بغيت اسالكم شو تسووون اذا ردوا ريياييلكن من الدوام
يعني من تغير الملابس و المكياج و العشاءووووووووووووووووالخ
اتمنى الجميع يشارك
أنا ريلي دوامه شفتات
يومين ظهر ويرد الساعة 10 بليل ،،، ألبس لبس ليلي يعني قميص نوم ولا بيجامه ولا شي خفيف ويناسب الوقت والعشاااا على حسب إذا هو قال انه يبا يتعشى عشا بيت أجهز له العشا قبل لا ايي وإذا حاب عشا من برع إيكون يايب العشا معاه ونتعشى مع بعض
طبعا لازم أكون مرتبة الحجرة وريحتها طيبة
إذا حسيت انه تعبان مررره أرقد الصغارية قبل لا إيي ومرات يقول لي لا إترقدينهم مشتاقلهم وأخليهم واعيين ونيلس مع بعض
وإذا دوامه صبح ويردالساعة 2 وأنا أكون في الدوام بعد وهو اللي يمرني ،، ونرد ونتغدى من غداهم أو ناخذلنا غدا إذا حبينا نغير وألبس لبس عادي أي شي يا برمودا ولا بنطلون أو بيجامه أي شي عادي
ويوم دوامه ليل ويرد الساعة 7 أكون لابسه عباتي واترياه يوصلني الدوااام هع هع
الزبدة أهم شي خلوا المكان مرتب ونظيف وإنتي كوني مرتبة وريحتج حلوة واليهال مرتبين وريحتهم حلوة والأكل جاهز وخلكم على طبيعتكم