بداية خواتي الحبيبات انا كرهت شي اسمه نكد وشي اسمه شكوى لكن ما باليد حيله……
تعيشين و شعارك :الحياة حلوة: تكوني متفائلة وحبوبة و فرفوشة عشان ما تنكدين على هالاسد زوجك و الحبيب يتمادى يتمادى و يقول هالهبله الي عندي مرتاحة وسعيدة خلني افرفش و امزح استانس مع منو ???? [مع بنات الليل الخفافيش بنات الشات والمسنجر الي ما يعرفوا الله..
الحين انا زوجي يحبني وايد و مدلعني و ما المح بشي الا ييبه لي على طول..ودوم يقلي ماراح اتزوج عليكي انت كافيتني… بس مشكلتي هالسوس بنات الشات تلفونه ما يبطل مسجات و انا صارت علتي في الحياة البلاك بيري الله لا يوفق من اخترع الشات ..انا شفت موبايله على فكرة و عرفت انهن بنات من كل صوب وكل بلد اشكال والوان لا حياء و لا دين ضايعات لا اهل ولا اصل يطرشون صورهن عادي و سوالف ما يحترمن شيبة ابوهن لا كرامة اخوانهم ولا تضحية امهاتهن حتى كبروهن … " وان لم تستح فافعل ما شئت" .
زبدة الموضوع خواتي في الله اواجهه او اطنش بزيادة وادعيله ربنا يهديه نزوة و تعدي لكن اخاف يصير مرض و ادمان ما يشفى منه او اخليه يستانس وانا اتعذب .. لا و يسالني شو فيكي عيوني قاصرنك شي وانا في نفسي اقول انت قاصرك شي عسب تركض وراء العاهرات.
بتقولون لي اهتمي بنفسك اكثر اقول لكم انا احب نفسي و مدلعتها موت و تغيير و نظافة و حركات بس رياييلنا جنوا الا من رحم ربي صاروا يملون بسرعة و ما ادري خفت عقولهم!!!!!
السؤال هني ليش ما يمنعوا الشات و المواقع المخلة من البلدان المسلمة نهائيا و جذريا لين متى بنتم متفرجين غير فعالين : ما باليد حيله صح؟؟
أعلل النفس بالاّمال أرقبها *** ما أضيق العيش لولا فسحة الأمل
لا حول ولا قوة إلا بالله
اختي العيب هب في بنات الشات و لا البلاك بري و لا الماسنجر و لا غيره
العيب بريلج!!!!!
في كل مكان في الصالح و الطالح يعني هل تقدرين تمنعين البنات اللي يظهرن برع البيت و نص صدرهن برع!!! طبعا لا و سا عاتها قولي لريلج غمض عيونك و لا تطالع
ريلج ما يداوم ما يشوف حريم !!!!
حبيبتي ارد و اقول لج العيب في ريلج مب في البنات هو اللي نفسه ضعيفه وو يحب يربع ورا البنات محد ضربه على ايديه و قال له يدش الشات و يتعرف و يعطي رقمه للبنات
البنت يوم تلقى واحد شرات ريلج يعطيها ويه ليش تعتقدين ما بتتمادى وياه
ياختي صلاه ماشي ولا عباده والصلاه لها دور اساسي لانها تنهي عن الفحشاء والمنكر ..
اللهم استرنا فوق الارض وتحت الارض ويوم العرض .. اللهم استر عوراتنا وآمن روعاتنا..
والله يهديي ريلج
المشاركة الأصلية كتبت بواسطة ملكة_الامارات 
اختي العيب هب في بنات الشات و لا البلاك بري و لا الماسنجر و لا غيره
العيب بريلج!!!!!
في كل مكان في الصالح و الطالح يعني هل تقدرين تمنعين البنات اللي يظهرن برع البيت و نص صدرهن برع!!! طبعا لا و سا عاتها قولي لريلج غمض عيونك و لا تطالع
ريلج ما يداوم ما يشوف حريم !!!!
حبيبتي ارد و اقول لج العيب في ريلج مب في البنات هو اللي نفسه ضعيفه وو يحب يربع ورا البنات محد ضربه على ايديه و قال له يدش الشات و يتعرف و يعطي رقمه للبنات
البنت يوم تلقى واحد شرات ريلج يعطيها ويه ليش تعتقدين ما بتتمادى وياه
و الله ريلج اللي عينه ما تشبع..! مب الغلط ف البنات يوم انه مب شبعان..!
كلنا عندنا بلاك بيري.. ما غازلنا و لا رمسنا
إلا ريلج اللي ضايفهم.. ما ضربوه ع ايده
و عادي جدا يقولهم تراني مب معرس
يغازل هاي و هاي و عقب ايي صوبج
لا تتحسبون ع بنات الناس يوم انه رياييلكم لا تعليق عليهم
الله يهديكم انتوا مب يهدي البنات
حتى لو كنتي ملكة جمال العالم ،، الريال ما يمنعه شي ،،
يا ريت يمنعون الشات على الاقل ما بيتعرفون على بنات ،،
تنتي حاولي معاه قوليله هالشي مب زين وذكريه بعقاب الله في الدنيا والاخرة
والله يهديه ان شاء الله