قصتي من الالف الى الياء

شحالكن خواتي اليوم بقول لكم قصتي واريد ردكم هل انا انفع اكون زوجه والا لا خليجية

تزوجت وانا عمري 18 سنه وزواجي كان عن طريق مشكله سواها زوجي وصدقوه اخواني وتمت الملجه فقام زوجي يقولي طلعي بنروح ناخذ ذهب قتله ما بطلع روحي لازم حد من الاهل يكون معانا واحتشر وعصب اخر شي قال اوكيه وعقب فتره قال بنروح نجوفلج فستان قال حق امايه انه بيمر ع اخته لانها بتروح معاهم وامي ذاك اليوم كانت مريضه قالت خلاص ورحت معاه اقوله وين ساير اختك ما بتروح معانا قال لا قتله كيف جي قال انا زوجج تخافين مني قتله لا بس مب حلوه وما اجوفه الا موقف جدام فندق قتله شو نسوي هنيه قال بجوف سعر الصاله تعالي معاي ونزلت ودخلنا وانا مب من النوع الي يطلع وايد يعني خواتي يقولولي غجريه ووصلنا عند غرفه اجوفه يطلع المفتاح ويفتحها استغربت قتله من وين لك هالمفتاح قال الحين بقولج ودخلني وتميت واقفه ورا الباب وراح هو دخل غرفه النوم وانسدح وانا ازقره يالله بنروح ولا جنه يسمع دخلت عليه وقتله يالله انت راقد والا شو قام وقال شو رايج بالغرفه قلت حلوه يالله انروح قال وين تبين قتله انت قلت بنجوف فستان ويلس يضحك وانا مستغربه وما اجوفه الا عافد علي سمحولي ع هالكلمه ما نفع معاه صياحي ولا شي ويوم خلص قال ليش تصيحين انا ريلج قتله مب جي ردني البيت وردني قالت امايه هاه حصلتوا فستان قتلها بعدنا بنجوف غيره وتم ذاك اليوم محتشر عالتلفون وانا من كثر صياحي كلت اربع حبات بندول ونمت ويتني امايه قالت ريلج يتصلج قال ما تردين عليه وما درستي ولا تعشيتي شو فيج وجاستني وجافت حرارتي مرتفعه قالت يالله بنروح العياده قتلها لا ما اريد وجان اشل تلفوني وادقله واقوله خلص امور العرس بسرعه قال انزين بعد ثلاث ايام قال يالله بنطلع وما اريد حد من اهلج معانا قتله ما بطلع قال مب ع كيفج وانا ريلج ويحق لي اخذج وانا طنشته ووصل عند البيت قالته امايه ما قالتلي بنتي انك بتي قال انا قتلها بوديها السوق يمكن نست ومثل ع امي انا اخته تكلمه واونه يقول لا الحين بشلها وبمر صوبج جهزي عمرج وعاد امي دخلت ويت تقولي قتلها انا ما بطلع معاه قالت ليش قتلها تعبانه جان تطلع وتقوله قال لا هي تدلع لانها زعلانه شوي وردت امايه تقولي يالله قومي واخته تترياكم وخواتي محد سايرات السوق الحينه شو اسوي محد يدري بالسالفه وامايه تيلس عند المرحوم الوالد يعني ما كانت تقدر تطلع تم واقف برع البيت ساعه واخر شي طلعت وانا معصبه قتله انت ما تستحي شو فيك ليش تي ما يكفيك الي سويته قال ما سويت شي قال حرمتي ومن حقي اسوي هالشي وتكرر نفس الشي وردني البيت خليجية

