بس ارسلي مسج حطمننننننننننننني حيل لما كان يخبرني انه بيسافر ..
المهم سافر ورحت لاهلي وانا للحين ما اتخذت قرار بيني وبين نفسي لقيت اهلي مجتمعين وجو رهييييييييييييب ووناسه والكل كان هناك والله اني بوسطهم ولاني بحاسه بالفرح كنت اتعس انسانه على وجه الارض تخيلو كل وحده من خواتي معها ريلها بس للحين خواتي ما عندهم عيال بس فرحت الدنيا بعيونهم صحيح محد خالي من المشاكل ودايم يفضفضون عندي الي متهاوشه مع حماتها واللي واللي المهم المشاكل اللي تصير بكل بيت بس يحسون بطعم الفرح وانا؟؟ الله يخلف ع قلبي ما احس اني مثل باقي الحريم يحز بخاطري الوضع اللي كنت فيه …
المهم انا عندي اموووووووت فيه عاقل وفاهم واهم شيء موب كبير بالعمر وايد يعني بيفهمني لو ما قلت له تفاصيل وما بيحرجني وايد ..
بين زحمتهم وكلامهم جيت وقعدت جنب خالي
المهم بنات انا قعدت جنب خالي ومسك يدي كنا نسولف عادي وكنت ابي لهم كلهم ان ما فيه شيء وان جيت لهم عشان ريلي مسافر عادي وان اصلا راضيه بسفره وانا مافيه شيء بس تبون تعرفون الموووت اللي قطع قلبي يوم خواتي تضايقو من كثرة سفراته كانو يقطون كلام عادي بس والله انه يجرررررررررررررررررررررحني فيني غصه هذولا خواتي ما اقدر اقولهم شيء بس هم يتكلمون سبيل انهم يخافون ع مستقبلي وعلي قالو شفيه هذا كله مسافر احنا مستحيل نخلي رياييلنا يسافرون هالكثر وليش ما ياخذج معاه ووو وكلام وايد يتعبني اكثر من التعب اللي انا فيه
اتضايق ويزيد كلامهم الطين بله واسهر احاتي وافكر ونفسيتي زفتت بس ما اطلع هالشيء وكل مره بينصلح حاله هذا ابو عيالي مهما صار ولو تميت ع ذمته ما بسمح لحد يتكلم عنه .. بتقولون خواتج واهلج والمفروض تقولين بقولكم حتى ولو الاهل ما بيسامحون الريل ولا ما بيعدونها له حتى لو انصلح خصوصا وانا اشوف كيف شالين الحرب ع ريل وحده من خواتي بس علشانه ما يصرف عليها لانها موظفه فما بالكم لو درو من سوالف ريلي وع فكره ريل اختي ريال والنعم فيه ما يقصر بباقي الاشياء وجذي احقدو عليه واستلموه ..كيف بحالتي انا .. وخلونا نحط اسوأ الاحتمالات وحتى ولو تطلقت عيالي شو ذنبهم افشي سر ابوهم او اغلاط ابوهم اخلي الرايح والجاي يتكلم عنها ليش؟؟؟
ليش اخلي عيالي ينزلون روسم لو حد جاب سيرة ابوهم ؟؟ هذا كان تفكيري الاول والاخير همي بس عيالي وبسسس
المهم قعدت جنب خالي وفي نص السوالف والله ان الحزن باين بعيوني خالي كان بيقوم يطلع هوووس ع ايدي طبعا اشاره عشان الحقه بدون محد يدري طالعته باشاره بمعنى اوكي لحقته من الباب الخلفي وتميت بالحوش وهو كان للحينه داخل المهم طلع شافني قال لبسي عباتج بنرح قريب وبنرجع قلت له ثواني بس
المهم خواتي انا اتصلت ع شغالتي وقلت لها تجيب عبايتي وتخلي ولدي عند خواتي عشان ما يشوفني ويتعلق فيني ابي اروح بروحي مع خالي بروحي المهم طلعنا ع مع بعض وكنا نتكلم عااااادي جدا عن الحياه الدوام والحمل ووو ووداني للبتيل قال تعالي نتقهوى كنت فرحانه واقول بقلبي الحين بخرررر علومي كلها ههههههههههههههه
لمهم بنات انقلبت السوالف عن ريلي وعن سفرته سألني قال كم يوم بيتم مسافر وايش اخباره معاي ع طول بدت المناحه مع ان حنا كنا بكوفي بس الحمدلله مافيه ناس المهم قال ركبي السياره بحاسب وبجيج لحقني وانا تلومت فيه فشلته .. لركب وقعد يتفداني ويسألني شالسالفه .. ومن هالكلام وانا افضفض واشكي له بس طبعا موب كللللل شيء مقتطفات .. كان خالي فوول عليه وااايد عصصصصصصصصب وقعد يهاوش ويلعنه ويبي يكلم امي ويقولي خلاص مالج رده هذا وهذا قعد يسبه حسييييييييييييييت اني ندمت اني قلت له قلتله خلاص بعطيه هالمره فرصه ولو كررها خلاص بتركه ما راح اناقشه انا ابيك تكون لي عون ابي حاله ينصلح انا علي منه ولد وحامل ما ابي اندم عقب الطلاق وقمت اهدي في خالي يالله يالله قدرت اني اخليه يطخ شوي (افف ياربي انا ناقصه ضغوطات يعني؟)
انا مارضيت ان خالي يتدخل وهو معصب لان عواقبها ندم وخالي قال كلام كبير وايد وانه بيسحبببببببببه بالمحاكم انا هنا خفت وهذا اللي خلاني اتراجع عن الباقي (كنت اقول بقلبي هذا وانتما تعرف باقي سوالفه) وبيني وبينكم توقعت خالي اعقل من جذي هو هادي دايم ويحبنا ايه بس ما توقعت يثور جذي فجأه..
