انا متابعه للمواظيع المطروحه وحلو الوحده تستفيد من تجارب الاخريات في الامور الحياتيه
يقولن يداتنا المركب تمشي بالعدايل ولا تمشي بحريم الخوان
يعني كثير من المشاكل تقع بين حريم الخوان ارجو من اي وحده مرت بها التجربه تخبرنا كيف تصرفت لنفيد بعض
حدث ولا حرج…
علووووووم
صراحه .. ما اريد اغتاب .. بس الله يسامحها … مبين من تصرفاتها انها ما تحبنا ولا تداني تشوف ويوهنا…
مع ان الوالده ربي يحفظها … تجنن تنحط عالجرح يطيب والكل يشهدلها بهالشي… وما جد غثتها بكلمه… بالعكس دوم تقول برايها لا تتكلمون عنها نحن بيتنا مفتوح للي يبانا ويحبنا.. مع ان الباب بالباب.. بس صراحه ((( غبيه))) بدال ما تكسب رضى ام ريلها ما نشوفها الا في رمضان تي تبلع وتذلف بيت هلها كل يوم كل يوم من اول ما عرست …
صراحه انا ماتهمني هي انا متغمضه عالوالده اللي كان في خاطرها تكون مرت ولدها الغالي مثل العالم والناس…
واللي قاهرني اكثر ان لا امها ولا حد من خواتها المعرسات ولا اخويه قادرين يسنعونها ويقولها كيف المفروض تحط امي على راسها وتقدرها وهي في مقام امها… والله الوالده تشوف الحريم كل وحده ياره وياها مرت ولدها.. وهن ماشالله يعاملن حماتهن باحلى معامله واكيد تتحسر في خاطرها..
ربي يعوضنا باللي احسن عنها بمية الف مره في اخويه الثاني..
وصدقوني ما تكون مرت الاخو جيه الا لان قلبها مليان حقد وحسد وكره.. وخص انها مب شايفه خير.. وفجأه تعززت من خير هليه ربي يطول في عمارهم…
فديتج يا ورده جوري….. اسميني فضفضت… سامحيني عالاطاله 
وانا ما حطيت ها الموظوع الا بعد ما نلدغت اكثر من مره من زوجة اخو ريلي مع اني داخله عليها مثل الاخت بس شو تقولين في النفسيات المريظه اللي مو واثقه في نفسها الله يسامحها حاطه دوبها ودوبيه ولا ارتحت الا لما خليت العلاقه سطحيه وكثر ما اقدر اخلي عمري بعييييد
ملكة الشنط صدقتي والله ترا من تاخذون وحده فقيره ماتعرف
تيي عندكم جنها كانت في بيت اهلها اميره
مالت عليهن والله
وعاد تعالي عن شراهن والله انهن مب شايفات خير
شكله بيكون مشوق وااايد…
بالنسبه لي انا مرت اخوي وغده ومب شايفه خير….
تصدقون اول ما خذها اخويه طلعلها بطاقه ائتمانيه.. تعرفون شو كانت تسوي.. تودي اخوي السوق.. وتقعد تتشرا حق خواتها جدام اخويه… والله اخويه انصدم وخبر الوالده ( عنبو خيرج توج عروس)
نفسها خايسه.. وتمر على اهلي يادوب في الشهر مره… وتقعد صمامه (ولا كلمه) جنها مغصوبه على الييه… ولا تحضر مناسبات الاهل اذا عندنا عرس عزا كله واحد عندها بالطقاق وياليت حد غاثنها بكلمه .. اتصدقون يوم تي عند اهلي … فديت امايه ما تقصر فيها حتى المدخن تحطه تحتها اللي ماتستحي ولا تحشم من امايه الغاليه…. انا ما اعرف اكره بس هالانسانه حسستني بشو يعني كلمة كره… اشوفه في عينها وهي تسلم عليه … تموووت من الغيره مني… يوم اكون كاشخه.. تي عيني عليها بالصدفه اشوفها فاتحه لغبها وتتمقل فيه من فوق لين تحت…. كره الله ويها ….
اما حليلها مرت حميي فتنحط عالجرح يطيب… حبوبه وفي حالها… (لين الحين) انشالله ما تتغير بعدين
والسموحه اذا ثقلت