وانا سايره الصبح المدرسه اجوفه خاطف من جدام بيتنا ويضحك ويلست مع ربيعتي اسولف معاها وعقب عطيتها اسم ريلي ووين يداوم قتلها نشدي عنه قالت اوكيه يوم ردت من المدرسه راحت عند اهلها وعطتهم اسمه ومكان دوامه جان يجوفه اخوها قال هذا يداوم معانا شفتات وعنده سياره جي وعمره جي ومتزوج ومطلق وعنده ولد عاد ربيعتي انصدمت يوم جفتها باليوم الثاني قالتلي هذا الي خبروني عنه وانصدمت ما عرف شو استوالي ويت البيت وكلمته قتله انت متزوج وعندك ولد قال لااااااااا وحلف اكثر من مره قال هذيلا يبون يخربون علينا لا تصدقينهم وصدقته بعد الي صار قال ماشي دراسه وما خلاني اكمل سوالي مشاكل وبعد كمن يوم يلست ارجع وحالتي حاله ومره جافتني امايه قالت شو فيج قتلها لا بلعت عظم السمج وامايه عندها الضغط ما اقدر اقوللها الي صار معايا وخواتي ما يرمسني وايد لاني غير عنهن وخليته يوديني العياده قالوله حامل وتم فرحان وانا الدنيا ساكه فيني خليجية

قتله خبر اهلك امه وابوه متوفين الا خواته واخوانه خبر اخته الكبيره قالتله خلها تنزله يوم خبرني انا انصدمت لانها معرسه وعندها عيال قتله الحين تجهز حق العرس قال ما عندي بيزات قتله صندوق الزواج قال ما يعطوني قتله كيف ما يعطونك قال ما عرف خليجية

الحين انا شو اسوي دخلت فالخامس اخر شي زاد علي الوحام وتعبت قام الحبيب خبر امايه السالفه امي انصدمت وخبرت اخواني قالوا خلاص ايي ويشلها ما نبا عرس ولا شي بس ايب عشاها وتتوكل معاه قال الحين بيتنا يصينونه بعد شهر بشلها خليجية

وانا حالتي حاله قلت راح الفستان الابيض وخلص الشهر ياب العشا وسوينا حفله صغيره وشلني وانا اصيح وامايه تصيح يلست فغرفتي قالي سيري سلمي ع اختي وقمت رحت وسلمت ورديت الغرفه ارتب اغراضي وبالباجر الصبح اسمع حد يدق الباب قتله قوم جوف منو قال قومي انتي وقمت فتحت الباب اجوف ولد عمره سنتين ونص واقف ويطالعني ضحكت قتله منو تبا قال بابا قتله وينه قال ما عرف ويا اخوه وشلاه قال منو قلت ولد صغير قالي يبا بابا ويا اخوك وشله وقام بسرعه انا استغربت قتله خلاص عند اخوك اشوي تغسل وطلع وانا بعد فيني فضول طلعت شوي شوي والا متيلسين كلهم فالصاله انا قلت ما بطلع استحي اسمع صوت ريلي يكلم الولد ويسولف معاه جان تقول اخته يابته امه وقالت حق الخدامه وديه عند ابوه وراحت ويلست اتسمع وشوي يقولوله سير سلم ع عموه داخل جان يقول ريلي لا بعدين ويوم يا وقت المسا قال طلعي عندهم وسولفي قتله اوكيه كانت اخته وبناتها وحرمة اخوه ويلسنا مع بعض جان ايي الولد الصغير اخته تقول شو سالفتها هاي تراها مصختها قالتلها خدامتها امه يابته وفرته عند الباب ويلست تنازع وراحت تقول تريد بابا وانا اتسمع مستغربه حرمة اخوه عندها بس ولد واحد هذا ولد منو جان اسألهم هذا ولد اخوه الثاني اطالعوا بعض جان يقولون ليش هو ما قالج قلت شو يقولي انه هذا ولده قلت هاااااااااااااااه هني الصدمه خليجية

