بس حبيت احط موضووع يمكن يساعد الخوات اللي يشتكون من خيانة أزواجهم
ان شاء الله يستفيدون منه ..
بالنسبة للخوات اللي يشكن ف ازواجهم..
أشياء و علامات بسيطة ممكن تنتبهين لها ف الزوج ..
– اذا حاط قفل ف تلفونه و ما عطاج الرقم السري .. ( يعني عنده شي منا يبغيج تعرفينه ) و يتحجج انه ربعه يفتشون التلفون .. سبب تافه جداً
– اذا عنده خط و اتييه فواتير كبيرة او مدفوعه و دوم يدخل رصيد او ماعنده رصيد و هوه مب من النوع اللي يرمسج وايد ف التلفون ( هذا يرمس وياها بالساعات يمكن و انتي مستخسر عليج مكالمة نص ساعه)
– اذا قالج يتمشى روحه .. يعني اذا اتصلتي و سمعتي عنده حشرة شباب عادي .. بس اذا اتصلتي و قال اتمشى بروحي .. ( يعني قاعد يرمس الحبيبة و يدور بالسيارة من مكان لمكان..)
– اذا يقولج انا عند باب البيت و ياخذ له نص ساعه لين يدخل عليج البيت .. ( يودع الحبيبة قبل ما يدخل عليج )
– اذا شفتيه صار خبير بسوالف الحريم و الموضه .. يعني قالج محل العبي الفلاني عباياته حلوة .. و لا العطر الفلاني حلو و لا المحل الفلاني .. ( مع انه قبل كان طمه فهالسوالف ) هذا يدل على انه ( الحبيبة قاعده تعطيه دروس خصوصيه ف الموضه اليديده للحريم)
– اذا قام ريلج يدخل النت وايد مثلا و تعلق فيه .. تراه يمكن يكون متعلق بوحده .. خصوصا اذا اشترا له لاب توب خاص فيه .. (( فهالحاله اذا حسيتي انه عنده بنات و جي .. انا اقول خربي اللاب توب .. نفاد .. أهم شي حياتج انتي معاه .. سوي اي شي .. خربي بطاريه اللاب بدون ما يحس .. يعني دقيها بالأرض كم مرة و لا دشي صوب البرامج و حذفي اي شي بيخترب عليه السستم .. و ما بيشتغل .. و الله محد مخرب الرياييل الا النت و الحين طلعوا لنا بالبلاك بيري .. الله يعينا
– الموبايل مهم وايد ..
راقبيه و راقبي ردات فعله من كل اتصال و اسأليه بعفويه منو يتصل و شو السالفه ,,
هذا شي مهم .. اذا دخل يسبح مثلا و لا يوم بيرقد ..
دشي المكالمات الصادرة و الوارده .. عدي المكالمات .. اذا كانت 20 صادرة و 20 واردة ,, يعني كل شي بخير
بس ..
اذا كانت أقل .. يعني 18 و لا 15 و لا اي شي اقل من عشرين يعني الريال حذف مكالمات .. ( ما يباج تشوفين مكالكاته وياها )
– ايلسي ايام و قوليله ابا مسجات من تلفونك بطرش حق ربيعاتي .. و انتي تطالعين .. شوفي المسجات الحلوة اللي فيها شوق و غرام و هيام .. و اساليه بعفوية عن صاحب المسجات ..
((((((((( خواتي ))))))))))))
مب شرط هالأشياء تنطبق على كل الرياييل
بس اللي تحس انه ريلها تغير يمكن يخون و ممكن لاء
و اهم اهم اهم اهم اهم اهم شي يا خواتي
انه الوحده ما تخرب بيتها بإيديها
يعني لو اكتشفتي شي .. واجهيه .. خليه يحس بالذنب ..
قوليله مثلا ..
انا فشو قصرت وياك .. شو اللي لقيته عندها و ما لقيته عندي
انا حرمتك حبيبتك تسوي فيه جي
شو ذنبي و شو ذنب العيال
هذا جزى أهلي اللي وثقوا فيك و زوجوني لك .. اخرتها تخوني و تخونهم و تخون عيالك بعد
يعني و شويه دموع مني و مناك
و خوفيه و قوليله ( حياتنا ما بتكون شرات قبل .. و انا ماقدر اعيش وياك .. ما اقدر اثق فيك مرة ثانية .. ماتخيلت فحياتي انك بتخوني .. انا بروح بيت اهلي )
فهالوقت هوه بيحس بالذنب و بيحس انه بيفقدج
بس لا تروحين بيت اهلج .. قولي جي عسب يحس انه حياته تلخبطت بسبب الحبيبه
و خليه يوعدج انه ما يرمسها مرة ثانيه ..
عامليه بجفا كم يوم .. و عقب ارجعيله مثل قبل و احسن بعد ..
خليه يقول ف خاطره .. ( انا خنتها و لكنها سامحتني و تعاملني أحسن معامله )
و بس
منقوووووووووووول
و ربي يوفقج و يسعدج وياه
الله يبعد عن ازواجنا بنات الحرام