البنت لي عرست تبغي الستر هذا الي انا اعرفه بس اكتشفت ان في ناس تفكيرهم للزواج من!!

خوااااتي جد بسألكم البنت يوم تفكر بالعرس شو تبغي بالظيط ..!!؟ وشو تفكيرها بالزواج ..!؟؟ هل تعتقدون ان الزواج بس رومانسيه وفراااش .>> اسفه على هالكلمه بس انتو خواتي واكون صريحه معاكم عشان كلنا نتعلم ونستفيد ..

الله يسلمكم اخوي تزوج وحده شو اقوولكم وربي الكعبه ورب السماوات والارض وانا احلف من قلب ان لو هذي حرمة اخوكم دقيقه وحده ما بتتحملوونها .. اقولكم ليش ..

اولا احنا الحمد الله في موضوع الخطبه اهم شي تكون البنت زينه خلوقه وتبغي الستر ويوم خطبناها بصراحه اختي الكبيره قالت انا مش مرتاحه احس بظيقه فقلتلها انا مش انتي الي بتخطبينها اخوي الي يبغي يخطب والقرار له وبعدين اهلها ماشاء الله قامو بالواجب معانا وامانه انهم ما قصرو فقالت كيفه .. المهم بعد الشووفه سألني اخوي بما اني اقرب له من خواتي قالي شورايج فيها وبأمانه انا وحده دايما احط نفسي مكان البنت وانا انسانه ما افكر فالشكل كثر الاخلاق والدين والاحترام فقتله شوف امبين عليها زينه ومحترمه وبعدين اهم شي انتي تستخير وتكون مرتاح لانها بالاخير انت بتعيش معاها .. فقالي اوكي وبعدها قال انا ابغيها ومني مناك تمت الموافقه .. طول فترة الخطوبه عمرها ما اتصلت فينا وانا مره شو سويت اخوي وهو قاعد يكلمها قتله عطني خلني اسلم عليها من باب اني ابغي اتقرب لها واني من عمرها واكيد بتاخذ وتعطي معاي شوي شوي وعشان خاطر اخوي بعد المهم استانس اخوي وعطاني السماعه وكلمتها شوي وبعدها عطيته السماعه وهي اتعرف رقمي وبعدها ملجووو .. بيوم الملجه انصدمنا كلنا انها كانت مطلقه ..!!! ولم يدخل عليها .!! لا بحرام ولاشي بس عالاقل انعرف صح ولا ..!! وصاحبنا اخوي الي كان يدري و اختي الكبيره اكبرنا كلنا كانت تدري بما انها هي الي خيرت اخوي بالبنت … سكتناااا وقلنا ما عليه دام اخوي يباها واهم شي هي تكون زينه .. فترة الملجه ابدا ما اتصلت فيناااا تخيلووووو ,,.. انا الي اعرفه اني لي ملجت المفروض انا اكسب اهل زوجي مب اتريا اهم زوجي يتصلون فيني عشان اكسبهم صح ولا .!!! الله يسلمكم هي بس همها اخوي بس 24 ساعه طالعه وكأن ماعنده اهل تتصل فيهم تسأل .. ومره انا كلمت اخوي بالسالفه قتله ترى ما يصير يعني المفروض تتصل بخواتي الكبار تسلم شي شياته قالي هي من النوع الي تستحي ونا قلتلها بس اتريووو عليها شوي .. قتله اووكي ..

قرب موعد العرس وقبل العرس بأربع اياام صارت مشكله كبيره .. هي كانت امسويه بطايق العرس والبطايق اختربن كلهم يعني مش الديزاين الي تباه واحتشرت عليهم وبعدها قالولها اتريي شوي وفاختي قالت يا فلانه وين البطايق المفروض انوزع البطايق على المعازيم قبل العرس باسبوعين عالاقل فقالت البطايق اختربن وبخليهم يسوون غيرها فقالتها اختي خلاص برايه البطايق الي سويها بنوزعها ترى الا هي بطايق اخرتها فالزباله ..فقالت لا ابغي بطايقي واختي وايد كانت مفتشله من عماتي واهلي لان البطايق ما توزعت للحين فأخوي قال لأختي بعطيج البطايق الي امسوينهم والبطايق اليديده بعطيها لفلانه توزعها على اهلها اختي قالت تمام .. خذنا البطايق ووزعناها ووبعد كم يوم اخوي راوانا البطايق اليديده فقالت اختي ماشاء الله حلوات ..المهم بعدها اختي كانت متصله في فيهااا ماعرف شو كانت تبا فيابو طاري البطايق فقالتلها اختي فلانه ماشاء الله البطايق حلوات وانا للحين في ناس من بوظبي ما وزعت عليهن بطايق فأنتي اذا تم عندج شي من البطايق طرشي مع ريلج فقالتها … لاااا مابيتم شي وانا امسويتنهم عالعدد ..!!!!! اختي انصدمت مش من الكلام من الاسلوووووووب فقالتلها اوك وسكرت … وبعدها اختي تمت مظاايقه وسكتنا ..

صار العرس وسافرو ورجعووو وهي ساكنه عندنا وكله حابسه نفسها ولو اخوي طلع قعد معانا تطلع غير جي لا ولا نادرا ما نشوفها فقلنا برايهااااا ..