ما عرفت شو اسوي دمعت عيني ودخلت الغرفه وانا فالشهر السابع يتني حالة انهيار كله اصيح وما اروح عند اهلي يلس اخر شي يهديني قال انا اباج تهتمين فيه لان امه ما تهتم فيه ومع الايام عاملته مثل ولدي اتيبه امه من الساعه 7 الصبح وتخليه لين الساعه 10 وتي تشله وقامت تتصل ع ريلي بليل كل يوم لين عرفت انه يرمسها ونفس الشي قال انا اسف دخلت الثامن اهله طالعين قلت بنظف سيارته من داخل وانا يالسه انظف احصل تلفون وحبوب منع الحمل ومن ضمن الارقام رقم طليجته واجوف السجل انه كل يوم يرمسها ومسج مكتوب اباك اليوم ضروري ولا تنسا حبتي والولد بيبه المغرب عندكم وبيت طليجته قريب من بيتنا الا فرة حصاه عاد انا اكتشفت كل هالاشياء ونفسيتي تعبت وما قدرت اتحمل واجهته بلي لقيته قتله شو عذرك الحين تم ساكت عقب قال هالحبوب حق ربيعي وجان اراويه المسج وهذا صخ وما قال شي قمت احط اغراضي فالشنطه وهو اونه يصيح يقول لا تروحين وخبرت اخته واخته خبرت اخوه وكلموه واخر الليل يلس يقول بفتح صفحه يديده معاج انا ربعي كانوا يجوفونها تروح الملهى الليلي: وخبروني عشان جي اروح عندها ووووو خليجية

انا ما تحملته ذيج الساعه كرهت عمري كره العمى كملت من الشهر الثامن اسبوعين وربيت من الحاله الي عشتها وبعد ثلاث ايام طلعت من المستشفى لبيت اهلي وكان كل ثلاث ايام او يومين يمر علي وانا اوسوس اقول اكيد بيروح عندها وفعلن كان يروح عندها لانه مره اتصلت عليه وردت هي علي قالت ريلج عندي شو تبين بكل وقاحه تتكلم وتقول هالشي خليجية

شو هالانسانه وخلصت الاربعين قالت امايه الحين لازم تروحين بيت ريلج قتلها ما اريد قالت ليش قتله بس جي وحسيت انها تضايجت وعقب رحت بس ما اكلمه الا لاشياء بسيطه وهالمره جفت عنده مبايل ثاني ومسجات وبنات وصور الله واكبر شو هالانسان وطرشت مسج حق اخته وما قالتله شي وكلمت حرمة اخوه وكلمت ريلها وسار ونصحاه اعتدل شهر ورد ويسهر برع البيت لين الفير يرقد ساعه عقب يروح الدوام قلت ابا اتطلج منه وكلمت امايه وقتلها سالفتي قالت انتي بعدج صغيره ما تهنيتي بحياتج واذا تطلقتي ما بيخلونج تطلعين من البيت لان اخواني ما يكلموني كملت سنتين وانا ع هالحال وحملت مره ثانيه وسوالفه زادت تم حملي لين الرابع وسقطت قالوا ما فيه نبض خليجية

واريد اروح للمحكمه بس اخاف منو بيوديني انا ما عرف هالسوالف وحملت للمره الثالثه ووصلت لين السابع وتوفى ابوي وحالتي حاله وريلي ع سوالفه طلعات مع البنات وكل يوم روج احمر والا بني والا جحال عالكندوره الشكوى لله تعبت نفسين ودخلت الثامن خذيت 3 اسابيع منه وربيت تميت يومين وطلعت وعقب زادن البيزات تشجع ريلي اكثر واكثر تعرف ع وحده ولعب عليها وحملها وبعد الشهر الثاني عرفت انه متزوج قالتله طلق حرمتك جان تباني وهو مب عارف يباها ويباني وانا دريت السالفه قتله خلاص طلقني وعيش انت معاها قال لا بخليكم مع بعض عاد انا بديت اطنشه ولا اعبره ولا اهتم فيه عسب يطلجني وارتاح من الهم الي شلته 6 سنين وستر عالبنت وملج هي تقوله طلجها وانا اقوله طلجني ما اريد اعيش معاك قتله بروح عند اهلي بيلس يوم وخلاني 3 ايام وانا مب ماخذه ملابس وغيار حق عيالي واتصله ما يرد اخر شي قلت حق امايه ابا ايبلي ملابس قالت حق اخوي يوصلني وخذيت ملابس ورديت وطرشتله انا رحت البيت وخذيت ملابس ويت بيت اهلي وانت ما ترد علي قال خلاص خلج عندهم ولا تيين البيت وياب اغراضي كلها معصب من حرمته وحط حرته كلها علي وخبرت اخته ودقتله وما يرد ع حد قال بعد يومين بيبون ورقتج وانا ما ادري اصيح والا اضحك واخيرا برتااااح قال جوفيلج بيت قتله لازم انت الي تجوفلي واخته قالتلي لا تردين عليه وبعد اسبوع سرت الحديقه امشي العيال وعطيت بنتي تكلمه قال عطيني ماما وكلمته قتله شو تبا قال وين انتي قتله امشي العيال فالحديقه قال حد وياج قتله هيه قال انا بييج وخليهم يجوفون العيال قتله انا ما بطلع انت قلت بطلق وما وصلت ورقتي وهو قايل هالشي عشان اخاف واتم زعلانه ووصل برع الحديقه قال طلعي قتله ما بطلع وخبرت امايه قالت لا تطلعين هذا ما يعرف شو الي يباه واحتشر عالتلفون وطنشته طرش مسج قال انا ما كنت بطلج بس الحين بطلج صدق طرشتله الحمدلله وطرش عرسي بعد شهرين قتله بالبركه واتمنالك الخيررغم الي سواه معاي وحرمته مستعيله تباه يطلج عسب بطنها ما ينتفخ اكثر ويسويلها عرس وهو محتار اخر شي قالتله اذا ما بطلقها بنزل الي ف بطني قاللها مب ع كيفج وقالت اذا بتجوف عيالك لا تيبهم ف بيتي مر ع هالسالفه 3 اسابيع وانا كنت ناويه اروح يوم الاحد المحكمه عشان اقوللهم موضوعي ويحلون هالشي يانا البيت السبت خليجية