المهم خالي اتصلبحماي الكبير وانا معاه بالسياره وتم يقط عليه كلام عن اخوه وقام يقوله انه موب ريال وانه مخليني عند اهلي كل اسبوع والثاني وينقز للسعوديه ولغيرها ههههههههههههههه ما قاله اسم الدوله ذيك ع أساس يبين له اني ما شكيت لهم واني ما قلت لهم شيء ما كنت ابي حماي يحط بقلبه اني فضحت اخوه ..
المهم نزلت البيت والنفسيه دمااااااااااااار قبل اول مع ان خالي حاول يغير الجو بس بعد نفسيتي كانت دمااار وكنت واااايد افكر دخلت على اهلي وخواتي بس عادي ما شكو بشيء لان خالي دايم يطلعنا عادي يعيني ..
المهم مرت الليله علي مرررره وزادها ان هذاك محول جوااله ليش يحوله لييييييييييييش؟؟ ليش؟ كل ما قلت بقلبي هو الحين شيسوي ومع من قاعد ؟ تعرفون يوم بليس يلعب بعقل الواحد؟؟ حتى لو كان مع وحده او اي شيء التفكير ذبحني وبليس لعب بي لعب …
مرت الليله وانا عيوني حتى ما غفت عيوني
بنات قدروو موقفي الحين انا صرت بين ثلاث نيران شوفو كيف الاول هو والثاني اهله والثالث خالي اللي ما اضمنه من حبه لي ننكم يخبر اهلي ويزيد موقفي صعوبه مع انه وعدني ما يخبرهم
بقولكم الحين كيف من ناحية ريلي ابي اروضه بطريقتي انا للحين ما يأست وبحاول وبحاول اوكي ؟ هذا ع الاقل تفكيري ذيج الليله …
اما نار اهله فكنت جددددددددددددا منحرجه منهم هم ما خذين عني فكره اني مره صبوره وفيني خير وما بفضح ريلي مهما صار بينا اما باتم معاه او بتركه بس ماراح افضحه ,بس خالي الله يهديه خررربها لما كلم اخوه الكبير احرااج حتى اني توقعت حماي بيكلمني يعاتبني بس ما كلم ولا تشره تلومت فيهم والله انا وايد احبهم عمرهم ما اغلطو علي بالعك كانو ضد ولدهم معاي
اما النار الثالثه فهم اهلي واهلي ما تعرفونهم كثري والله يودونه ورا الشمس والله ما يخلوني ارجع له لو شنو يصير اهلي حاريييين وصعب التفاهم معاهم وبيسون حرب مع جماعتي
هذا تفكيري طووووووووووول الليل وعاد كان حزتها حامل بآخر الثامن تخيلو الوضع شوي والله ان الهلالات السودا طالعه يشكل فظييييع سهر وتعب وحياه اعوذ بالله ذبللللللت من قلب
لمهم حبايبي ذيك الليله تميت احاتي وايد وافكر وبالي مشغول لييين اصبح بس عقب من التعب نمت ومرا اليومين معاناه علي لين رجع من سفرته ورحت كالعاده قبله وارتب واتجهز وكان خالي يتصل علي باستمرار يشوف كيف الاوضاع واتصالاته توترني خصوصا اني للحين ما شفت حماي ..
مافيه شيء جديد رجع كالعاده واستقبلته انا وولده بس ودخل الله يكرمكم الحمام وعقب طلع وعلق ثيابه ركزو شوي الحين اوكي؟
علق ثوبه وفيه شيء طار منه انا شفته بس ما تكلمت ع بالي زرار من ثوبه او شيء عادي خصوصا ان الوضع بينا مب اوكي وان فيه حساسيات وهالسفره خربت بيناا وااايد
المهم دخل فراشه وانا تكرمون دخلت للحمام بنات انصدممممممممت والله اني ابكي الحين يوم تذكرت تدرون شو شفت باللحمام؟؟ شفت تكرمون في البالوعه الفين اللي يوزعونه بالطياره … شفتو الصدمه بتقولون انتي تدرين من البدايه انه بيسافر اقولكم ايه ادري بس لو ركزتو بالسالفه هذي هو قالي بيروح مع رفيجه عشان يسوق بداله لان رفيجه بيسوي عمليه في عينه يعني ماجاب سيرة الطياره كللش
كملي