بليل سلم عالوالده وكلمها عاد شو قاللها ما عرف قالتلي حطي شوي من اغراض وروحي بيت ريلج مالج الا بيتج وعيالج خليجية

جان اعصب بعد كل الي صار امايه تباني ارد جان ادقله قتله شو تبا قال خلاص انسي الي صار بنرد بيتنا وقتله وحرمتك قال اجلي هالموضوع وعيالي فرحانين يوم ابوهم يقوللهم يالله بنروح البيت زقروا ماما وامي جافتهم جي شوي وبتصيح عاد انا ما اقدر اكسر بخاطرها ورحت الحبيبه حرمته نزلت الي ف بطنهاast_green: وعصب وطلقها عسب جي ردني والحين قام يروح الملهى الليلي والحمدلله هو مب من النوع الي يشرب بس انا اخاف عليه من البنات والحينه مب عارفه شو اسوي كل يوم اسبح واستغفر ربي وادعي ربي يهديه وتغير بس الحين انا ما اريده يروح هالمكان كيف اقنعه ما عرف كل الكلام ما فاد معاه خليجية

لاحول ولاقوة الا بالله

اصبري على ريلج .. وادعيله بالهدايه ..

واايد اندمجت وحولت عيني بعد …

رمسيه بهداوه قوليله ليش اهو يطلع برع

شو اللي يجوفه برع ومب محصلنه داااااخل ..

استمري بالقياام والدعااااااء والاستغفار ربي مابردج الغاليه

الله يعينج يالغاليه..

عليج بقيام الليل وربج يفرجها ..

استغفر الله العضيم الله يعينج و يهدي زوجج لج ويسخرة ،انشاء الله مأجورة على الصبر إلي صبرتية، دمعتي طاحت وانا اقرا معاناتج. اختي اكثري من قراءة سو ره البقرة و أل عمران ولا تنسي قيام الليل وهذا دعاء ادعي فية انشاء الله ينفرج همج وتبدل حياتج

ياودود ياودود ياودود يارب العرش المجيد يا مبدي يامعيديافعال لما تريد اللهم اني أسألك بنور وجهك الذي ملأ اركان عرشك ورحمتك التي وسعت السماوات والأرض وبقدرتك التي قدرت بها على عبادك أن (تذكري حاجتك ) بأني أشهدبأنك الله الأحدالفرد الصمدالذي لم يلد ولم يولدولم يكن له كفواأحد يامغيث أغثني يامغيث أغثني يامغيث أغثني .

وايد ناس استمرو على ه الدعاء وتفرجت همومم، الله يفرج همج يا رب.

اترك تعليقاً إلغاء الرد